တွမ်ခရုစ်
| တွမ်ခရုစ် | |
|---|---|
 ၂၀၁၃ ဇူလိုင်၊ ဆန်ဒီယေဂို ရုပ်ပြဇာတ်လမ်းဆိုင်ရာ နိုင်ငံတကာ စာနယ်ဇင်း မိတ်ဆက်ရှင်းလင်းပွဲမှ တွမ်ခရုစ် | |
| ဇာတိ အမည် | Tom Cruise (Thomas Cruise Mapother IV) (အင်္ဂလိပ်) |
| မွေးဖွား | သောမတ်စ် ခရုစ် မေပိုသာ IV ဇူလိုင် ၃၊ ၁၉၆၂ ဆီရာကျု့စ်မြို့၊ အမေရိကန်ပြည်ထောင်စု |
| အလုပ်အကိုင် |
|
| တက်ကြွလှုပ်ရှားနှစ်များ | ၁၉၈၁–လက်ရှိ |
| အရပ် | ၁၇၀ စင်တီမီတာ (၅ ပေ ၇ လက်မ) |
| အိမ်ထောင်ဖက်(များ) |
|
| သားသမီး | ၃ |
| မိဘ(များ) |
|
| ဆွေမျိုးသားချင်း | ဝီလီယျံ မေပိုသာ (ဝမ်းကွဲ) |
| ဝက်ဘ်ဆိုဒ် | tomcruise.com |
| လက်မှတ် | |
 | |
တွမ်ခရုစ် (အင်္ဂလိပ်: Tom Cruise) ဆိုသည့် အမည်ဖြင့် လူသိများသော သောမတ်စ် ခရုစ် မေပိုသာ IV (အင်္ဂလိပ်: Thomas Cruise Mapother IV; /ˈtɒməs ˈkruːz ˈmeɪpɒθər/; ၃ ဇူလိုင် ၁၉၆၂ ဖွား) သည် အမေရိကန်နိုင်ငံသား၊ အမျိုးသား ရုပ်ရှင်သရုပ်ဆောင်နှင့် ထုတ်လုပ်သူ တစ်ဦးဖြစ်သည်။ တွမ်ခရုစ်သည် သူပါဝင်သရုပ်ဆောင်ခဲ့သည့် “Mission Impossible” အခန်းဆက် ရုပ်ရှင်ကားများ၊ “တော့ပ်ဂန်း (၁၉၈၆)” နှင့် လတ်တလော (၂၀၂၂ ခုနှစ်) ရုံတင်ပြသလျှက်ရှိသည့် ၎င်း၏နောက်ဆက်တွဲ “တော့ပ်ဂန်း။ မာ့ဗရစ် (အင်္ဂလိပ်: Top Gun:Maverick)” အပါအဝင် အခြား ရုပ်ရှင်ဇာတ်ကားပေါင်းများစွာဖြင့် ကမ္ဘာတဝှမ်း လူသိများသည်။ ထို့ပြင် တွမ်ခရုစ်သည် ဟောလိဝုဒ်၏ အနုပညာကြေး အမြင့်ဆုံး သရုပ်ဆောင်များထဲမှ တစ်ဦးလည်းဖြစ်သည်။[၁][၂]
တွမ်ခရုစ် ပထမဆုံးပါဝင်သရုပ်ဆောင်ခဲ့သည့် ရုပ်ရှင်ကားမှာ “အဆုံးသတ်မရှိသော အချစ်” ဟု မြန်မာလိုအဓိပ္ပါယ်ရသော “Endless Love” ရုပ်ရှင်ကားဖြစ်သည်။ အဓိက ဇာတ်ကောင်နေရာ (သို့) ဇာတ်ဆောင်(ဇာတ်လိုက်)အဖြစ် ပထမဆုံး သရုပ်ဆောင်ခဲ့သည့် ဇာတ်ကားမှာ “Risky Business” ဖြစ်သည်။ တွမ်ခရုစ် သည် သူ သရုပ်ဆောင်ခဲ့သည့် ရုပ်ရှင်ကားများဖြစ်သော - “Fourth of July” (၁၉၈၉)၊ “Jerry Maguire” (၁၉၉၆)၊ “Magnolia” (၁၉၉၉) နှင့် “Easy A” (၂၀၁၀) ရုပ်ရှင်ကားတို့ဖြင့် အော်စကာဆု (၃)ကြိမ် ဆန်ခါတင်စာရင်းဝင်ခဲ့ပြီး ရွှေကမ္ဘာလုံးဆု (၃)ဆုကို ရရှိခဲ့သည်။
ငယ်ဘဝ[ပြင်ဆင်ရန်]
