နန္ဒီသေနပျို့

နန္ဒီသေနပျို့ 

ရေးသူ: လက်ဝဲသုန္ဒရ
ရေးသားသည့်နှစ်	၁၁၃၁ (မြန်မာ) ၁၇၆၉ (ခရစ်နှစ်)
နိုင်ငံ	မြန်မာ
ဘာသာစကား	မြန်မာဘာသာ
အမျိုးအစား	ဇာတ်လမ်းပါသော ပျို့
ပုံစံ	ပျို့
အွန်လိုင်းတွင် ဖတ်ရှုရန်	ဝီကီရင်းမြစ်ရှိ "နန္ဒီသေနပျို့"

နန္ဒီသေနပျို့သည် မြန်မာသက္ကရာဇ်-၁၁၃၁ ခုနှစ်(ခရစ်နှစ်-၁၇၆၉ ခုနှစ်)တွင် လက်ဝဲသုန္ဒရဘွဲ့ခံ အမတ်ကြီး ဦးမြတ်စံ ရေးသားခဲ့သော ပျို့တစ်ပုဒ်ဖြစ်သည်။ နန္ဒီသေနပျို့နှင့် လက်ဝဲသုန္ဒရ၏ အခြားလက်ရာမွန်များဖြစ်သော ဗျူဟစက္ကိဗျို့၊ သေနင်္ဂဗျူဟာပျို့တို့သည် စစ်ရေးစစ်ရာ စစ်ပညာဆိုင်ရာ အကြောင်းအရာများ အဓိကပါဝင်၍ ရှေးမြန်မာဘုရင်များလက်ထက် မြန်မာလူမျိုးတို့၏ သေနင်္ဂဗျူဟာအကြောင်းများအပြင် မြန်မာ့ဘုရင့်တပ်မတော်၏ အဆင့်ဆင့်ကွပ်ကဲအုပ်ချုပ်ပုံ နှင့် စစ်စည်းကမ်းများအကြောင်းကိုလည်း ပျို့တွင် လေ့လာနိုင်သည်။

ကောက်နှုတ်ဖော်ပြချက်

“	မြိုင်ဝေ တောကြီး၊ ဤခရီးဝယ်၊ ချည်းနှီး သက်သက်၊ သေသော့ထက်ကား၊ ဆက်လက် တညီ၊ တစီ တလျဉ်၊ သားစဉ် မြေး,မြစ်၊ ပြောထုံးဖြစ်အောင်၊ တစစ်,တမက်၊ ကိုယ် နှင့် သက် ကို၊ နှင်းဆက် တိုက်မည်၊ အားသံရည်၍၊ ဦးလည် မသုန်၊ ထမ်းပါကုန်လော့။ ⁠ ။	”
—လက်ဝဲသုန္ဒရ, နန္ဒီသေနပျို့

“	အားကြိုး တင်းတင်း၊ လူချင်း ချင်းကို၊ ဘယ်မင်း ဖက်ပြိုင်၊ ဘယ်တပ် ဆိုင်အံ့။ သူ့ နိုင်ငံသား၊ သံမှုန့် စားမှ၊ တို့ဓား တုံးမည်၊ မှတ်တော်တည်လော့။ ။	”
—လက်ဝဲသုန္ဒရ, နန္ဒီသေနပျို့

“	ရဲစ ရှိခိုက်၊ လုပ်ကြံလိုက်က၊ မြိုက်မြိုက်ကျေမွ၊ ချက်ခြင်း ရလိမ့်၊ နေ့,လ ကြာဝေး၊ တာရှည်သွေး၍၊ အရေး,စောင့်တော် မမူနှင့်။ ။	”
—လက်ဝဲသုန္ဒရ, နန္ဒီသေနပျို့

“	ဗိုလ်မှူး အာဏာ၊ စစ်ကဲမှာလျှင်၊ တည်ရာ ကြွင်းမဲ့၊ ကြောက်တုန် လဲလော့၊ စစ်ကဲ အာဏာ၊ တပ်မှူးမှာလျှင်၊ သေချာ စေ့ငု၊ စွဲမှတ်စုလော့၊ တပ်မှူးအာဏာ၊ အကြပ်မှာလျှင်၊ ညီညာနှလုံး၊ ယူ၍ ကျုံးသို့၊ အရုံး,မခွဲ ကြစေနှင့်။ ။	”
—လက်ဝဲသုန္ဒရ, နန္ဒီသေနပျို့

“	နိုင်ထောက်တန်၍၊ နိုင်ဟန် မျှော်တွေး၊ နိုင်မည့်ရေးကို၊ မလေး,မစား၊ ကြိုးအား မထူ၊ ရှိချေမူကား၊ ထိုသူ လုံးလုံး၊ စစ်မက်ရှုံးဟု၊ ရှေးထုံး စာပေ၊ ထွက်ရှိချေ၏။ ။	”
—လက်ဝဲသုန္ဒရ, နန္ဒီသေနပျို့