ဩဒိဿမေတ္တာရေ

ဝီကီပီးဒီးယား မှ

ဩဒိဿမေတ္တာရေ ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။

အကြောင်းအရာ[ပြင်ဆင်ရန်]

မြို့ဝန် ဦးသာအိုးဝ်ငးမှာ စာဆိုကြီးသုံးယောက်အား ဖိနှိပ်၍ ငထွေရူး၊ ငလုံးလက်ဖယ်၊ ညောင်ဦးဖီး တို့နှင့်တူကြောင်း၊ ဦးကျော်လှမှာ ကျန်ရစ်သားနှင့် တူကြောင်း စသည်တို့ကို ဖွဲ့ဆိုထားသော သံချိုကဗျာ ဖြစ်သည်။ အသက် ၂၇ နှစ်တွင် ဖွဲ့ဆိုထားသည်။

ဩဒိဿမေတ္တာရေ[ပြင်ဆင်ရန်]

သဘိချွတ်လို့သာပ၊ ဝိဝဋ္ဌာ ကမ္ဘာမြေသို့၊ ဗြဟ္မာတွေ အလည်လာကြတော့၊ နွယ်ပတာ အာသာ ဝေသော်ကြောင့်၊ ဣတ္ထိလိင် ပုရိသောငယ်နှင့်၊ ရောနှောကာ ပေါင်းဖော်လျှင်းပေကြ၊ ယင်းမူလမျိုးအဆွေ။

နှစ်သောင်းကျူးပေလိမ့်၊ ချောင်းဦးမြေ ရွာရွှေတောင်က၊ ညီနှင့်နောင် မတော်လျှင်းသော်လဲ၊ အရင်းအပင် စစ်လိုက်လျှင်၊ အမြစ်မှာ ဗြဟ္မာမျိုးဟာမို့၊ စိတ်ဆိုးကာ မာန်မထပါဘု၊ ဒေါသမစ္ဆေ။

မတော်ကြသော်လဲ၊ ပျော်ရရုံသဘင်ထဲမှာလ၊ စင်ခွဲကာ ကိုယ်စီလိုက်ကြရ တိုင်းကြိုက်ဉာဏ် အတူတူမို့၊ မောင်ကြူကို ဆရာလှငယ်က၊ ဩဒိဿမေတ္တာရေ မာပါစေဆွတ်ဖျန်း။

သဗ္ဗေတဲ့သတ္တာ၊ အဝေရာမေတ္တာပြုရင်ဖြင့်၊ ဤကုသိုလ် အလွန်ကြီးပါသတဲ့ ရာထီးပိုင်ရှင့်ထံ မှောင်တွင်ဖြင့်၊ နှစ်ယောက်လူ မာန်ကိုပယ်ကြစို့၊ ဉာဏ်အကျယ်ကို ဆရာလှငယ်က၊ နှစ်ရာတိုင် မေတ္တာမျှပါငဲ့၊ ဒေါသမစွန်း။

ခက်ဆစ်[ပြင်ဆင်ရန်]

၁။ ဝိဝဋာ = ဝိဝဋာကပ်ကမ္ဘာ။

၂။ နွယ်ပတာ = ကမ္ဘာဦးက ပေါ်ခဲ့သော ပတာလတာနွယ်။

၃။ အာသာ = အလိုဆန္ဒ။

၄။ ဣတ္ထိလိင် = မိန်းမဘာဝ။

၅။ ပုရိသော = ယောက်ျားဘာဝ။

၆။ နှစ်သောင်း = ခရီးနှစ်သောင်းကွာသည်။ ၁၀ တိုင်လျှင် ခရီး တစ်သောင်းရှိသည်။

၇။ ဒေါသ = ကြမ်းကြုတ်သောစိတ်။

၈။ မစ္ဆေ = မစ္ဆေရ(ပါ)၊ မလိုမုန်းထားသောစိတ်။

၉။ ဩဒိဿမေတ္တာ = ရည်ညွှန်း၍ ပို့သောမေတ္တာ။

မှတ်ချက်[ပြင်ဆင်ရန်]

ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် ပေးခဲ့ခြင်း မဟုတ်ပါ။ သင့်တော်မည်ထင်သော ခေါင်းစဉ်ကို ပေးထားခြင်း ဖြစ်သည်။

ကိုးကား[ပြင်ဆင်ရန်]

[၁]

  1. မောင်းထောင်းဦးကျော်လှ၏ သံချိုကဗျာပေါင်းချုပ်။ ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန။ နိုဝင်ဘာ ၁၉၈၃။