ဘူဆန်သို့ ရထား

ဝီကီပီးဒီးယား မှ
Jump to navigation Jump to search
Train to Busan
Train to Busan.jpg
ရုံတင် ပိုစတာ
Hangul부산
Hanja釜山
Revised RomanizationBusanhaeng
ဒါရိုက်တာYeon Sang-ho
ထုတ်လုပ်သူLee Dong-ha
စာရေးသူPark Joo-suk
သရုပ်ဆောင်
  • ဂုန်ယူး
  • မာဒုန်စွတ်
  • ဂျန်ယုမီ
  • ကင်စုအန်း
  • ကင်အွေစွန်
  • ချွိုင်ဝူးရှစ်
  • အာန်ဆိုဟီး
ဂီတမှူးJang Young-gyu
ဓာတ်ပုံLee Hyung-deok
တည်းဖြတ်Yang Jin-mo
ထုတ်လုပ်ရေး
ကုမ္ပဏီ
  • Next Entertainment World
  • RedPeter Film
ထုတ်ဝေသူNext Entertainment World
ဖြန့်ချိသည့်နေ့
  • ၁၃ မေ ၂၀၁၆ (၂၀၁၆-၀၅-၁၃) (Cannes)
  • ၂၀ ဇူလိုင် ၂၀၁၆ (၂၀၁၆-၀၇-၂၀) (တောင်ကိုရီးယား)
ကြာမြင့်ချိန်
၁၁၈ မိနစ်[၁]
နိုင်ငံတောင်ရီးယား
ဘာသာစကားကိုရီးယား
Box officeUS$၉၉.၃၂ million[၂]
ရောင်းရငွေUS$၉၉.၃၂ million[၂]

ဘူဆန်သို့ ရထား (အင်္ဂလိပ်: Train to Busan; ဟန်းဂု부산행; RRBusanhaeng) သည် ၂၀၁၆ ခုနှစ် တောင်ကိုရီးယား ဖုတ်ကောင် အထိတ်တလန့် ဇာတ်ကားဖြစ်ကာ ဒါရိုက်တာ Yeon Sang-ho ရိုက်ကူးပြီး ဂုန်ယူး၊ ဂျန်ယုမီ နှင့် မာဒုန်စွတ် တို့ ပါဝင်သရုပ်ဆောင်ထားသည်။[၃] ရုပ်ရှင်ကားကို ၂၀၁၆ ကိန်းရုပ်ရှင်ပွဲတော်တွင် မေလ ၁၃ ရက်နေ့တွင် အထူးပွဲပြသခဲ့သည်။[၄][၅][၆][၇]

ဩဂုတ် ၇ ရက်နေ့တွင် ရုပ်ရှင်ကားသည် ကြည့်ရှုသူ ၁၀ သန်းကျော်ဖြင့် ၂၀၁၆ ခုနှစ် အတွက် ကြည့်ရှုသူအများဆုံး ကိုရီးယား ရုပ်ရှင်ကား အဖြစ် မှတ်တမ်းဝင်ခဲ့သည်။[၈][၉]

Seoul Station အမည်ရှိ ရှေ့ဆက်ဇာတ်လမ်းတွဲ အန်နီမေးရှင်း ကို တစ်လအကြာတွင် ဖြန့်ချိခဲ့သည်။ ရုပ်ရှင်ကားသည် ၂၀၁၁ ဇာတ်ကားဖြစ်သော The Crucible အပြီးတွင် ဂုန်ယူးနှင့် ဂျန်စူအန်းတို့ ပြန်လည် တွဲဖက် သရုပ်ဆောင်ခဲ့ခြင်း ဖြစ်သည်။

ဇာတ်ကွက်[ပြင်ဆင်ရန်]

ကွာရှင်းထားသော ငွေကြေးမန်နေဂျာ ဆော့ဝူးသည် သမီးဖြစ်သူစုအန်းကို ဘူဆန်ရှိ မိခင်ဆီ မွေးနေ့လက်ဆောင်အနေဖြင့် ခေါ်ဆောင်သွားရန် စီစဉ်လေသည်။ သူတို့သည် ဆိုးလ်မြို့ရှိ KTX ဘူတာရုံမှ စတင်ထွက်ခွာခဲ့သည်။ ရထားထဲတွင် အခြေခံအလုပ်သမားလူတန်းစားဖြစ်သော စန်ဟွာနှင့် ကိုယ်ဝန်ဆောင်ဇနီးသည် ဆုံးကျုံး၊ အထက်တန်းကျောင်းဘေ့စ်ဘောအသင်းတဖွဲ့၊ ချမ်းသာပြီး တကိုယ်ကောင်းဆန်သော စီအီးအို ယွန်ဆု၊ အင်ဂီနှင့် ဂျွန်ဂီညီအစ်မနှစ်ယောက်နှင့် အိုးမဲ့အိမ်မဲ့လူတဦးတို့လည်း လိုက်ပါလာသည်။

