မိုက်ကယ် ရှူးမက်ကာ
မိုက်ကယ် ရှူးမက်ကာ (အင်္ဂလိပ်: Michael Schumacher; ဂျာမန် အသံထွက်: [ˈmɪçaʔɛl ˈʃuːmaxɐ] (
)၊ ၁၉၆၉ ဇန်နဝါရီ ၃ မွေးဖွား) သည် ဂျာမန် ဖော်မြူလာ ဝမ်း မာစီဒီး ဂရန်း ပရီ အဖွဲ့မှ ပြိုင်ကား မောင်းသူ တစ်ဦးဖြစ်သည်။ ဖယ်ရာရီ အဖွဲ့နှင့် ၁၁ နှစ်ကြာ ကာလာအတွင်း ကမ္ဘာ့ချန်ပီယံ ၇ ကြိမ်မျှ ရခဲ့ဖူးသောကြောင့် ကျော်ကြားပြီး ဖော်မြူလာ ဝမ်း ကားမောင်းသူများတွင် အထူးချွန်ဆုံးသူဟု အားလုံးက သတ်မှတ်ကြသည်။ သူသည် ဖော်မြူလာဝမ်းနှင့် ပတ်သက်၍ စံချိန်ပေါင်းများစွာ တင်ခဲ့ဖူးပြီး ၎င်းတို့တွင် ချန်ပီယံအများဆုံး ယူနိုင်မှု၊ အောင်ပွဲ အများဆုံး ရယူမှု၊ လမ်းကြောင်းတွင် အမြန်ဆုံး မောင်းနိုင်မှု၊ အတွင်းဆုံး လမ်းကြောင်း အများဆုံး ရရှိခြင်း၊ အမှတ်အများဆုံး ရရှိခြင်း၊ ပြိုင်ပွဲ ရာသီ တစ်ခုအတွင်း ပွဲအများဆုံး အောင်နိုင်ခြင်း စသည်တို့ ပါဝင်သည်။ ၂၀၀၄ ခုနှစ် ရာသီတွင် သူသည် ၁၃ ပွဲ အနိုင်ရခဲ့သည်။ ၂၀၀၂ ခုနှစ်တွင်ပြိုင်ပွဲ ရာသီတစ်ခုတွင် အမြဲတမ်း ထိပ်ဆုံး ၃ နေရာမှ အနိုင်ရခဲ့ပြီး ထိုသို့သော စံချိန်ကို တင်နိုင်ခဲ့သည်မှာ ဖော်မြူလာဝမ်း သမိုင်းတွင် သူတစ်ဦးတည်းသာ ရှိသည်။ ထို့အပြင် ဆုယူစင်မြင့်တွင် ဆက်တိုက် အကြိမ်အများဆုံး တက်ရောက်သူ စံချိန်ကိုလည်း ချိုးခဲ့သည်။ ဖော်မြူလာ ဝမ်းအဖွဲ့မှ တရားဝင်လွှတ်တင်ထားသော ဝက်ဘ်ဆိုဒ်တွင် "စာရင်းဇယားအားဖြင့် အကောင်းဆုံးသော ကားမောင်းသူ" ဟု သူ့အား တင်စားခေါ်ဆိုထားသည်။