မေဆွိ

မေဆွိ
မေဆွိ
မွေးဖွား	ဆွေအေးမြင့်; ဖေဖော်ဝါရီ ၁၃၊ ၁၉၆၂ (အသက် ၆၂); ရန်ကုန်မြို့{စမ်းချောင်း}
နိုင်ငံလူမျိုး	မြန်မာ
လူမျိုး	မြန်မာ
အလုပ်အကိုင်	သရုပ်ဆောင်၊ အဆိုတော်
အိမ်ထောင်ဖက်(များ)	ဦးဇော်ဝင်း
မိဘ(များ)	ဦးခင်မောင်ညွန့် + ဒေါ်မြင့်မြင့်ခင်

မေဆွိ (၁၉၆၂ ဖေဖော်ဝါရီ ၁၃)၏ အမည်ရင်းမှာ ဆွေအေးမြင့် ဖြစ်ပြီး မြန်မာနိုင်ငံတဝန်း ကျော်ကြားသည့် တေးသံရှင်နှင့် သရုပ်ဆောင်တစ်ဦးဖြစ်သည်။ မိခင် ဖြစ်သူမှာ အကယ်ဒမီ များရှင် စည်သူဘွဲ့ရဒေါ်မြင့်မြင့်ခင် ဖြစ်ပြီး မွေးချင်း (၅)ယောက် အနက် လေးယောက်မြောက် သမီး ဖြစ်သည်။ မြန်မာ့ခေတ်ပေါ် တေးဂီတလောကတွင် အအောင်မြင်ဆုံး အမျိုးသမီး တေးသံရှင်တစ်ဦးဖြစ်သည်။ သူမ၏ ကော်ပီသီချင်းများအပြင် မြန်မာဟန် ရိုးရာသီချင်းများလည်း လူကြိုက်များသည်။ မေဆွိသည် ၁၉၇၀ ပြည့်နှစ်များတွင် နာမည်ကျော် တေးရေးဆရာ သုခမိန်လှိုင် ရေးသားဖန်တီးသည့် ပန်းသီးသီချင်းများ ကော်ပီစီးရီးဖြင့် လူသိများလာသည်။ မေဆွိသည် စိုင်းထီးဆိုင်အပါအဝင် အမျိုးသား တေးသံရှင်များ၏ သီချင်းများကို ပြန်ဆိုလေ့ရှိသည့်အပြင် ကိုယ်ပိုင်သံစဉ်များကိုလည်း ထုတ်ဝေခဲ့သည်။ ကိုင်ဇာနှင့် သီဆိုသည့် စုံတွဲသီချင်းများမှာလည်း အထူးအောင်မြင်သည်။ ကိုင်ဇာနှင့်သီဆိုခဲ့သော အနမ်းပန်းသီချင်းသည် အင်မတန်မှအောင်မြင်ခဲ့သည်။

အောင်မြင်မှု အထွဋ်အထိပ်သို့ ရောက်ရှိသည့် ၁၉၈၀ ပြည့်နှစ်များတွင် မေဆွိသည် နာမည်ကျော် သရုပ်ဆောင်များဖြစ်သည့် ပြေငြိမ်း၊ ကျော်သူ တို့နှင့်အတူ ရုပ်ရှင်များလည်း ရိုက်ကူးခဲ့သည်။ သို့သော်လည်း ၁၉၉၀ ပြည့်နှစ်များတွင် ရုပ်ရှင်ရိုက်ကူးခြင်းကို ရပ်နားလိုက်ပြီး ဂီတလုပ်ငန်းကို အာရုံစိုက်ခဲ့သည်။ မြန်မာ့ခေတ်ပေါ်ဂီတ ရေစီးကြောင်းသည် ခေတ်နှင့်အလိုက် ရော့ခ် (Rock)၊ ပေါ့ပ် (Pop)၊ ဟဲဗီးမက်တယ် (heavy metal) စသည့် ဂီတဟန်များမှ အာရ်အင်ဘီ (R&B)၊ တက္ကနို (techno)၊ ဟစ်ပ်ဟော့ပ် (Hip-hop) စသည့် သဏ္ဌာန်သို့ ကူးပြောင်းလာသော်လည်း သူမသည် ကိုယ်ပိုင်ဟန်ဖြင့် တေးစီးရီးများကို ဆက်လက်ထုတ်ဝေခဲ့သည်။

မေဆွိသည် ၁၉၉၇ ခုနှစ်တွင် နယူးယောက်မြို့မှ အမေရိကန်ရောက် မြန်မာလူမျိုး ဦးဇော်ဝင်းနှင့် လက်ထပ်ထိမ်းမြားပြီးနောက် ဂီတလောကနှင့်ရော အမိမြေကိုပါ ခွဲခွာခဲ့သည်။ လက်ရှိတွင် ခင်ပွန်းနှင့်အတူ ဒယ်လာဝဲတွင် နေထိုင်သည်။ ယခုအခါသူမသည် ကမ္ဘာတဝန်းရှိ မြန်မာပရိသတ်များအတွက် သီဆိုဖျော်ဖြေနေဆဲ ဖြစ်သည်။ Myanmar Idol ၏ ဒိုင် အဟောင်းတစ်ယောက်ပင်ဖြစ်ပြီး ယခုထိ အောင်မြင်ကျော်ကြား လူကြိုက်များသော တေးသံရှင် တစ်ဦး ပင်ဖြစ်သည်။

