မာလာသန်းထိုက်

H.E မာလာသန်းထိုက်
သီရိလင်္ကာနိုင်ငံဆိုင်ရာမြန်မာသံအမတ်ကြီး
တာဝန်ထမ်းဆောင်ဆဲ
တာဝန် စတင် ၇ မေ ၂၀၂၄
ယခင်လူ	ဦးဟန်သူ
ညွှန်ကြားရေးမှူးချုပ် အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန နိုင်ငံခြားရေးဝန်ကြီးဌာန
တာဝန်သက်တမ်း ၂၀၂၀ – ၂၀၂၄
ဆက်ခံသူ	ကျော်ညွှန့်ဦး
ကိုယ်ရေး အချက်အလက်များ
မွေးဖွား	၁၉၆၇
လူမျိုး	မြန်မာ
အလုပ်အကိုင်	သံတမန်

ဒေါ်မာလာသန်းထိုက် သည် မြန်မာသံအမတ်ကြီး တစ်ဦးဖြစ်သည်။သူသည် သံအမတ်ကြီး ဒေါ်ခင်ကြည် နောက်ပိုင်း မြန်မာ့နိုင်ငံရေးအတွင်း သတ္တမမြောက်ခန့်အပ်ခံရသည့် အမျိုးသမီးသံအမတ်ကြီး ဖြစ်သည်။ယင်းမတိုင်မီက သူသည် နိုင်ငံခြားရေးဝန်ကြီးဌာန ၊အပြည်ပြည်ဆိုင်ရာ အဖွဲ့အစည်းများနှင့် စီးပွားရေးဦးစီးဌာန မှ ညွှန်ကြားရေးမှူးချုပ် ဖြစ်ခဲ့သည်။

ဝန်ထမ်းဘဝ

သူသည် နိုင်ငံခြားရေးဝန်ကြီးဌာန တွင် နှစ် ၃၀ ဖြတ်သန်းပြီးနောက် ၂၀၂၀ပြည့်နှစ်ထဲတွင် ယင်းဝန်ကြီးဌာန ၏ အပြည်ပြည်ဆိုင်ရာ အဖွဲ့အစည်းများနှင့် စီးပွားရေး ဦးစီးဌာန တွင် ညွှန်ကြားရေးမှူးချုပ် အဖြစ် အတည်ပြုခန့်အပ်ခံရသည်။ ဒေါ်မာလာသန်းထိုက်သည် နိုင်ငံခြားရေးဝန်ကြီးဌာန ယာယီအမြဲတမ်းအတွင်းဝန် ရာထူးဖြင့် ၂၀၂၄ ခုနှစ် ဇန်နဝါရီ ၂၈ ရက် မှ ၂၉ ရက်နေ့အထိ လာအိုနိုင်ငံ လွန်ပရာဘန် (Luang Prabang) မြို့ ၌ ကျင်းပသော အာဆီယံနိုင်ငံခြား ရေးဝန်ကြီးများ အစည်းအဝေး အား မြန်မာနိုင်ငံကိုယ်စားပြုတက်ရောက်ခဲ့ရာ နိုင်ငံတကာအသိုင်းအဝိုင်း ၏ အာရုံစူးစိုက်မှုကို ခံခဲ့ရသည်။ သူသည် ၂၀၂၁ နောက်ပိုင်း နိုင်ငံတော်စီမံအုပ်ချုပ်ရေးကောင်စီ ဘက်က နှစ်နှစ်ကျော်သပိတ်မှောက်ထားသည့် အာဆီယံအစည်းအဝေးသို့ ပထမဦးဆုံး ကိုယ်စားလှယ် အဖြစ် စေလွှတ်ခံရသူအဖြစ်လည်း မှတ်တမ်းဝင်သွားသည်။

သံအမတ်ကြီးဘဝ

၂၀၂၄ ခုနှစ် မေလ ၇ရက်နေ့တွင် သူ့အား နိုင်ငံတော်စီမံအုပ်ချုပ်ရေးကောင်စီ က သီရိလင်္ကာ ဒီမိုကရက်တစ် ဆိုရှယ်လစ်သမ္မတနိုင်ငံ ဆိုင်ရာ အထူးအာဏာကုန် လွှဲအပ်ခြင်းခံရသော ပြည်ထောင်စုသမ္မတ မြန်မာနိုင်ငံတော် သံအမတ်ကြီးအဖြစ် ခန့်အပ်သည်။သူ သည် ၂၀၂၄ ခုနှစ် ဩဂုတ် ၂၁ ရက်တွင် ကိုလံဘိုမြို့ရှိ သမ္မတအိမ်တော်၌ သီရိလင်္ကာသမ္မတ မစ္စတာရာနေးလ်ဝစ်ခ်ရီမီဆင်းဟီ ထံသို့ သံအမတ်ခန့်အပ်လွှာ ပေးအပ်ခဲ့ပြီး သံအမတ်ကြီး ဘဝကို တရားဝင် စတင်သည်။