ရတနာဘုံမြင့်ကျောင်း
| ရတနာဘုံမြင့်ကျောင် | |
|---|---|
 | |
| အချက်အလက်များ | |
| ကိုဩဒိနိတ် | 16°29′17″N 97°37′43″E / 16.488113°N 97.628499°Eကိုဩဒိနိတ်: 16°29′17″N 97°37′43″E / 16.488113°N 97.628499°E |
| ဘာသာရေး နှီးနွယ်မှု | ထေရဝါဒ ဗုဒ္ဓဘာသာ |
| နိုင်ငံ | မော်လမြိုင်မြို့၊ မွန်ပြည်နယ် |
| ဗိသုကာ | |
| တည်ထောင်သူ | စိန်တုံးမိဖုရား |
| ရံပုံငွေထောက်ပံ့သူ | ဒေါ်ရွှေပွင့် |
| ပြီးစီး | ၁၈၈၆ |
ရတနာဘုံမြင့်ကျောင်း သည် မွန်ပြည်နယ်၊ မော်လမြိုင်မြို့တွင် တည်ရှိသည့် သမိုင်းဝင် ဗုဒ္ဓဘာသာ ဘုန်းကြီးကျောင်းတစ်ခု ဖြစ်သည်။[၁] သီပေါမင်းပိုင် အထက်မြန်မာပြည်မှ ဗြိတိသျှပိုင် အောက်ပြည်ကို စုန်ဆင်းကာ ကိုလိုနီခေတ် မော်လမြိုင်မြို့တွင် နေထိုင်ခဲ့သော မင်းတုန်းမင်း၏ စတုတ္ထမြောက်မိဖုရားတစ်ပါးဖြစ်သည့် စိန်တုံးမိဖုရား၏ လမ်းညွှန်မှုဖြင့် မန္တလေးမှ ဗိသုကာပညာရှင်တို့တို့ကို ခေါ်ယူကာ တည်ဆောက်ခဲ့သည်။[၂] တည်ဆောက်မှု ကုန်ကျစရိတ်အားလုံးကို သူဌေးမ ဒေါ်ရွှေပွင့်က လှူဒါန်းခဲ့သည်။ ကျောင်းတော်သည် တော်ဝင်လက်မှုပညာလက်ရာများကြောင့် ထင်ရှားသည်။ ကျောင်းတော်ကို ခရစ်နှစ် ၁၈၈၆ ခုနှစ်တွင် တည်ဆောက်ခဲ့ပြီး ရာမဆရာတော်ကို လှူဒါန်းခဲ့သည်။[၃]
ဤရတနာဘုံမြင့်ကျောင်းဝင်းရှိ ခဏ္ဏသိမ်သည် သာမညဆရာတော် လောင်းလျာ ခရစ်နှစ် ၁၉၃၀ ခုနှစ်၊ မြန်မာသက္ကရာဇ် ၁၂၉၂ ခုနှစ်၊ ကဆုန်လပြည့်ကျော် ၁၅ရက်၊ သောကြာနေ့ နံနက်၇နာရီတွင် မော်လမြိုင်မြို့ ကြံခင်းကျောင်း ဆရာတော် ဘဒ္ဒန္တ အာစရကို ဥပဇ္ဇျယ်ပြုလျက် ခမည်းတော်ဦးတောက်အို၊ မယ်တော် ဒေါ်အုံးတို့၏ ပစ္စယာနုဂ္ဂဟကို ခံယူကာ မြင့်မြတ်သော ရဟန်းအဖြစ်သို့ ရောက်ရှိခဲ့သော နေရာလည်းဖြစ်သည်။[၄]
ကိုးကား
[ပြင်ဆင်ရန်]- ↑ ထိန်းသိမ်းစောင့်ရှောက်ရန် လိုအပ်နေသည့် မော်လမြိုင်က စိန်တုံးမိဖုရားကျောင်း (ဓာတ်ပုံ)။ 2019-02-05 တွင် ပြန်စစ်ပြီး။
- ↑ နှစ် ၁၂၀ ကျော်ပြီ ဖြစ်တဲ့ စိန်တုံးမိဖုရားကျောင်း (in en-US) (2014-07-14)။ 2019-02-05 တွင် ပြန်စစ်ပြီး။
- ↑ Queen Sein Don’s monastery patiently awaits rejuvenation (in en)။ 19 February 2021 တွင် မူရင်းအား မော်ကွန်းတင်ပြီး။ 2019-02-05 တွင် ပြန်စစ်ပြီး။
- ↑ မော်ကွန်းတင်ပြီးမိတ္တူ။ 14 November 2020 တွင် မူရင်းအား မော်ကွန်းတင်ပြီး။ 14 November 2020 တွင် ပြန်စစ်ပြီး။