ရထားစထွက်လျှင် ခြေထောက်တွင် အကိုက်ခံထားရသော ဒဏ်ရာနှင့် မောဟိုက်နေသော မိန်းကလေးတဦး ရထားပေါ်တက်လာသည်။ ဒဏ်ရာအဆိပ်တက်ပြီးသော် ဖုတ်ကောင် ဖြစ်သွားပြီး မီးရထားပေါ်မှ စပယ်ယာကို ကိုက်လိုက်ရာ ဘေ့စ်ဘောအသင်းအပါအဝင် ရထားတစီးလုံး ဖုတ်ကောင်ပိုး ကူးစက်ကုန်တော့သည်။ သို့သော် ကစားသမားတဦးဖြစ်သူ ယုန်ဂု၊ သူ့ရည်းစား ဂျင်ဟီး၊ သူငယ်ချင်း၂ယောက်နှင့် အခြားခရီးသည်တော်တော်များများမှာ လွတ်မြောက်ရန် ကြိုးပမ်းကြတော့သည်။ ကိုရီးယားတနိုင်ငံလုံး ဖုတ်ကောင်ဖြစ်ပွားမှု ထုတ်လွှင့်ကြသည်။ ဒေဂျော်မှာ ရထားရပ်သော်လည်း တမြို့လုံးမှာ ဖုတ်ကောင်ဖြစ်နေပြီ ဖြစ်ရာ အားလုံး ရထားဆီ ပြန်ပြေး၍ နောက်တမြို့ဖြစ်သော ဘူဆန်သို့ ပြေးရန် ရထားမောင်းသူက ကြိုးပမ်းသည်။ ဘူဆန်မှာ ဖုတ်ကောင်ကင်းလွတ်ဇုံ ဖြစ်နေဆဲ။

ဆော့ဝူး၊ စန်ဟွာနှင့် ယုံဂုတို့သည် စုအန်း၊ အင်ဂီနှင့် ဆုံးကျုံးတို့ ပုန်းအောင်းရာသို့ ကြိုးစားသွားပြီးနောက် အခြားခရီးသည်များ ရှိရာ ရထားရှေ့တွဲသို့ ထပ်သွားရန် အတူတကွ ကြိုးစားကြသည်။ သို့သော်လည်း ဝင်ရောက်လာသည့် ရှင်ကျန်သူများကို ယွန်ဆုနှင့် အခြားခရီးသည်များက တမင် ပိတ်ဆို့ထားလိုက်သည်။ စန်ဟွာနှင့် အင်ဂီက ကိုယ့်ကိုယ်ကို အနစ်နာခံပြီး အခြားသူများ ရထားခေါင်းတွဲထဲ ဝင်နိုင်ရန် အချိန်ရအောင် လုပ်ပေးခဲ့သည်။ အသစ်ရောက်လာသော သူများထံမှ ဖုတ်ကောင်ပိုး ကူးစက်ခံရမည် စိုးသောကြောင့် ယွန်ဆုနှင့် အခြားခရီးသည်များက သူတို့ကို တွဲ၏ အခြားတဖက်တွင် သီးသန့်နေရန် တောင်းဆိုကြသည်။ ဖုတ်ကောင်ဖြစ်သွားသော သူ့အစ်မ ဂျုံဂီနှင့် တွေ့ရန် အင်ဂီက တံခါးကို တမင် ဖွင့်ပေးလိုက်ရာ ဖုတ်ကောင်များ ဝင်လာပြီး ကိုက်ကြသည်။ သို့သော် ယွန်ဆုနှင့် မီးရထားမောင်းသူ ၂ယောက် ရှောင်ကွင်းလွတ်မြောက်လာခဲ့သည်။

