စက်တင်ဘာ ၁၉၈၃

(၁) ရက်

ကိုရီးယားလေကြောင်းလိုင်းမှ လေယာဉ်နံပါတ် ၀၀၇ သည် နယူးယောက်မှ ဆိုးမြို့သို့ လာရာ အလာစကာပြည်နယ်၊ အန်ကာရေ့မြို့၌ တထောက်နား၌ ပြန်တက်စဉ် ဆိုဗီယက် ကြားဖြတ်တိုက်လေယာဉ် ဆု-၁၅ တစင်းက ပစ်ခတ်သည့်အတွက် လေယာဉ်ပျက်ကြသည်။ ဆိုဗီယက်တို့က အမေရိကန်ထောက်လှမ်းရေးလေယာဉ်ဟု အထင်မှားကာ ဝေဟင်မှဝေဟင်ပစ်ဒုံးဖြင့် ပစ်ခတ်ကြောင်း၊ သတိပေးပစ်ခတ်မှုကိုလည်း ကိုရီးယားလေယာဉ်က သတိမမူကြောင်း ဆိုသည်။

(၅) ရက်

• သီရိလင်္ကာ လုံခြုံရေးအခြေအနေပြန်လည်ကောင်းမွန်လာ၍ သတင်းစာများကို သတင်းစစ်ဆေး ဖြတ်တောက်ခြင်းနှင့် နေဝင်မီးငြိမ်း လမ်းမထွက်ရ အမိန့်ပြဋ္ဌာန်းထားခြင်းကို ဒေသအချို့တွင် ဖြေလျော့။
• စပိန်၊ မတ်ဒရစ်မြို့၌ ငါးရက်ကြာ ကျင်းပမည့် နိုင်ငံတကာဘောဂဗေဒပညာရှင်များ၏ သတ္တမကြိမ်မြောက် ကမ္ဘာလုံးဆိုင်ရာညီလာခံကို စပိန်ဝန်ကြီးချုပ် ဖဲလစ်ဂွန်ဇာလက်က ဖွင့်လှစ်ပေး၊ ညီလာခံသို့ ကမ္ဘာ့နိုင်ငံပေါင်း ၅၀ မှ ဘောဂဗေဒပညာရှင် ၂၀၀၀ ကျော် တက်ရောက်။

(၁၂) ရက်

• ​တောင်အာဖရိက၌ ကျောက်မီးသွေးတွင်းပေါက်ကွဲခြင်းကြောင့် ၆၃ ဦးသေဆုံး။

(၁၄) ရက်

• တရုတ်တောင်ပိုင်း၊ ကွီလင်းလေဆိပ်ပြေးလမ်းပေါ်တွင် မြို့ပြလေကြောင်းခရီးသည်တင် လေယာဉ်တစင်းနှင့် စစ်ဘက်လေယာဉ်တစင်းတို့ တိုက်မိ၊ ၁၀ ဦးသေဆုံး၊ ၂၁ ဦးဒဏ်ရာရရှိဟု ရှင်ဟွာမှ ကြေညာ။

(၁၅) ရက်

• ၁၉၈၄ ၌ ဒေါ်လာသန်းပေါင်း ၁,၈၇,၅၀၀ သုံးစွဲရန် ခွင့်ပြုသည့် ကန်ကာကွယ်ရေးဘတ်ဂျက်ကို ကန်လွှတ်တော်က အတည်ပြု။
• သီရိလင်္ကာ၌ ဇူလိုင်လအတွင်းက လူမျိုးရေး အဓိကရုဏ်းများ ဖြစ်ပွားခဲ့၍ နေဝင်မီးငြိမ်းလမ်းမထွက်ရအမိန့် ပြဋ္ဌာန်းထားခြင်းကို လုံးဝရုပ်သိမ်း၊ သို့ရာ၌ အရေးပေါ်အခြေအနေကိုမူ ဆက်လက်ပြဋ္ဌာန်းထား။

(၁၆) ရက်

• ဘရာဇီးလ်က အဲလ်ကိုဟောလောင်စာသုံးကားများကို ထုတ်လုပ်လာခဲ့ရာ တသန်းမြောက်ကားကို ထုတ်လုပ်နိုင်ခဲ့ပြီဟု ကြေညာ။

(၁၉) ရက်

• ကာရစ်ဘီယံပင်လယ်အတွင်းရှိ စိန့်ကစ်နှင့် နီဗစ်ကျွန်းတို့သည် ဗြိတိသျှလက်အောက်မှ လွတ်လပ်ရေးရှိပြီး ကမ္ဘာ့မိသားစုတွင် နိုင်ငံသစ်အဖြစ် ပါဝင်လာ။

(၂၂) ရက်

• (မြို့မ)ဦးသန်းကြွယ် (ပင်လုံစာချုပ်) ကွယ်လွန်။

(၂၃) ရက်

• အိန္ဒိယ၌ မုတ်သုံရာသီရေလျှံမှုများကြောင့် လူဦးရေ ၅၀ ရှိ ကျေးရွာငယ်တရွာ ရေမျောပျောက်ဆုံးနေ၊ သေဆုံးသူပေါင်း ၈၀၀ နီးပါးရှိပြီဟု ပီတီအိုင်သတင်းဌာနက ကြေညာ။

(၂၄) ရက်

• နီပေါ၌ ၂၂ အတွင်း အဆိုးရွားဆုံး ရေလွှမ်းမိုးမှုနှင့် မြေပြိုမှုများ ဖြစ်ပွားရာ ၁၇၉ ဦးသေဆုံး။

ကိုးကား

နိုင်ငံတကာသတင်းစဉ်(လစဉ်ထုတ်)