ထွက်ရှိခဲ့သောတေးစုများ

မေဆွိသည် သူမ၏ ဂီတသက်တမ်းတလျှောက် ဂီတဟန် အမျိုးမျိုးရှိသည့် သီချင်းပေါင်း ရာကျော်၊ တစ်ကိုယ်တော် တေးစုပေါင်း ၁၂၀ ကျော်ကို ထုတ်ဝေခဲ့သည်။ ၁၀ နှစ်ကျော် နားခဲ့ပြီးနောက် ၂၀၁၀ ခုနှစ်တွင် စီးရီးအသစ်တစ်ခုကို ထုတ်ဝေခဲ့သည်။^[၁]

တစ်ကိုယ်တော်တေးစုများ

မြတ်လေးငုံ
ရေမွှေး
ချစ်ရေစင်
ရွှေလည်တိုင်
မြကြာယံ
ဟိုးဆရာ
စာခြောက်ရုပ်
မြားဘုရင်
ချိုသောသီချင်းများ
စူပါဆွိ (အချိုတကာ့အချိုဆုံးတေးများ)
ပန်းသီးသီချင်းများ
ပန်းသီးသီချင်းများ ပြန်လာပြီ
ပန်းသီးသီချင်းများ ၃
ပန်းသီးသီချင်းများ ၄
ပန်းသီးသီချင်းများ ၅
ပန်းသီးသီချင်းများ ၆
ပန်းသီးသီချင်းများ ၇ (၁၉၈၇)
ပန်းသီးဖီလင်
ပုစွန်ဆိတ်ကလေး ၁
ပုစွန်ဆိတ်ကလေး ၂
ပုစွန်ဆိတ်ကလေးများ
မြီးကောင်ပေါက်
သည်းနုရွယ်
စွန်
နတ်မြင်းပျံ (၁၉၈၂)
လေယာဉ်ပျံ
လေယာဉ်ပျံ - ၂
ပန်းကန်ပြားပျံများ
အချစ်ကြောင့် (၁၉၈၂)
အီသီယိုးပီးယား (၁၉၈၃)
နှလုံးသားထဲက စိုင်းထီးဆိုင် ၁ (၁၉၈၅)
နှလုံးသားထဲက စိုင်းထီးဆိုင် ၂ (၁၉၈၅)
ဆူး+ဆွိ ဒိုင်ယာရီ
ရေဒီယိုဆွိ
တယ်လီဗေးရှင်းဖြူဖြူ
ဘိုင်စကုတ်ထဲက ဆွိ (၁၉၈၅)
အကယ်ဒမီပေးလိုက်မယ်
တို့ရဲ့အချိန်
မာယာကိုကို
နှစ်ထပ်ကွမ်းကိုကို
နှစ်ကိုယ်ခွဲ
သုံးပင်လိမ်
အိပ်မက်တစ်ရာ
တွတ်တီးတွတ်တာ
အင်း...တလုံးတည်းပါနော်
သိတယ်မဟုတ်လား
ဦးနှောက်စားနေပြီ
သူ့မျက်လုံး
ခုံဖိနပ်တစ်ဖက် ဘွတ်ဖိနပ်တစ်ဖက်
လေစိမ်းတွေတိုက်နေတယ်
မျက်လုံးစိမ်း
အေရိုးဘစ် (၁၉၉၀)
ခြိုးခြိမ့်ခြိမ့်ညံ (၁၉၉၁)
အားလုံးကံကောင်းပါစေ
အားလုံးကောင်းပါစေ (၁၉၉၁)
ရင်ထဲက စိုင်းထီးဆိုင်
ရင်ထဲကစိုင်းထီးဆိုင် - ၂ (၁၉၉၂)
ရင်ထဲကစိုင်းထီးဆိုင် - ၃
ရင်ထဲကစိုင်းထီးဆိုင် - ၄
ချယ်ရီလွင်ပြင် - ၁
ချယ်ရီလွင်ပြင် - ၂
အိပ်မက်သစ်တဖန်မွေးဖွားခြင်း
အိပ်မက်ကမ္ဘာမှာတွေ့မယ်
ရင်ထဲကစိုးပိုင် - ၁
ရင်ထဲကစိုးပိုင် - ၂
မူယာမာယာမိရွှေညာ
မာယာကိုကို (Live)
ကိုကိုဘာလို့မုန်းတာလဲ (၁၉၉၂)
ကာတွန်းဇာတ်လိုက် (၁၉၉၂)
ဆံရစ်ဝိုင်း
နားပန်းဆံ (၁၉၉၃)
မွေးဌာနေ
မြကြာယံ
မေတ္တာရွှေစောင်း
မေတ္တာသံဝေ
ဆာယိုနာရား
ဆန်ဖရန်စစ္စကို (၁၉၉၄)
အမြဲတမ်းမင်း
မာကျူရီည
သော်တာငွေမင်း
အိုအေစစ်
ရွှေရင်အေး
ရွှေမှုံကြဲ
ရွှေရောင်ပုံရိပ်များ
ရွှေမေဆွိ
အဆိပ်တစ်စက် နှင်းတစ်စက် နှင့် ကံကောင်းသောမေဆွိ
ဒုတိယမြို့ကပထမရည်းစား
ချစ်အယ်ဒီတာ
ချစ်သူရဲ့သီချင်း
ချစ်ကော်ဖီ
ထူးအိမ်သင်ဝိဉာဉ် (၁၉၉၇)
ဂျပ်ဆင်ထိပ်ကလရိပ်ပြာ
တက္ကသီလာရဲ့လှပျိုဖြူ
ကံ့ကော်မြို့တော်
လွှမ်းမိုးဆိုတဲ့ချစ်သတိပြု
ရင်ထဲကခွန်သန်းထွန်း
အသည်းထဲကဗစ်တာခင်ညို
ပိတောက်ဖူးတို့ရင်ခုန်သံ
ပန်းပိတောက်ပွဲတော်
ပြိုင်ပွဲဝင်အမှတ် - ၁၅၀၀
အပျိုစင်
ရင်ခွင်ဦး
ချစ်ပွဲဝင်
ချိုလိမ်
အသက်ရှူကျပ်တယ်
အချိန်မှီနော်
နားလည်ထားနော်
သူမရဲ့ကဗျာ
ချစ်လူမိုက် (၁၉၉၈)
ချစ်သလား မုန်းသလား (၁၉၉၈)
မောင်ချစ်ရဲ့လား
အလွမ်းစာလေးရေးလိုက်မယ် (၁၉၉၉)
တိမ်လွှာမို့မို့လွင်
နံနက်ခင်း (၁၉၉၉)
ရွက်ကြွေပွင့်ဖူးဆောင်းဦးနံနက်ခင်း
တစ်ဆောင်းသစ်ပြန်ပြီ
အလွမ်းသံစဉ်မိုးစက်
ဝေးလွင့်လိပ်ပြာအလွမ်း
အလွမ်းစာလေးရေးလိုက်မယ်
စိုးနှောင့်ဗျာပွေ
ခွန်းဆင့်ချစ်ကဗျာခြွေ
မေဆွိနှင့် နှလုံးသား သံစဉ်ချိုချိုများ (2010)
နှလုံးသားသံစဉ်ချိုချို (Live)
အသည်းထဲက ဗစ်တာခင်ညို
နှလုံးသားလက်ဆောင်
နှလုံးသားသီချင်းများ
အကောင်းတကာ့အကောင်းဆုံးတေး - ၁
အကောင်းတကာ့အကောင်းဆုံးတေး - ၂

