ပါးဆီးယပ်စ်

ပေရ်သျှုပ်စ်
ဘန်ဗေနူးတို ချေးလီနီ၏ လက်ရာ၊ မေးဒူစာ၏ ခေါင်းနှင့် ပေရ်သျှုပ် (၁၅၅၄)
ဘုံဗိမာန်	အရ်ဂို့စ်
သင်္ကေတ	ဘီလူးမ ခေါင်း
ကိုယ်ရေး အချက်အလက်
မိဘများ	ဇုစ် နှင့် ဒါနားအယ်
မွေးချင်း	ဤသို့ အစရှိကုန်သော ဇုစ် နတ်မင်း၏ သားသမီးအပေါင်း။ အာဖရိုဒီးတာ၊ အပေါလို၊ အားရဲ့စ်၊ အာတေမိ၊ အာထယ်န၊ ဒီဝိုးနွီစိုစ်၊ အစ်လစ်သိုင်းယာ၊ အင်နိုင်းယို၊ အဲရစ်၊ အားဆာ၊ ဟီးဘီး၊ ဟဲလေ့နာ​၊ ဟဲဖိုက်စ်တို့စ်၊ ဟဲရာကလဲ့စ်၊ ဟေရ်မဲ့စ်၊ မီနော့စ်၊ ပန်ဒိုင်းယာ၊ ပေရ်စေဖိုးနယ်၊ အခြား ဥပဒေဝ၊ စူဠဒေဝ နတ်သားနတ်သမီးများ။
ကြင်ရာတော်	အန္ဒြိုမေးဒါ
ကလေး	ပါးဆစ်ဇ်၊ ဟဲလီယော့စ်၊ အဲလ်ဆီးယပ်စ်၊ စသန်နာလဲ့စ်၊ အစ်လက်ထရီယန်၊ မက်စ်တာ၊ ကင့်နိုရပ်စ်၊ ဂေါ်ဂိုဖန်နီ၊ အာတို့ခ်ခီ

ဂရိဒဏ္ဍာရီတွင် ပေရ်သျှုပ်စ် (ဝါ) ပေရ်စ္ယုပ်(ရှေးဟောင်းဂရိ: Περσεύς သံပြန် /ပေရ်စေး'ဝ်စ်/,မြန်မာ အသံထွက်: [pèɹəʃoʊʔ(s), pèɹəsəjoʊʔ]) သို့မဟုတ် ပါးစီးယတ်စ် (ဝါ) ဖားစ္ယု'စ် (အင်္ဂလိပ်: Perseus, /ˈpɜːrsiəs, -sjuːs/; ဂရိ: Περσεύς) သည် မွီကဲနဲပြည်နှင့် ပေရ်စိဒ် (Perseid) မင်းဆက်ကို တည်ထောင်သူဖြစ်သည်။ ဟဲရာကလဲ့စ် မတိုင်မီ ခေတ်ကာလတွင် ကားဒမိုစ် နှင့် ဗလ္လေရိုဖော့န် တို့နှင့်အတူ အကြီးကျယ်ဆုံး ဂရိသူရဲကောင်းများတွင်ပါဝင်၍ မိစ္ဆာကောင်များကို သုတ်သင်သူလည်း ဖြစ်၏ ။ ဂေါ်ဂွန်ဘီလူးမ မေးဒူစာကို စေးရီဖို့စ်ကျွန်းရှင် ပိုလွီဒေးက်တဲစ် (Πολυδέκτης) အတွက် သုတ်သင်ခေါင်းဖြတ်ခဲ့ကာ ပင်လယ်မကန်းကြီး ကဲ့တိုစ် (κῆτος) ၏ အန္တရာယ်မှ အန်ဒြိုမေးဒါ မင်းသမီး (Ᾰ̓νδρομέδᾱ)ကို ကယ်ဆယ်ခဲ့သည်။ ဇုစ်နတ်မင်းနှင့် လူသားမင်းသမီး ဒါနားအယ် (Δᾰνάη)တို့၏ သားဖြစ်ပြီး ဟဲရာကလဲ့စ်၏ ဘိုးဘေးနှင့် ညီအစ်ကို (ဖအေတူ အမေကွဲ) တော်စပ်သူတစ်ဦးဖြစ်သည်။

ဘီစီ ၆ရာစုမှ ကောရိန္သုဟန် ရုပ်နက်အိုးပန်းချီ၊ ပေရ်သျှုပ် သည် အန္ဒြိုမေးဒါ မင်းသမီးကို ကဲ့တိုစ် မကန်းလက်မှ ကယ်တင်ခန်း