အလင်းရောင် (သရုပ်ဆောင်)
| အလင်းရောင် | |
|---|---|
 | |
| မွေးဖွား | ဝေယံမြင့် ဧပြီ ၂၂၊ ၁၉၉၂ မန္တလေးမြို့, မြန်မာ |
| နိုင်ငံလူမျိုး | မြန်မာ |
| မိခင်ကျောင်း | ရတနာပုံတက္ကသိုလ် နိုင်ငံခြားဘာသာစကားတက္ကသိုလ် မန္တလေး |
| အလုပ်အကိုင် | သရုပ်ဆောင် မော်ဒယ် အဆိုတော် |
| တက်ကြွလှုပ်ရှားနှစ်များ | ၂၀၀၈-လက်ရှိ |
| အရပ် | ၅ ft ၁၀ in (၁.၇၈ m) |
| မိဘ(များ) | မောင်မောင်မြင့် သီသီဆွေ |
အလင်းရောင် (၂၂ ဧပြီ ၁၉၉၂ မွေးဖွား) သည် မြန်မာလူမျိုး ရုပ်ရှင်သရုပ်ဆောင် ဖြစ်သည်။[၁][၂]The Bride (၂၀၁၈) နှင့် မီတင်စိန် (၂၀၂၄) ဇာတ်လမ်းများတွင် သရုပ်ဆောင်ခဲ့ပြီး၊ မြန်မာအကယ်ဒမီဆုပေးပွဲတွင် အကောင်းဆုံးအမျိုးသားဇာတ်ဆောင်ဆု အတွက် ဆန်ကာတင်စာရင်းဝင်ခဲ့သည်။[၃]
ငယ်ဘဝနှင့် ပညာရေး
[ပြင်ဆင်ရန်]အလင်းရောင်ကို ၁၉၉၂ ခုနှစ်၊ ဧပြီလ ၂၂ ရက်နေ့တွင် မန္တလေးမြို့၌ မွေးဖွားခဲ့သည်။ ဦးမောင်မောင်မြင့် နှင့် ဒေါ်သီသီဆွေတို့၏သားဖြစ်သည်။ အလင်းရောင် သည် မိသားစု တွင်မွေးချင်းသုံးယောက်အနက် အလယ်ဖြစ်ပြီး ညီငယ်တစ်ဦးရှိသည်။ ၂၀၁၁ ခုနှစ်တွင် ရတနာပုံတက္ကသိုလ်၏ ဘုန်းတော်ကြီးသင် ပညာရေးကျောင်းသို့ တက်ရောက်ခဲ့ပြီး အင်္ဂလိပ်ဘာသာဖြင့် ဘွဲ့ရ (BA English) ခဲ့သည်။ ထို့အပြင် မန္တလေးနိုင်ငံခြားဘာသာတက္ကသိုလ်မှ အင်္ဂလိပ်စာ ဒီပလိုမာကိုလည်း ရရှိခဲ့သည်။[၄]
အသက်မွေးဝမ်းကြောင်း
[ပြင်ဆင်ရန်]၂၀၀၈–၂၀၁၁: မော်ဒယ်အဖြစ် စတင်ခြင်း
[ပြင်ဆင်ရန်]၂၀၀၈ ခုနှစ်နှောင်းပိုင်းတွင် အလင်းရောင်သည် Talent & Model Agency Mandalay တွင် မော်ဒယ်အဖြစ် စတင်လုပ်ကိုင်ခဲ့သည်။ ဖက်ရှင်ပြပွဲများအပြင် တီဗီကြော်ငြာနှင့် သင့်အမှတ်တံဆိပ်ကြော်ငြာများတွင် ပါဝင်ခဲ့သည်။ ထိုကဲ့သို့သော လုပ်ဆောင်မှုများကြောင့် Unique Men အနေနှင့် Bison Energy Drink တို့၏ Ambassador အဖြစ် အသိအမှတ်ပြုခံရသည်။ မော်ဒယ်အဖြစ် လုပ်ကိုင်စဉ်ကပင် ရုပ်ရှင်နယ်ပယ်သို့ ကမ်းလှမ်းမှုများ ရရှိလာခဲ့သည်။[၄]
၂၀၁၂–၂၀၁၅: သရုပ်ဆောင်ပွဲဦးထွက်ခြင်းနှင့် စိန်ခေါ်မှုများ
