ဟယ်ရီပေါ်တာနှင့် ပြဒါးရှင်လုံး

ဝီကီပီးဒီးယား မှ
ဟယ်ရီပေါ်တာနှင့် ပြဒါးရှင်လုံး
Harry Potter and the Philosopher's Stone
ပထမအကြိမ် ယူကေထုတ် စာအုပ်၏ မျက်နှာဖုံးအပြင်အဆင်
စာရေးသူဂျေ ကေ ရိုးလင်း
J. K. Rowling
သရုပ်ဖော်သူ
  • သောမတ် တေလာ
    Thomas Taylor (ယူကေထုတ် စာအုပ်)
  • ဂျော်နီ ဒပ်ဒဲလ်
    Jonny Duddle (၂၀၁၄ ယူကေထုတ် စာအုပ်)
  • မာရီ ဂရန်းပရယ်
    Mary GrandPré (အမေရိကန်ထုတ် စာအုပ်)
  • ကေဇူ ကီဘူရ်ရှီ
    Kazu Kibuishi (၂၀၁၃ အမေရိကန်ထုတ် စာအုပ်)
  • ဂျင်မ် ကေ
    Jim Kay (သရုပ်ဖော်ပုံပါ စာအုပ်)
အတွဲဟယ်ရီပေါ်တာ
ထုတ်ဝေအမှတ်
စာအုပ်စီးရီးတွင် အမှတ်စဉ် ၁ (ပထမဆုံး)
အမျိုးအစားဆန်းကြယ်စိတ်ကူးယဉ်
ထုတ်ဝေသူ
ထုတ်ဝေသည့်ရက်
  • ၁၉၉၇ ဇွန် ၂၇ (ယူနိုက်တက်ကင်းဒမ်း)[၁]
  • ၁၉၉၈ စက်တင်ဘာ ၁ (အမေရိကန်ပြည်ထောင်စု)
စာမျက်နှာ
  • ၂၂၃ (ယူကေထုတ် စာအုပ်)
  • ၃၃၂ (၂၀၁၄ ယူကေထုတ် စာအုပ်)
  • ၃၀၉ (အမေရိကန်ထုတ် စာအုပ်)
  • ၃၃၆ (၂၀၁၃ အမေရိကန်ထုတ် စာအုပ်)
  • ၂၅၆ (သရုပ်‌ဖော်ပုံပါ စာအုပ်)
ISBNဝ-၇၄၇၅-၃၂၆၉-၉
နောက်ထွက်စာအုပ်ဟယ်ရီပေါ်တာနှင့် လျှို့ဝှက်ခန်းဆောင်