အရှေ့ဒေဂူဘူတာရုံ၌ ရထားလမ်းပိတ်ဆို့နေရာ ကျန်ရစ်သူများသည် နောက်ထပ်ရထားတစီးကို ရှာကြရာတွင် ဆော့ဝူး၊ ဆုံးကျုံး၊ စုအန်း၊ ယုံဂု၊ ဂျင်ဟီးနှင့် ခြေသလုံးအိမ်တိုင်တို့သည် မီးလောင်နေသော ရထားတစီးက ရထားကို ဝင်တိုက်လိုက်စဉ် လူစုကွဲသွားကြသည်။ ယွန်ဆုသည် မီးရထားဝန်ထမ်းကို ဖုတ်ကောင်အကိုက်ခံရအောင် တွန်းလွှတ်လိုက်ပြီးနောက် ရထားပေါ် တက်ပြေးပြီးလျှင် ဂျင်ဟီးကိုလည်း ဖမ်းပြီး ဖုတ်ကောင်ဆီ တွန်းပစ်သည်။ ယုံဂုသည် ဖုတ်ကောင်များကို ချပြီးနောက် ဂျင်ဟီးကို အဖော်ပြုသော်လည်း သူပါအကိုက်ခံလိုက်ရသည်။ စက်ခေါင်းမောင်းသူသည် တခြားလမ်းကြောင်းတွင်ရှိသော မီးရထားစက်ခေါင်းတလုံးကို တွေ့ပြီး မောင်းစဉ် အကိုက်ခံလိုက်ရသော ယွန်ဆုကို ကယ်ဆယ်ရန် ကြိုးစားနေတုန်း ဖုတ်ကောင်များကြောင့် သေဆုံးသွားပြန်သည်။ ဆော့ဝူး၊ စုအန်းနှင့် ဆုံးကျုံးတို့ ရထားဆီ ပြေးလိုက်နိုင်ရန် အိမ်ရာမဲ့သမားသည် အနစ်နာခံလိုက်သည်။ သူတို့သည် ရထားစက်ခေါင်းအစွန်၌ ဖုတ်ကောင်ဖြစ်သွားသော ယွန်ဆုနှင့် တွေ့ကြရာ ဆော့ဝူးက ရထားပေါ်မှ တိုက်ခိုက်ခဲ့သော်လည်း သူကိုယ်တိုင် အကိုက်ခံလိုက်ရသည်။ နောက်ဆုံး သူပါ စက်ခေါင်းပေါ်မှ တမင်ခုန်ချပြီး အဆုံးသတ်လိုက်လေသည်။

စုအန်းနှင့် ဆုံးကျုံးတို့နှစ်ယောက်တည်း စက်ခေါင်းကို ဘူဆန်သို့ မောင်းပြီးနောက်ဆုံး စစ်သားများ၏ ကယ်ဆယ်ခြင်းကို ခံလိုက်ရတော့သည်။

သရုပ်ဆောင်များ[ပြင်ဆင်ရန်]

  • ဆော့ဝူး အဖြစ် ဂုန်ယူး
  • စန်ဟွာအဖြစ် မာဒုန်စွတ်
  • ဆုံးကျုံးအဖြစ် ဂျန်ယုမီ
  • စူးအန်း အဖြစ် ကင်စုအန်း
  • ယုံဆု အဖြစ် ကင်အွေစွန်
  • ယောင်ဂု အဖြစ် ချွိုင်ဝူးရှစ်
  • ဂျင်ဟီး အဖြစ် အာန်ဆိုဟီး
  • ခြေသလုံးအိမ်တိုင် အဖြစ် ချွိုင်ဂွီဟွာ
  • KTX ကပ္ပတိန် အဖြစ် ဂျန်ဆုယုံ
  • အင်ဂီ အဖြစ် ရယ်စူးဂျန်
  • ဂျုံဂီ အဖြစ် ပတ်မြောင်ဂျင်
  • ကီချူ အဖြစ် ဂျန်းဟွတ်
  • ကင်ဂျင်မော် အဖြစ် ကင်ချန်းဟွမ်
  • ပြေးလာသော မိန်းကလေးအဖြစ် ရှင်းအွန်ကျောင်း

Reception[ပြင်ဆင်ရန်]

Box office[ပြင်ဆင်ရန်]

ဘူဆန်သို့ရထား ဇာတ်ကားသည် ကမ္ဘာတဝန်း ဒေါ်လာ ၉၉ သန်း အမြတ်ရခဲ့သည်။ မလေးရှားတွင် ဒေါ်လာ ၄.၈၄ သန်း၊[၁၀] ဟောင်ကောင်တွင် ၈.၅၂ သန်း၊[၁၁] စင်္ကာပူတွင် ၃.၁ သန်းဖြင့် အမြတ်အစွန်း အရဆုံး ကိုရီးယားရုပ်ရှင် ဖြစ်လာသည်။[၁၂] တောင်ကိုရီးယားတွင် လူပေါင်း ၁၁ သန်းကျော် သွားကြည့်သော ရုပ်ရှင်အဖြစ် မှတ်တမ်းဝင်သွားသည်။[၁၃]

ဝေဖန်သံများ[ပြင်ဆင်ရန်]

