ကိုယ်ပိုင်အုပ်ချုပ်ခွင့်ရစီရင်စုများ (မြန်မာ)

မြန်မာနိုင်ငံ၏ အုပ်ချုပ်ရေးနယ်မြေဒေသများ
ပထမ အဆင့်
တိုင်းဒေသကြီး ပြည်နယ် ကိုယ်ပိုင်အုပ်ချုပ်ခွင့်ရဒေသ ကိုယ်ပိုင်အုပ်ချုပ်ခွင့်ရတိုင်း နေပြည်တော် ပြည်ထောင်စုနယ်မြေ
ဒုတိယ အဆင့်
ခရိုင်
တတိယ အဆင့်
မြို့နယ်
စတုတ္ထ အဆင့်
ရပ်ကွက် ကျေးရွာအုပ်စု
ပဉ္စမ အဆင့်
ကျေးရွာ

ဤဆောင်းပါးသည် မြန်မာနိုင်ငံ၏အုပ်ချုပ်ရေးနယ်မြေဒေသခွဲအမျိုးအစား အကြောင်း ဖြစ်သည်။ တရုတ်နိုင်ငံ၏အုပ်ချုပ်ရေးနယ်မြေဒေသခွဲအမျိုးအစား အတွက် ကိုယ်ပိုင်အုပ်ချုပ်ခွင့်ရစီရင်စုများ (တရုတ်) ကို ကြည့်ပါ။

ကိုယ်ပိုင်အုပ်ချုပ်ခွင့်ရစီရင်စုများ သည် မြန်မာနိုင်ငံရှိ တိုင်းဒေသကြီးနှင့်ပြည်နယ်အချို့တွင် တည်ရှိသော အုပ်ချုပ်ရေးနယ်မြေဒေသခွဲအမျိုးအစားတစ်ခု ဖြစ်ပြီး ကိုယ်ပိုင်အုပ်ချုပ်ခွင့်ရဒေသ နှင့် ကိုယ်ပိုင်အုပ်ချုပ်ခွင့်ရတိုင်း ဟူ၍ နှစ်မျိုးရှိသည်။ ကိုယ်ပိုင်အုပ်ချုပ်ခွင့်ရတိုင်းတွင် ခရိုင်များဖြင့်ဖွဲ့စည်းထားပြီး ခရိုင်များကိုမြို့နယ်များဖြင့်ဖွဲ့စည်းထားသည်။ ကိုယ်ပိုင်အုပ်ချုပ်ခွင့်ရဒေသများတွင်မူ ခရိုင်မရှိဘဲ မြို့နယ်များဖြင့်တိုက်ရိုက်ဖွဲ့စည်းထားသည်။ ၂၀၀၈ဖွဲ့စည်းပုံအခြေခံဥပဒေပုဒ်မ၂၇၆(က) အရ ကိုယ်ပိုင်အုပ်ချုပ်ခွင့်ရတိုင်းနှင့် ကိုယ်ပိုင်အုပ်ချုပ်ခွင့်ရဒေသများသည် ကိုယ်ပိုင်အုပ်ချုပ်ခွင့်ရစီရင်စုအဖြစ် တူညီသောအဆင့်အတန်းရှိကြသည်။ လက်ရှိအချိန်တွင် ကိုယ်ပိုင်အုပ်ချုပ်ခွင့်ရဒေသ ငါးခုနှင့် ကိုယ်ပိုင်အုပ်ချုပ်ခွင့်ရတိုင်း တစ်ခု ရှိသည်။