ဟယ်ရီပေါ်တာနှင့် ပြဒါးရှင်လုံး (အင်္ဂလိပ်: Harry Potter and the Philosopher's Stoneဟယ်ရီပေါ်တာနှင့် မှော်ကျောက်တုံးဟယ်ရီပေါ်တာနှင့် ဓာတ်လုံးဟယ်ရီပေါ်တာနှင့် ပြဒါးရှင်လုံး၏ လျှို့ဝှက်ချက် စသည်ဖြင့် ဘာသာပြန်ဆိုကြ) သည် ဗြိတိသျှစာရေးဆရာမ ဂျေ ကေ ရိုးလင်း ရေးသားထားသည့် နာမည်ကြီး ဆန်းကြယ်စိတ်ကူးယဉ် ဝတ္ထုရှည်တစ်ပုဒ် ဖြစ်သည်။ ထိုဝတ္ထုသည် ဟယ်ရီပေါ်တာ စာအုပ်အတွဲတွင် ပထမဆုံး ဖြစ်၍၊ ဂျေ ကေ ရိုးလင်း၏ ပွဲဦးထွက်စာအုပ်လည်း ဖြစ်သည်။ ထိုစာအုပ်သည် ၁၉၉၇ ခုနှစ်တွင် ပထမအကြိမ်အဖြစ် ဘလွမ်းစ်ဘာရီ စာအုပ်တိုက်မှ စတင်ပုံနှိပ်ထုတ်ဝေဖြန့်ချိခဲ့ခြင်း ဖြစ်၏။ အမေရိကန် ပြည်ထောင်စု၌ ၁၉၉၈ ခုနှစ်တွင် ဟယ်ရီပေါ်တာနှင့် မှော်ပြဒါးရှင်လုံး (အင်္ဂလိပ်: Harry Potter and the Sorcerer's Stone) အမည်ဖြင့် ထုတ်ဝေခဲ့လေသည်။ ဇာတ်လမ်းမှာမူ ဟယ်ရီပေါ်တာ အမည်ရှိ မှော်ဆရာကောင်လေးတစ်ဦးက မှော်လောကကြီးတွင် ပါဝင်လာခဲ့ပြီးနောက် ဟော့ဂ်ဝပ်စုန်းကဝေအတတ်နှင့် မှော်ပညာကျောင်းတော်ကြီး၏ ပထမနှစ်တွင် သူငယ်ချင်းများ၊ ရန်သူများနှင့် ပညာသင်ကြားခြင်း ၊ စွန့်စားတိုက်ခိုက်ခြင်းများ အကြောင်းပင် ဖြစ်လေသည်။ အင်အားပြန်ကောင်းလာသည့် မိစ္ဆာသခင်ကြီး ဗော်လ်ဒီမော့ စသည့် ရန်သူများကို မျက်နှာချင်းဆိုင် တိုက်ခိုက်အောင်မြင်ခဲ့သည်။ သခင်ဗော်လ်ဒီမော့ ဆိုသူမှာ လူအများက အမည်ပင်မခေါ်ဝံ့သူ ဖြစ်ပြီး ဟယ်ရီပေါ်တာ၏ မိဘနှစ်ပါးကို သတ်ပြီးနောက် ဟယ်ရီပေါ်တာကိုလည်း သတ်ရန် ကြိုးပမ်းခဲ့သူ ဖြစ်သည်။ သို့ရာတွင် ထိုစဉ်က အသက် ၁၅ လသားသာ ရှိသေးသော ဟယ်ရီပေါ်တာကို သတ်ရန် မအောင်မြင်ခဲ့ပေ။

ထိုဝတ္ထုသည် ကလေးသူငယ်များ ရွေးချယ်သည့် ဗြိတိသျှစာပေဆုများနှင့် အမေရိကန်မှ အခြားစာပေဆုပေါင်းများစွာကို ဆွတ်ခူးရယူနိုင်ခဲ့သည်။ ဤစာအုပ်သည် ၁၉၉၉ ခုနှစ်၊ ဩဂုတ်လတွင် နယူးယောက်တိုင်းမ်သတင်းစာ၏ ရောင်းအားအကောင်းဆုံး ရသစာအုပ်များစာရင်း တွင် ထိပ်ဆုံးမှ ရပ်တည်နိုင်ခဲ့၍ ၊ ၁၉၉၉ ခုနှစ်နှင့် ၂၀၀၀ ခုနှစ်များအထိတိုင် ထိုစာရင်းတွင် ထိပ်ဆုံးနေရာနီးနီး ရပ်တည်နေနိုင်ခဲ့လေ၏။ ဘာသာစကားပေါင်းများစွာသို့ ပြန်ဆိုထားသည့်အပြင် ရုပ်ရှင်ဇာတ်ကား ဖန်တီးပြသရာတွင်လည်း အထူးအောင်မြင်ခဲ့ပေသည်။