ပူးတွဲသီဆိုခဲ့သော တေးစုများ

ရွှေရုပ်ရှင်စုံတွဲ ၁ (သိန်းတန်)
ရွှေရုပ်ရှင်စုံတွဲ ၂ (သိန်းတန်)
ရွှေရုပ်ရှင်စုံတွဲ ၃ (ခင်မောင်ထူး)
ဂန္ထဝင်ရုပ်ရှင်တေးများ
မမ မောင်မောင် မိမိ (ခင်မောင်ထူး)
မင်္ဂလာရွှေစုံတွဲ (သုမောင်)
လှမဉ္ဇူ (သုမောင်)
မေတ္တာပေါင်းကူး (မာမာအေး)
တူနှစ်ကိုယ်တိုင်းပြည် (ကိုင်ဇာ)
အကြင်နာအိပ်မက် (ထူးအိမ်သင်၊ အောင်ရင်)
ရင်ထဲက လားရှိုး (ကန့်ကော်တော မျိုးအောင်)
နွေမိုးဆောင်း (ရန်အောင်)
ရှေးရေစက် (ရန်အောင်)
ရွှေမင်္ဂလာဆောင် ၁ (၁၉၉၇)
ရွှေမင်္ဂလာဆောင် ၂
လူတွေသိလေ ပိုကောင်းလေ (ကိုင်ဇာ)
အချစ်စုံတွဲ
အမြတ်နိုးဆုံးနှင်း (စိုင်းထီးဆိုင်) (၁၉၉၂)
မောင်ငြိမ်းချမ်း သံသရာ (စိုးပိုင်)
ချစ်သူတို့အတွက် စုံတွဲတေး ၁ (Duets for Lovers 1)
Kyunnaw Do Ne Khit Thon Khit
May Sweet and Successful Singers 1
May Sweet and Successful Singers 2
ရွှေရောင်အိပ်မက်များ (Live)
ရင်တွင်းဆု (ဟေမာနေဝင်း၊ နီနီဝင်းရွှေ)