သာလပုပ္ဖဒါယက

အရှင်သာလပုပ္ဖဒါယကထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်သည်။

ဝိပဿီမြတ်စွာဘုရား

ဝိပဿီမြတ်စွာဘုရား လက်ထက်တော်အခါက ဖြစ်၏။ ထိုအချိန်တွင် အရှင်သာလပုပ္ဖဒါယကထေရ် သည် ခြင်္သေ့မင်း ဖြစ်နေ၏။ တစ်နေ့သောအခါ ထိုခြင်္သေ့သည် တောသတ္တဝါကို ရှာဖွေစဉ် မြတ်စွာဘုရားကို ဖူးမြင်ရ၏။

ထို့နောက် ခြင်္သေ့သည် မြတ်စွာဘုရားအား အင်ကြင်းပန်းခိုင်ကို ချိုးကာ မြတ်စွာဘုရားအား လှူဒါန်းခဲ့၏။

အကျိုးခံစားရခြင်း

ထိုသို့ ဤဘဒ္ဒကမ္ဘာမှ ကိုးဆယ့်တစ်ကမ္ဘာထက်တွင် မြတ်စွာဘုရားအား ပန်းလှူခဲ့သည့်အချိန်မှစကာ အပါယ်လေးဘုံသို့ မရောက်ခဲ့ရပေ။ ဤဘဒ္ဒကမ္ဘာမှ ကိုးကမ္ဘာထက်တွင် “ဝိရောစန” အမည်ဖြင့် စကြဝတေးမင်း သုံးကြိမ် ဖြစ်ခဲ့၏။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်သာလပုပ္ဖဒါယကထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။