ပါထိကဝဂ္ဂ

ပါထိကဝဂ္ဂ(မြန်မာ: သုတ်ပါထေယျ)သည် ဒီဃနိကာယ်၏ နောက်ဆုံးကျမ်းဖြစ်ပြီး ၎င်းပါဠိတော်၌ ကမ္ဘာဖြစ်ပုံ ပျက်ပုံ အယူအဆများကို အရင်းကျကျ အကျယ်တဝင့် ပြဆိုထားသော အဂ္ဂညသုတ်၊ ဗုဒ္ဓမြတ်စွာ၏ ရုပ်ပုံတော်ကို သရုပ်ဖော်ပြရာဖြစ်သော မဟာပုရိသလက္ခဏာကျမ်းဟု ခေါ်ဆိုထိုက်သည့် လက္ခဏသုတ်တော်ကြီး အစရှိသော သုတ်များပါဝင်သည်။ ထိုလက္ခဏသုတ်တော်တွင် ဘုရားရှင်၏ လက္ခဏာ ၃၂-ပါးအနက် တစ်ပါး တစ်ပါးလျှင် (၁) အကြောင်းကံ၊ (၂) ကံ၏အကျိုး၊ (၃) လက္ခဏာ၊ (၄) လက္ခဏာ၏အကျိုးဟူ၍ လေးမျိုးစီ ပြဆိုထားသဖြင့် ဗုဒ္ဓမြတ်စွာ၏ လက္ခဏာ ၃၂-ပါးကို ကြည်ညို၍ မဆုံးနိုင်အောင် တွေ့ရမည်ဖြစ်သည်။ ဤပါဠိတော်၌ သုတ်ပေါင်း ၁၁-သုတ် ပါဝင်ပေသည်။

ပါဝင်သော သုတ်တော်များ

• ပါထိကသုတ်
• ဥဒုမ္ဗရိကသုတ်
• စက္ကဝတ္တိသုတ်
• အဂ္ဂညသုတ်
• သမ္ပသာဒနိယသုတ်
• ပါသာဒိကသုတ်
• လက္ခဏသုတ်
• သိင်္ဂါလသုတ်
• အာဋာနာဋိယသုတ်
• သင်္ဂီတိသုတ်
• ဒသုတ္တရသုတ်