ရုပ်ရှင်သည် ယေဘုယျအားဖြင့် အကောင်းဘက်က ရှုမြင်ခြင်း ခံရသည်။ သွေးစုတ်ဖုတ်ကောင် ကားအမျိုးအစားတွင် ဇာတ်ကောင်စရိုက် စုံလင်စွာ၊ ဖြစ်တတ်သော သဘောသဘာဝကို ပီပြင်စွာ ရိုက်ကူးပြသနိုင်ပြီး သည်းထိတ်ရင်ဖိုစရာ အဖြစ်များနှင့် ဖျော်ဖြေမှု အပြည့်အဝ ပေးနိုင်သော ရုပ်ရှင်ကားပင် ဖြစ်သည် ဟု အဆင့်သတ်မှတ်ချက် ၇.၆ ပေးသော Rotten Tomatoes က ဖော်ပြခဲ့သည်။

ဆုများနှင့် ဇကာတင်ဆုများ[ပြင်ဆင်ရန်]

ခုနှစ် ဆု ကဏ္ဍ ရရှိသူ ရလဒ်
၂၀၁၆ 25th Buil Film Awards အကောင်းဆုံး ရုပ်ရှင် Train to Busan ဇကာတင်
အကောင်းဆုံး အမျိုးသား ဇာတ်ပို့ Kim Eui-sung ဆုရရှိ
အကောင်းဆုံး အမျိုးသမီး ဇာတ်ပို့ Jung Yu-mi ဇကာတင်
Best Cinematography Lee Hyeong-deok ဇကာတင်
Best Art Direction Lee Mok-won ဇကာတင်
Yu Hyun-mok Film Arts Award Yeon Sang-ho ဆုရရှိ
37th Blue Dragon Film Awards အကောင်းဆုံး ရုပ်ရှင် Train to Busan ဇကာတင်
အကောင်းဆုံး အမျိုးသား ဇာတ်ပို့ Kim Eui-sung ဇကာတင်
Ma Dong-seok ဇကာတင်
အကောင်းဆုံး အမျိုးသမီး ဇာတ်ပို့ Jung Yu-mi ဇကာတင်
Best New Director Yeon Sang-ho ဇကာတင်
Best Art Direction Lee Mok-won ဇကာတင်
Best Screenplay Park Joo-seok ဇကာတင်
Best Editing Yang Jin-mo ဇကာတင်
Best Cinematography Lee Hyeong-deok ဇကာတင်
Best Lighting Park Jeong-woo ဇကာတင်
Technical Award Kwak Tae-yong and Hwang Hyo-gyoon (Special makeup) ဆုရရှိ
Audience Choice Award for Most Popular Film Train to Busan ဆုရရှိ

ကိုးကား[ပြင်ဆင်ရန်]

  1. Train to Busan (15)British Board of Film Classification (20 September 2016)။ 8 December 2016 တွင် ပြန်စစ်ပြီး။
  2. Busanhaeng (2016)The Numbers။ Sep 16, 2016 တွင် ပြန်စစ်ပြီး။
  3. Kay၊ Jeremy (9 June 2016)။ Well Go USA Entertainment boards 'Train To Busan'Screen Daily။ 10 June 2016 တွင် ပြန်စစ်ပြီး။
  4. Cannes 2016: Film Festival Unveils Official Selection LineupVariety။ 14 April 2016 တွင် ပြန်စစ်ပြီး။
  5. 'Train to Busan' to screen at CannesThe Korea Times
  6. Zombies fail to impress in 'Train to Busan' (19 July 2016)။
  7. Chen၊ Heather။ "Train to Busan: Zombie film takes S Korea by storm"၊ BBC News၊ 3 August 2016။ 22 August 2016 တွင် ပြန်စစ်ပြီး 
  8. notclaira (2016-08-07)။ “Train To Busan” Is The First Korean Film Of 2016 To Break This Audience Record
  9. Byun၊ Hee-won။ Korean Movies Prove Box-Office Gold။ Chosun Media။ 6 September 2016 တွင် ပြန်စစ်ပြီး။
  10. ‘Train to Busan’ speeds away to box-office record။ 24 September 2016 တွင် ပြန်စစ်ပြီး။
  11. South Korean Zombie Hit 'Train to Busan' Becomes Highest-Grossing Asian Film in Hong Kong။ 1 October 2016 တွင် ပြန်စစ်ပြီး။
  12. Wai Yee, Yip။ "Train To Busan is No. 1 at Singapore box office and top Korean movie to date"၊ The Straits Times၊ August 24, 2016။ October 19, 2016 တွင် ပြန်စစ်ပြီး 
  13. Zombie Movie 'Train to Busan' Passes 11 Million-Viewer Mark။ The Chosun Ilbo (2016-08-19)။ 2016-12-04 တွင် ပြန်စစ်ပြီး။