ဝင်းဒိုး ၁၁

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်

ဝင်းတိုး အလဲဗန်း သည် မကြာခင်ထွက်မည့် ဝင်းတိုးအန်တီလည်ပတ်စနစ်တစ်ခုဖြစ်ပြီး မိုက်ခရိုဆော့ဖ်မှ ထွင်သည်။

ဖန်တီးခြင်း[ပြင်ဆင်ရန်]

ဝင်းတိုး တန်း ထွက်ပြီးနောက် မိုက်ခရိုဆော့ဖ်က ဝင်းတိုး၏ နောက်ဆုံးစနစ်ဖြစ်မည်ဟု ကြေညာသည်။ ဆိုလိုသည်မှာ ၎င်းအပေါ်တွင် ဘေ့လ်ဒ် (build) သစ်များ၊ ဖြည့်စွက်ချက် (update) များထည့်ကာ ပြင်သွားမည်ဟူ၏။ သို့သော် မိုက်ခရိုဆော့ဖ်က သွေးသစ်လောင်းသည်ဆိုကာ အလုပ်ကြော်ငြာစာ ထွက်လာသည်နောက် ဝင်းတိုးအား ဒီဇိုင်းသစ်ပြင်မည်ဟူသော ခန့်မှန်းချက်များ ပေါ်လာသည်။ နောက် လူသုံးမျက်နှာစာကို ဆန်းသစ်ထားသော ကုတ်အမည် ဆန်းပေသည် (Sun Valley) ဟု အမည်ရသည့် ဝင်းတိုးသစ်ကို ထွင်တော့သည်။

ဝင်းတိုး အလဲဗန်း၏ အစမ်းတည်ဆောက်ထားသောပုံမှာ ၂၀၂၁ ခု၊ ဇွန်လ ၁၅ ရက်တွင် ပေါက်ကြားသည်။ ဝင်းတိုးသစ်ထွင်နေသည့်သတင်းနှင့် တစ်နေ့တည်းပေါက်ကြားခြင်း ဖြစ်သည်။ ဝင်းတိုးသစ်မှာ တီပီအမ်ခေါ် ပရိုဆက်ဆာဝှက်စာသွင်းထိန်းချုပ်စနစ် တင်ပြီးမှသာ သုံးနိုင်မည်ဖြစ်၍ လက်ရှိသုံးနေသော ဟာ့ဝဲလ်အများစုနှင့် ကိုက်မည်မဟုတ်။

မိုက်ခရိုဆော့ဖ်ဘေ့လ်ဒ် ၂၀၂၁ ဖန်တီးသူများကွန်ဖရင့်၌ အမှုဆောင်အရာရှိချုပ်နှင့်ဥက္ကဋ္ဌ ဆတ္တယနာဒဠာက သူ့မိန့်ခွန်းတွင် နောက်လာမည့်ဝင်းတိုးအကြောင်းကို တစွန်းတစပြောဖူးသည်။ နောက်တစ်ပတ်ကြာသည့် ၂၀၂၁ ခု၊ ဇွန်လ ၂၄ ရက် ကျင်းပမည့် ဝင်းတိုးသစ်မိတ်ဆက်ပွဲအတွက် ဖိတ်စာပို့တော့သည်။ ၁၁-မိနစ်ကြာသည့် ဝင်းတိုး အဖွင့်သံစဉ်ကို ယူကျု့ဘ်တွင် ဇွန်လ ၁၀ ရက်နေ့က တင်သည်တွင် ဝင်းတိုး အလဲဗန်းအတွက် အမြွက်ပေးခြင်းဟု လူအများစုက မှန်းချက်ထုတ်ကြသည်။

၂၀၂၁ ခု၊ ဇွန်လ ၂၀ ရက်၌ မိုက်ခရိုဆော့ဖ်က ဝင်းတိုး အလဲဗန်းအတွက် အထောက်အကူပြုစာတန်းများလုပ်နေကြောင်း ရှောင်တခင်ကြေညာသည်။

ကိုးကား[ပြင်ဆင်ရန်]