[ပြင်ဆင်ရန်]၂၀၁၂ ခုနှစ်တွင် မဟော်ဂနီ ရုပ်ရှင်ထုတ်လုပ်ရေးနှင့် ခုနစ်နှစ်စာချုပ်ချုပ်ဆိုကာ သရုပ်ဆောင်အဖြစ် စတင်ပါဝင်ခဲ့သည်။ ၎င်း၏ ပထမဆုံးရုပ်ရှင်ဖြစ်သော Swel Ser Pyit Lite Tot တွင် ရန်အောင်၊ သုရီယာ၊ စိုးမြတ်သူဇာတို့နှင့်အတူ ၂၀၁၃ ခုနှစ်တွင် ပွဲဦးထွက်သရုပ်ဆောင်ခဲ့သည်။ ၎င်း၏ ဒုတိယရုပ်ရှင်ဖြစ်သော A Thel Kyi Wittye တွင် ဝတ်မှုံရွှေရည်နှင့် သုရီယာတို့နှင့်အတူ သရုပ်ဆောင်ခဲ့သည်။ ၂၀၁၄ ခုနှစ်၊ ဒီဇင်ဘာလ ၁၈ ရက်နေ့တွင် ရုံတင်ပြသခဲ့သော အချစ်ဦး ဒရာမာဇာတ်ကားတွင် သဉ္ဇာနွယ်ဝင်းနှင့်အတူ ပါဝင်ခဲ့သည်။ ယင်းဇာတ်ကားသည် အလင်းရောင်၏ ပထမဆုံး ရုပ်ရှင်ဇာတ်ကားကြီးလည်းဖြစ်သည်။[၅][၆] ထို့နောက် ၂၀၁၇ ခုနှစ်တွင် Bal Yee Ser Ko Achit Sone Lae ဇာတ်ကားတွင် ဇာတ်ဆောင်အဖြစ် ပါဝင်ခဲ့သည်။ သို့သော် မဟော်ဂနီ ထုတ်လုပ်ရေးနှင့် သဘောထားကွဲလွဲမှုများကြောင့် ၂၀၁၅ ခုနှစ်နှောင်းပိုင်းတွင် ထွက်ခွာခဲ့သည်။[၇] ထွက်ခွာပြီးနောက် ၎င်း၏ ပထမဆုံး တစ်ကိုယ်တော်အယ်လ်ဘမ်ကို ၂၀၁၆ ခုနှစ်တွင် ထုတ်ဝေခဲ့သည်။[၈]
၂၀၁၆–လက်ရှိ: လူကြိုက်များမှု့နှင့် အောင်မြင်မှုများရရှိလာခြင်း
[ပြင်ဆင်ရန်]
အလင်းရောင်သည် ဖျော်ဖြေပွဲတစ်ခုတွင် ပရိသတ်များနှင့် ပထမဆုံးအကြိမ် တွေ့ဆုံခဲသည်။ ၂၀၁၆ ခုနှစ်တွင် Dawei Film Production နှင့် သရုပ်ဆောင်စာချုပ်ချုပ်ဆိုကာ ဒါရိုက်တာ ဝိုင်းနှင့် ပူးပေါင်းသရုပ်ဆောင်ခဲ့သည်။ လက်ရှိတွင်လည်း Dawei Production နှင့် ဆက်လက်လုပ်ကိုင်လျက်ရှိသည်။ အလင်းရောင်၏ ပထမဆုံး တစ်ကိုယ်တော်အယ်လ်ဘမ် Oh! My Crush ကို ၂၀၁၆ ခုနှစ် မေလ ၂၁ ရက်နေ့တွင် ဖြန့်ချိခဲ့သည်။[၉] ၂၀၁၇ ခုနှစ်တွင် ရွှေကြာ ဒရာမာဇာတ်ကားတွင် ဖွေးဖွေး၊ သဉ္ဇာဝင့်ကျော်တို့နှင့်အတူ ပါဝင်သရုပ်ဆောင်ခဲ့သည်။ ယင်းဇာတ်ကားကို ၂၀၁၈ ခုနှစ် မတ်လ ၁၆ ရက်နေ့တွင် မြန်မာရုပ်ရှင်ရုံများတွင် စတင်ပြသခဲ့သည်။ ထိုနှစ်တွင်ပင် သရဲဒရာမာဇာတ်ကား ကာဗွန်ဒိုင်အောက်ဆိုဒ် တွင် ကျော်ထက်အောင်၊ ပိုးဖြူ၊ ရတနာဘို တို့နှင့်အတူ အမျိုးသားဇာတ်ဆောင်အဖြစ် သရုပ်ဆောင်ခဲ့သည်။ ၎င်း၏ ဗီလိန်ဇာတ်ရုပ်အတွက် ပရိသတ်များထံမှ အထူးချီးကျူးမှုများနှင့် အဓိပ္ပာယ်ဖွင့်ဆိုမှုကောင်းများ ရရှိခဲ့သည်။ ထိုအချိန်မှစ၍ အလင်းရောင်သည် ပိုမိုကျော်ကြားလာခဲ့သည်။[၁၀]