တွမ်ခရုစ်ကို သူ၏မိဘများဖြစ်သော လျှပ်စစ်အင်ဂျင်နီယာ မစ္စတာ သောမတ်စ် ခရုစ် မေပိုသာ-III (အင်္ဂလိပ်: Thomas Cruise Mapother III) နှင့် အထူးပညာရေးဆရာမ မေရီလီ တို့မှ ၁၉၆၂ ခုနှစ် ဇူလိုင်လ ၃ ရက်နေ့တွင် အမေရိကန်ပြည်ထောင်စု၊ နယူးယောက်ပြည်နယ်၊ ဆီရာကျု့စ်မြို့တွင် ဖွားမြင်ခဲ့သည်။[၃][၄] တွမ်ခရုစ်တွင် လီအန်နီ၊ မာရီယန် နှင့် ကတ်စ် ဟု အမည်ရှိသော တအူတုံဆင်း မွေးချင်း မောင်နှမ (၃)ဦးရှိသည်။[၅][၆][၇] တွမ်ခရုစ်သည် အိုင်းရစ်၊ ဂျာမန်၊ အင်္ဂလိပ် ကပြားဖြစ်သည်။[၈][၉]
ပုဂ္ဂိုလ်ရေး[ပြင်ဆင်ရန်]
တွမ်ခရုစ် တွင် သူ၏ဒုတိယအိမ်ထောင်ဖက် ရုပ်ရှင်သရုပ်ဆောင် နီကိုးကစ်မင်းန်နှင့်အတူ သမီးတစ်ယောက်နှင့် သားတစ်ယောက် မွေးစားထားသည်။ တတိယအိမ်ထောင်ဖက်ဖြစ်သော ရုပ်ရှင်သရုပ်ဆောင် ကေသီဟုမ်းနှင့် တွမ်ခရုစ်တို့တွင် ဆူရီ (ဧပြီ ၂၀၀၆ ဖွား) အမည်ရသော သမီးလေးတစ်ဦးထွန်းကားခဲ့သည်။ တွမ်ခရုစ် နှင့် ကေသီဟုမ်း တို့သည် ၂၀၀၆ ခုနှစ် နိုဝင်ဘာလ၌ လက်ထပ်ခဲ့ကြပြီး ၂၀၁၂ ခုနှစ်တွင် ကွာရှင်းခဲ့ကြသည်။[၁၀]
ကိုးကား[ပြင်ဆင်ရန်]
- ↑ Dorothy Pomerantz (2012-04-18)။ Tom Cruise Tops Our List Of Hollywood's Highest-Paid Actors။ Forbes။ 2012-07-23 တွင် ပြန်စစ်ပြီး။
- ↑ Newsbeat - Tom Cruise highest paid actor in Hollywood, says Forbes။ BBC (2012-07-04)။ 2012-07-23 တွင် ပြန်စစ်ပြီး။
- ↑ "About Tom"၊ Time။ February 3, 2013 တွင် ပြန်စစ်ပြီး။ Archived from the original on 24 August 2013။
- ↑ Tom Cruise Biography။ January 9, 2014 တွင် ပြန်စစ်ပြီး။
- ↑ Stated on Inside the Actors Studio interview with Cruise, January 11, 2004; can be viewed at YouTube
- ↑ Genealogy.com: Ancestry of Tom Cruise။ Genealogy.com website။ 9 May 2006 တွင် မူရင်းအား မော်ကွန်းတင်ပြီး။ January 9, 2014 တွင် ပြန်စစ်ပြီး။
- ↑ "North East Wales: Cruise's Welsh roots uncovered"၊ BBC News website။ March 31, 2010 တွင် ပြန်စစ်ပြီး။
- ↑ Ancestry of Tom Cruise။ January 9, 2014 တွင် ပြန်စစ်ပြီး။
- ↑ Tom Cruise’s Irish Ancestry။ 7 April 2016 တွင် မူရင်းအား မော်ကွန်းတင်ပြီး။ 9 January 2014 တွင် ပြန်စစ်ပြီး။
- ↑ Tom Cruise And Katie Holmes Quickie Divorce What Does It Mean။ E! Online (2012-07-09)။ 2012-07-23 တွင် ပြန်စစ်ပြီး။
ပြင်ပလင့်များ[ပြင်ဆင်ရန်]
အိုင်အမ်ဒီဘီပေါ်ရှိ တွမ်ခရုစ်