ကိုယ်ပိုင်အုပ်ချုပ်ခွင့်ရတိုင်းနှင့်ဒေသများ

ကိုယ်ပိုင်အုပ်ချုပ်ခွင့်ရတိုင်းနှင့်ဒေသများ

မြန်မာအမည်	အင်္ဂလိပ်အမည်	မြို့တော်	နေရာဒေသ	မြို့နယ်များ		အမျိုးအစား
စစ်ကိုင်းတိုင်းဒေသကြီး တွင်
နာဂကိုယ်ပိုင်အုပ်ချုပ်ခွင့်ရဒေသ	Naga Self-Administered Zone	လဟယ်မြို့	မြောက်ပိုင်း	လေရှီးမြို့နယ်၊ လဟယ်မြို့နယ်၊ နန်းယွန်းမြို့နယ်		ကိုယ်ပိုင်အုပ်ချုပ်ခွင့်ရဒေသ
ရှမ်းပြည်နယ် တွင်
ဓနုကိုယ်ပိုင်အုပ်ချုပ်ခွင့်ရဒေသ	Danu Self-Administered Zone	ပင်းတယမြို့	အရှေ့ပိုင်း	ရွာငံမြို့နယ်၊ ပင်းတယမြို့နယ်		ကိုယ်ပိုင်အုပ်ချုပ်ခွင့်ရဒေသ
ပအိုဝ်းကိုယ်ပိုင်အုပ်ချုပ်ခွင့်ရဒေသ	Pa-O Self-Administered Zone	ဟိုပုံးမြို့	အရှေ့ပိုင်း	ဟိုပုန်းမြို့နယ်၊ ဆီဆိုင်မြို့နယ်၊ ပင်လောင်းမြို့နယ်		ကိုယ်ပိုင်အုပ်ချုပ်ခွင့်ရဒေသ
ပလောင်ကိုယ်ပိုင်အုပ်ချုပ်ခွင့်ရဒေသ	Pa Laung Self-Administered Zone	နမ့်ဆန်မြို့	အရှေ့ပိုင်း	နမ့်ဆန်မြို့နယ်၊ မန်တုံမြို့နယ်		ကိုယ်ပိုင်အုပ်ချုပ်ခွင့်ရဒေသ
ကိုးကန့်ကိုယ်ပိုင်အုပ်ချုပ်ခွင့်ရဒေသ	Kokang Self-Administered Zone	လောက်ကိုင်မြို့	အရှေ့ပိုင်း	ကုန်းကြမ်းမြို့နယ်၊ လောက်ကိုင်မြို့နယ်		ကိုယ်ပိုင်အုပ်ချုပ်ခွင့်ရဒေသ
ဝကိုယ်ပိုင်အုပ်ချုပ်ခွင့်ရတိုင်း	Wa Self-Administered Division	ဟိုပန်မြို့	အရှေ့ပိုင်း	ဟိုပန်ခရိုင်	ဟိုပန်မြို့နယ်၊ မိုင်းမောမြို့နယ်၊ ပန်ဝိုင်မြို့နယ်၊	ကိုယ်ပိုင်အုပ်ချုပ်ခွင့်ရတိုင်း
				မက်မန်းခရိုင်	နားဖန်းမြို့နယ်၊ မက်မန်းမြို့နယ်၊ ပန်ဆန်း(ပန်းခမ်း)မြို့နယ်

ကိုယ်ပိုင်အုပ်ချုပ်ခွင့်ရတိုင်း/ဒေသ ဦးစီးအဖွဲ့

ကိုယ်ပိုင်အုပ်ချုပ်ခွင့်ရတိုင်း/ဒေသ ၏ အုပ်ချုပ်ရေး၊ ဥပဒေပြုရေးအဖွဲ့ ဖြစ်သည်။ ဦးစီးအဖွဲ့ကို တာဝန်ခံကာ ဒေသအလုပ်အမှုဆောင်ကော်မတီကို ဖွဲ့စည်းထားရှိသည်။

ဓနုကိုယ်ပိုင်အုပ်ချုပ်ခွင့်ရ​ဒေသ ဦးစီးအဖွဲ့ရုံး

အခြားကြည့်ရန်

• မြန်မာနိုင်ငံ၏ အုပ်ချုပ်ရေးနယ်မြေဒေသများ