ဝေဖန်သုံးသပ်ရေးအများစုကမူ ထိုစာအုပ်ကို ချီးကျူးဂုဏ်ပြုခဲ့သည်။ ရိုးလင်း၏ စိတ်ကူးယဉ်နိုင်စွမ်း၊ ရိုးရှင်း၍ ပါးနပ်သပ်ရပ်သော ဇာတ်လမ်းဆင်ပုံတို့ကို များစွာချီးကျူးခဲ့သည်။ သို့သော် နောက်ပိုင်းအခန်းများတွင်မူ အလျင်လိုမှု အနည်းငယ်ပါဝင်သည်ဟု သုံးသပ်ကြလေသည်။ သူမ၏ အရေးအသားကို သူမကိုယ်တိုင်နှစ်သက်အားကျသော စာရေးဆရာများထဲမှ တစ်ဦးဖြစ်သည့် ဂျိန်း အော်စတန် (Jane Austen) ၊ ဟယ်ရီပေါ်တာစာအုပ်များမတိုင်ခင် ကလေးစာပေအပေါ် အတော်လွှမ်းမိုးနိုင်ခဲ့သည့် ရိုးလ် ဒါးလ်ချ် (Roald Dahl) ၊ ရှေးပဝေသဏီက ဂရိပြည်မှ ဇာတ်ကြောင်းပြောသူ ဟိုးမား (Homer) တို့၏ အရေးအသားနှင့် နှိုင်းယှဉ်ဂုဏ်ပြုခဲ့ကြ၏။ အချို့ဝေဖန်ရေးဆရာတို့က ရှေးကာလများသို့ ခေတ်နောက်ပြန်ဆွဲသည် ဟု ယူဆကြသော်လည်း ၊ အချို့ကမူ ခေတ်သစ်ကမ္ဘာကြီးတွင် မျက်မှောက်ခေတ် လူမှုကျင့်ဝတ်ဆိုင်ရာများနှင့် လျော်ညီစွာ ဖော်ပြရေးသားနိုင်သည်ဟု ဝေဖန်ခဲ့ကြပေသည်။

ဟယ်ရီပေါ်တာနှင့် ပြဒါးရှင်လုံး စာအုပ်သည် အချို့သော ဘာသာရေးဆိုင်ရာ အသင်းအဖွဲ့တို့တွင် လက်မခံနိုင်စရာ ကိစ္စများ ဖြစ်စေခဲ့သလို ၊ နိုင်ငံအချို့တွင် ပိတ်ပင်ခံခဲ့ရသည်။ ၎င်းဝတ္ထုသည် စုန်းကဝေမှော်အတတ်များကို ကြော်ငြာဖြန့်ဝေပေးသည်ဟု စွပ်စွဲခြင်းခံခဲ့ခြင်း ဖြစ်သည်။ သို့သော် အချို့ဘာသာရေးဆိုင်ရာ ဝေဖန်ရေးများကမူ ဤစာအုပ်များသည် ကိုယ်တိုင်စွန့်လွှတ်အနစ်နာခံမှု၏ စွမ်းအားများ၊ လူတို့၏ မိမိကိုယ်ကို ခံယူဆုံးဖြတ်ရန် နည်းလမ်းကောင်းများ စသည်တို့ အပါအဝင် အရေးပါလှသော အဓိကအချက်အလက်များ ပါဝင်နေကြောင်း ဆိုကြသည်။ ဤ ဟယ်ရီပေါ်တာ စာအုပ်အတွဲသည် အလွန်အောင်မြင်၍ ပညာသင်ကြားမှု နည်းပညာ၊ လူမှုဗေဒနယ်ပယ်နှင့် ဈေးကွက်စီးပွားရေးဆိုင်ရာများတွင် ရင်းမြစ်တစ်ခုအဖြစ် ဖော်ပြသုံးစွဲကြလေသည်။

ကိုးကား[ပြင်ဆင်ရန်]

  1. Harry Potter and the Philosopher's Stone: J.K. Rowling: Bloomsbury Childrens။ Bloomsbury။ 26 June 2015 တွင် မူရင်းအား မော်ကွန်းတင်ပြီး။ 26 June 2015 တွင် ပြန်စစ်ပြီး။