ဥစ္စာသယန မဟာသယနမျိုး အပြား ၂၀
ဥစ္စာသယန မဟာသယနမျိုး အပြား ၂၀။ ဘုရားဟောတော်မူသည်ဖြစ်၍ ရှစ်ပါးသီလသမားများ လိုက်နာရှောင်ကြဉ်ရမည့်မြင့်သောနေရာနှင့်မြတ်သောနေရာ အပြားနှစ်ဆယ်ဟူ၏။
- (၁) အာသန္ဒိ - လူတမ်းစေ့သူတို့၏ တစ်တောင့်ထွာထက်လွန်သော အခြေရှိသည့် ညောင်စောင်းအင်းပျဉ် ခုတင် အထူးများ။
- (၂) ပလ္လင်္ကအခြေ၌ ခြင်္သေ့ သားရဲရုပ်တပ်သော ပလ္လင်နေရာ။
- (၃) ဂေါနက - လက်လေးသစ်ထက် ကျော်လွန်သော မွေးရှည်ကော်ဇောကြီး။
- (၄) စိတ္တက - အရုပ် ပန်းကွက်တို့ဖြင့် ဆန်းကြယ်စွာ ယက်လုပ်ထားသော သားမွေးအခင်း။
- (၅)ပဋိက - သားမွေးဖြင့်ပြုလုပ်အပ်သော ခင်းနှီးဖြူ။
- (၆) ပဋလိက - ပန်းပြောက်ခြယ်သော သားမွေးအခင်း။
- (၇) တုလိက - လဲမျိုး ၃-ပါးဖြင့် သွတ်သွင်းထားသော မွေ့ယာခင်း။
- (၈) ဝိကတိက - ခြင်္သေ့ ကျား သစ် စသောအရုပ်တို့ဖြင့် ဆန်းကြယ်သော သိုးမွေးခင်းနှီး။
- (၉) ဥဒ္ဒလောမိ - နှစ်ဘက် အမွေးရှိသော သားမွေးခင်းနှီး။
- (၁၀) ဧကန္တလောမိ - တစ်ဘက်သာ အမွေးရှိသော သားမွေးခင်းနှီး။
- (၁၁) ကဋ္ဿ - ရတနာ ရွှေငွေတို့ဖြင့် ချုပ်ကပ် လိမ်းကျံထားသော ပိုးချည်ရက်အခင်း။
- (၁၂) ကောသေယျ - ရတနာ ရွှေချည် ငွေချည်တို့အကြား၌ ပိုးချည်ဖြင့်ရက်လုပ်ထားသောခင်းနှီး။
- (၁၃) ကုတ္တက - ကချေသည်မ ၁၆-ယောက်တို့ ကလောက်သော သားမွေးကော်ဇော်ကြီးမျိုး။
- (၁၄) ဟတ္ထတ္ထရဏ - ကောင်းမြတ်သော ဆင်နှီးကုန်း။
- (၁၅) အဿတ္ထရဏ - ကောင်းမြတ်သော မြင်းနှီးကုန်း။
- (၁၆) ရထတ္ထရဏ - ရထား၌ခင်းသော နူးညံ့အိစက်သည့် ခင်းနှီး။
- (၁၇) အဇိနပ္ပဝေဏိ ညောင်စောင်းပမာဏ ချုပ်လုပ်ထားသည့် သစ်နက်ရေအခင်းကြီး။
- (၁၈)ကဒလိ မိဂပဝရ ပစ္စတ္ထရဏ - ဝံပိုင့်ရေဖြင့် ပြုလုပ်ထားသည့် မြတ်သောခင်းနှီး။
- (၁၉)သဥတ္တရစ္ဆရဒ - နီသော ဗိတာန် မျက်နှာကြက်အောက်ရှိ သားမွေးခင်းနှီး။
- (၂၀) ဥဘတော လောဟိတ ကူတဓါန - ခြေအုံး ခေါင်းအုံး နှစ်ဘက်တပ်ထားသည့် အခင်းတစ်မျိုး။ [၁]
ကိုးကား[ပြင်ဆင်ရန်]
- ↑ ဖျာပုံတိုက်သစ်ဆရာတော် အဂ္ဂမဟာပဏ္ဍိတ အရှင်ဩဘာသာဘိဝံသ ရေးသားသော သုတေသန သရုပ်ပြအဘိဓာန်ကျမ်း