ဇူလိုင် ၁၉၈၄

၁၉၈၄ : ဇန်နဝါရီ • ဖေဖော်ဝါရီ • မတ် • ဧပြီ • မေ • ဇွန် • ဇူလိုင် • ဩဂုတ် • စက်တင်ဘာ • အောက်တိုဘာ • နိုဝင်ဘာ • ဒီဇင်ဘာ

(၁) ရက်

အိန္ဒိယ၊ ပြည်နယ် ၂ ခုတွင် မြေပြိုကျမှုဖြစ်ပွားရာ အနည်းဆုံးလူပေါင်း ၂၉ ဦး သေဆုံး၊ လယ်မြေဧက ၁၀၀ ကျော်မှာ မြေများနှင့် ကျောက်တုံးများ ဖုံးလွှမ်းသွားကြောင်း အစိုးရသတင်းဌာနက ကြေညာ၊ ဘုံဘေ၌လည်း နှစ် ၁၀၀ အတွင်း အသည်းထန်ဆုံးမိုးရွာသွန်းမှုကြောင့် ဘုံဘေဆိပ်ကမ်းမှ လုပ်ငန်းများနှင့် စီးပွားရေးလုပ်ငန်းများ ရပ်ဆိုင်းသွားရကြောင်း ဘုံဘေမိုးလေဝသဌာနက ကြေညာ။

တရုတ်ပြည်သူ့သမ္မတနိုင်ငံ၏ မွေးဖွားနှုန်းသည် သေဆုံးနှုန်းထက် သုံးဆများကြောင်း၊ တရုတ်ပြည်တွင် လူဦးရေသန်း ၁၀၀ ကျော်ရှိကြောင်း၊ တနေ့လျှင် ပျမ်းမျှ ကလေးပေါင်း ၅၁၀၀၀ မွေးဖွားပြီး၊ လူပေါင်း ၁၇၀၀၀ သေဆုံးကြောင်း ချိုင်းနားဒေးလီးသတင်းစာ၌ ဖော်ပြ။

တတိယကမ္ဘာ့နိုင်ငံများသို့ စားနပ်ရိက္ခာအကူအညီပေးရေးနှင့် စပ်လျဉ်း၍ ဥရောပဘုံဈေးအဖွဲ့က ဒေါ်လာသန်းပေါင်း ၁၇၀ ဖိုးရှိ ကောက်ပဲသီးနှံ တန်ချိန် ၃၂၃,၀၀၀၊ နို့မှုန့်တန်ချိန် ၆၀,၆၀၀၊ ထောပတ်ဆီတန်ချိန် ၁၇,၆၅၀၊ ဟင်းရွက်ဆီတန်ချိန် ၂၀၀၀ နှင့် ပဲတန်ချိန် ၈၀၀၀ တို့ကို အကူအညီပေးမည်ဟု ဘုံဈေးအဖွဲ့ တာဝန်ရှိပုဂ္ဂိုလ်များက ပြောကြား။

အာဖရိကတိုက် သုံးနိုင်ငံရှိ ဒုက္ခသည်များကို ကူညီရေးအတွက် အရေးပေါ်စားနပ်ရိက္ခာအကူအညီအဖြစ် ဂျပန်ယန်းငွေ သန်း ၁,၅၀၀(ကန်ဒေါ်လာ ၆.၅ သန်း)ပေးအပ်ရန် ဂျပန် ဆုံးဖြတ်။

တရုတ်၊ ရှန်စီးပြည်နယ်၌ ရုတ်တရက် ရေကြီးရာမှ စာသင်ကျောင်းတကျောင်း၏ မြေသားနံရံ ကျိုးပေါက်သွားရာ ကျောင်းဆရာတဦးနှင့် ကျောင်းသား ၂၁ ဦး သေဆုံးဟု ယူပီအိုင်သတင်းဌာနက ဖော်ပြ။

အိန္ဒိယမြောက်ပိုင်းတွင် ၁၉၇၇ ခုနှစ်နောက်ပိုင်း၌ အဆိုးရွားဆုံးသော ရေကြီးမှုကြောင့် မြေပြိုမှုများ ဖြစ်ပွားကာ လူပေါင်း ၅၀ သေဆုံး၊ လူနှစ်သန်းခန့် ရေဘေးနှင့် ကြုံတွေ့နေရဟု ပီတီအိုင်သတင်းဌာနက ဖော်ပြ။

မိုးခေါင်ရေရှားမှု မကြာခဏကြုံတွေ့နေရသော အာဖရိကတိုက်၏ စားနပ်ရိက္ခာအကျပ်အတည်းကိစ္စနှင့် ပတ်သက်သော ရက်သတ္တနှစ်ပတ်ကြာ ကျင်းပမည့် ညီလာခံကို ဇင်ဘာဘွေနိုင်ငံ ဟာရာရေးမြို့တွင် စတင်၊ ညီလာခံသို့ အာဖရိကနိုင်ငံ ၅၀ နှင့် စားနပ်ရိက္ခာနှင့် လယ်ယာစိုက်ပျိုးရေးအဖွဲ့(အက်ဖ်အေအို)မှ ပါရဂူများ တက်ရောက်။

၁၉၈၄ ခုနှစ် နွေရာသီအိုလံပစ်အားကစားပြိုင်ပွဲကို လော့စ်အိန်ဂျယ်လိစ်မြို့တွင် အမေရိကန်သမ္မတ ရီဂင်က ဖွင့်ပွဲကြေညာချက်ဖတ်ကြား၍ ဖွင့်လှစ်ပေး။