ငါးလုပ်ငန်းသိပ္ပံ(တွံတေး)

ငါးလုပ်ငန်းသိပ္ပံ(တွံတေး)

ယခင်အမည်	ငါးမွေးမြူရေးစခန်းနှင့် ငါးသင်တန်းကျောင်း(တွံတေး)
အမျိုးအစား	အများဆိုင်
တည်ထောင်	၁၂ ဒီဇင်ဘာ ၂၀၂၂
နှီးနွယ်အဖွဲ့အစည်း	စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာန၊ငါးလုပ်ငန်း ဦးစီးဌာန
ကျောင်းအုပ်ကြီး	ဒေါ်မိုးသူဇာမောင်
တည်နေရာ	တွံတေးမြို့နယ်၊ရန်ကုန်တိုင်းဒေသကြီး
ပရဝုဏ်	၉၂ ဒသမ ၈၄၆ ဧက

ငါးလုပ်ငန်းသိပ္ပံ (တွံတေး) သည် ရန်ကုန်မြို့နှင့် ၃၀ ကီလိုမီတာအကွာအဝေး တွံတေးမြို့နယ် တွင် တည်ရှိသည်။ မြန်မာနိုင်ငံတွင် ဖွင့်လှစ်ထားသည့် ပထမဦးဆုံးသော ငါးလုပ်ငန်းနှင့်သက်ဆိုင်သည့် သိပ္ပံကျောင်းဖြစ်သည်။ (၃) နှစ်သင်တန်းတက်ရပြီး အောင်မြင်သူများအား ငါးလုပ်ငန်းနှင့် ရေသတ္တဝါမွေးမြူရေး ဒီပလိုမာအောင်လက်မှတ် (Diploma in Fisheries and Aqua-culture) အပ်နှင်းသည်။ အဆိုပါ သိပ္ပံကျောင်းသည် ရန်ကုန်တက္ကသိုလ် တွင်ဖွင့်လှစ်ထားသော B.Sc(Fisheries and Aquaculture)သို့ ဝင်ခွင့်ဖြေကာ ပေါင်းကူးတက်ရောက်နိုင်မည့် ကျောင်းတစ်ကျောင်းလည်း ဖြစ်သည်။

သမိုင်းကြောင်း

နိုင်ငံတွင် လိုအပ်လျှက်ရှိနေသည့် ရေနေသယံဇာတများအားထိန်းသိမ်းနိုင်ရန်၊မွေးမြူရေးကဏ္ဍတိုးတက်စေရေးအပါအဝင် ရေလုပ်ငန်းအားစိတ်ဝင်စားသည့် လူငယ်များအား လေ့ကျင့်သင်ကြားပေးနိုင်ရန် အစရှိသောရည်ရွယ်မှုများဖြင့် ရန်ကုန်တိုင်းဒေသကြီး တွံ့တေးမြို့နယ် ရှိ ယခင် ငါးမွေးမြူရေးစခန်းနှင့် ငါးသင်တန်းကျောင်း ကို အဆင့်မြှင့်တင်၍ ငါးလုပ်ငန်းသိပ္ပံ (တွံတေး) အား ဖွင့်လှစ်ခြင်းဖြစ်သည်။

တည်နေရာ

ရန်ကုန်မြို့မှ ၂၆ ဒသမ ၉၅၆ ကီလိုမီတာ အကွာအဝေးရှိ တွံတေး-မအူပင်ကားလမ်း တွံတေးခရိုင် တွံတေးမြို့နယ် ဇီးဖြူကုန်းကျေးရွာနှင့် မြဂိုးကျေးရွာအကြားတွင် တည်ရှိသည်။ကျောင်းအကျယ်အဝန်းမှာ ဧရိယာ ၉၂ ဒသမ ၈၄၆ ဧက ကျယ်ဝန်းသည်။

သင်တန်းသားအရည်အချင်း သတ်မှတ်ချက်

အသက် ၂၂ နှစ်ထက်မကြီးသူ၊ တက္ကသိုလ်ဝင်စာမေးပွဲကို သိပ္ပံဘာသာတွဲဖြင့် အောင်မြင်ပြီးသူ မြန်မာနိုင်ငံသားများ လျှောက်ထားခွင့်ရှိသည်။

သင်ကြားသည့် ဘာသာရပ်များ

1. ငါးမျိုးအမည် သရုပ်ခွဲခြင်း
2. ငါးအစာအာဟာရ ငါးအစာနှင့်အစာကျွေးခြင်း
3. မျိုးပွားခြင်းဆိုင်ရာဇီဝဗေဒ
4. ရေချိုငါးသယံဇာတနှင့် ဂေဟစနစ်ငါး
5. လုပ်ငန်း ဆိုင်ရာဇီဝဗေဒ
6. ငါးသားဖောက်ရုံစီမံခန့်ခွဲမှုနှင့် အသုံးချနည်းပညာ
7. ငါးမွေးကန်စီမံခန့်ခွဲမှုနှင့် အသုံးချနည်းပညာ
8. ရေသတ္တဝါမွေးမြူရေး အင်ဂျင်နီယာပညာ
9. ဇီဝကမ္မဗေဒ
10. ငါးမျိုးရိုးဗီဇဆိုင်ရာငါးလုပ်ငန်းဆိုင်ရာစီးပွားရေးပညာ
11. အစားအစာဘေးအန္တရာယ် ကင်းရှင်းရေးနှင့် စီမံခန့်ခွဲမှု
12. စီမံကိန်းရေးဆွဲခြင်းနှင့် စီမံခန့်ခွဲခြင်း
13. ငါးသယံဇာတ ဂေဟဗေဒ
14. ရေသတ္တဝါရောဂါဗေဒ စသည့်ဘာသာရပ်များအပြင် မြန်မာစာ၊ အင်္ဂလိပ်စာ၊ ကွန်ပျူတာဘာသာရပ်များကိုလည်း သင်ကြားပို့ချသည်။