သုဝဏ္ဏပုပ္ဖိယ

အရှင်သုဝဏ္ဏပုပ္ဖိယထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဘဝဇာတ်ကြောင်း

ဝိပဿီမြတ်စွာဘုရားလက်ထက်

ဝိပဿီမြတ်စွာဘုရား လက်ထက်တွင် ဖြစ်၏။ ထိုအချိန်တွင် အရှင်သုဝဏ္ဏပုပ္ဖိယထေရ် သည် ဘုမ္မစိုးနတ် ဖြစ်နေ၏။ တစ်ခုသောအချိန်တွင် မြတ်စွာဘုရားသည် လူအပေါင်းအား သေခြင်းကင်းရာ နိဗ္ဗာန်ကို ဟောတော်မူ၏။ ထိုသို့ဟောသည်ကို ဘုမ္မစိုးနတ်လည်း နာကြားရ၏။ ထို့နောက် မြတ်စွာဘုရားအား ရွှေပန်းလေးပွင့်ကို လှူဒါန်းခဲ့၏။

အကျိုးခံစားရခြင်း

ဤဘဒ္ဒကမ္ဘာမှ ကိုးဆယ့်တစ်ကမ္ဘာထက်တွင် မြတ်စွာဘုရားအား ရွှေပန်းလှူခဲ့သည့်အချိန်မှစကာ အပါယ်လေးဘုံသို့ မကျရောက်ခဲ့ရပေ။ ထို့ပြင် ဤဘဒ္ဒကမ္ဘာမှ လေးဆယ့်သုံးကမ္ဘာထက်၌ “နေမိသမ္မတ” အမည်ဖြင့် စကြဝတေးမင်း တစ်ဆယ့်ခြောက်ကြိမ် ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်သုဝဏ္ဏပုပ္ဖိယထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။