မြဘုရား

ဝီကီပီးဒီးယား မှ
Jump to navigation Jump to search
မြဘုရားဆောင်းတွင်းသင်္ကန်းဝတ်ဆင်စဉ်

မြဘုရားသို့မဟုတ် ဗုဒ္ဓမဟာမဏီ ရတနပဋိမာကရ (ပါဠိ: Buddhamahāmaṇī Ratanapaṭimākara; ထိုင်း: พระพุทธมหามณีรัตนปฏิมากร) သည် ယခုအခါ ထိုင်းနိုင်ငံဘန်ကောက်မြို့တွင် တော်ဝင်နန်းတော်၌ အပူဇော်ခံထားရှိသော ကျောက်စိမ်းဘုရား ဖြစ်ကာ၊ မူလက အနော်ရထာဘုရင်ကို သီဟိုဠ်ဘုရင်က လက်ဆောင် ဆက်သလာသော ဘုရား ဖြစ်သည်။ လမ်းခရီးတွင် မုန်တိုင်းမိပြီး လာအိုနိုင်ငံသို့ ရောက်ရှိကာ လာအိုဘုရင်မှ ကိုးကွယ်ထားရှိသည်ကို ကြားသိရပြီးနောက် အနော်ရထာမင်းက အကြမ်းမဖက် ပြန်မယူဘဲ သီဟိုဠ်ဘုရင်ကိုပါ အခေါ်လွှတ်ပြီး သုံးဦးသားရှေ့မှောက်တွင် ရေစက်ချချ၍ လာအိုဘုရင်အား လှူဒါန်းခဲ့ခြင်း ဖြစ်သည်။ ၎င်းနောက် နှစ်ပေါင်းများစွာ လာအိုတလှည့်၊ ထိုင်းတလှည့်၊ ဗီယက်နမ် တလှည့် ကိုးကွယ် ရောက်ရှိနေရာမှ ၁၇၇၈ တွင် ရာမ ၁ က ဗီယက်ကျန်းကို သိမ်းပိုက်လိုက်သည့်အခါ မြဘုရားကို အသစ်တည်လိုက်သော ဘန်ကောက်မြို့သို့ ပင့်ဆောင်လာခဲ့ပြီး၊ ယနေ့ထက်တိုင် အပူဇော်ခံ ထားရှိလျက် ရှိသည်။

ထူးခြားချက်[ပြင်ဆင်ရန်]

မြဘုရားသည် မျက်နှာတော်သည် မြန်မာနိုင်ငံဘက်သို့သာ မူထားလျက် ရှိသည်။

ဘုရားဖူး[ပြင်ဆင်ရန်]

မြန်မာနိုင်ငံမှ ဘုရားဖူးများသည် ဘန်ကောက်သို့ရောက်သည့်အခါ မြဘုရားကို အလျင် ဦးတိုက်လေ့ ရှိသည်။ ဘုရားဖူးလာသူများကို ဘောင်းဘီတို၊ အကြပ်၊ စကတ်တိုများ၊ လည်ဟိုက်အင်္ကျီ၊ တီရှပ် စသည် ယဉ်ကျေးမှုနှင့် မလျော်ညီသော အဝတ်များ ဝတ်ဆင်ခွင့် မပြုထားဘဲ ဝတ်လာပါက ပြင်ပတွင် ဖွင့်လှစ်ထားသော အရောင်းဆိုင်များ၌ ဝယ်ယူ လဲလှယ် ဝတ်ဆင်ခိုင်းသည်။ [၁]

ကိုးကား[ပြင်ဆင်ရန်]