အလင်းရောင်သည် ထိတ်လန့်ဖွယ်ရာ ရုပ်ရှင်ဇာတ်ကား သတိတရားမရှိသူ (The Bride) တွင် ဖွေးဖွေး နှင့် တွဲဖက်သရုပ်ဆောင်ခဲ့ပြီး ၂၀၁၈ ခုနှစ် မြန်မာ့ရုပ်ရှင်ထူးချွန်ဆုအကယ်ဒမီဆုပေးပွဲတွင် အကောင်းဆုံးအမျိုးသားဇာတ်ဆောင်ဆုအတွက် ဆန်ခါတင်စာရင်းဝင်ခဲ့သည်။[၁၁][၁၂] ထို့ပြင် ၂၀၁၈ ASEAN International Film Festival & Awards (AIFFA) တွင်လည်း ရွှေကြာ ဇာတ်ကားဖြင့် အကောင်းဆုံးဇာတ်ပို့ဆု လျာထားခံရသည်။[၁၃]
နိုင်ငံရေးလှုပ်ရှားမှု့များ
[ပြင်ဆင်ရန်]၂၀၂၁ ခုနှစ် (မြန်မာနှစ် ၁၃၈၂) တပ်မတော်အာဏာသိမ်းပြီးနောက်ပိုင်းတွင် အလင်းရောင်သည် အာဏာသိမ်းမှုကို ဆန့်ကျင်သည့် ပြည်သူလှုပ်ရှားမှုများတွင် တက်ကြွစွာ ပါဝင်ခဲ့သည်။ အလင်းရောင်သည် ရုပ်ပိုင်းဆိုင်ရာ ဆန္ဒဖော်ထုတ်မှုများနှင့် ဆိုရှယ်မီဒီယာမှတဆင့် လှုပ်ရှားခဲ့ပြီး၊ ၂၀၂၁ ခုနှစ် ဖေဖော်ဝါရီလမှ စတင်ကာ အများပြည်သူဆန္ဒပြပွဲများတွင် ပါဝင်ခဲ့သည်။ ၎င်းသည် “We Want Justice” ဟု ခေါင်းစဉ်ထားသည့် လက်သုံးချောင်း ဖြင့် ဆန္ဒဖော်ပြသည့် လှုပ်ရှားမှုတွင်လည်း ပါဝင်ခဲ့သည်။[၁၄]
၂၀၂၁ ခုနှစ် (မြန်မာနှစ် ၁၃၈၂) ဧပြီလ ၄ ရက်နေ့တွင် တပ်မတော်အာဏာသိမ်းမှုကို ဆန့်ကျင်ကန့်ကွက်သည့်လုပ်ဆောင်မှုများကြောင့် နိုင်ငံတော်အုပ်ချုပ်ရေးကောင်စီ (SAC) မှ ရာဇသတ်ကြီးပုဒ်မ ၅၀၅ (က) ဖြင့် အလင်းရောင်အား ဖမ်းဝရမ်း ထုတ်ခဲ့သည်။ ၎င်းအပြင် ထင်ရှားကျော်ကြားသူအနုပညာရှင်များအချို့နှင့်အတူ အရပ်ဘက်မနာခံရေးလှုပ်ရှားမှု (CDM) တွင် ပါဝင်ရန် တိုက်တွန်းခဲ့သည်ဟုဆိုပြီး၊ နိုင်ငံတော်၏ အုပ်ချုပ်မှုစွမ်းရည်ကို ထိခိုက်စေခြင်း၊ ပြည်ထောင်စုလွှတ်တော် ကိုယ်စားပြုကော်မတီ (CRPH) ကို ပံ့ပိုးကူညီခြင်းနှင့် နိုင်ငံတော်တည်ငြိမ်အေးချမ်းရေးကို နှောင့်ယှက်ရန် ရည်ရွယ်သည်ဟု ဆိုကာ တရားစွဲဆိုခြင်း ခံခဲ့ရသည်။[၁၅][၁၆]
သရုပ်ဆောင်သော ဇာတ်ကားများ
[ပြင်ဆင်ရန်]ရုပ်ရှင်
[ပြင်ဆင်ရန်]| ခုနှစ် (မြန်မာ) | အင်္ဂလိပ်အမည် | မြန်မာအမည် |
|---|---|---|
| ၂၀၁၅ | First Love | ရည်းစားဦး |
| ၂၀၁၇ | Bal Yee Ser Ko Achit Sone Lae[၁၇] | ဘယ်ရည်းစားကို အချစ်ဆုံးလဲ |
| 3Girls | သရဲမ၊ ဘီလူးမနှင့် မိန်းမပျို | |
| ၂၀၁၈ | Shwe Kyar (Golden Lotus)[၁၈] | ရွှေကြာ |
| CO2 | ကာဗွန်ဒိုင်အောက်ဆိုဒ် | |
| Eatehtiya | ဣတ္ထိယ | |
| Letter To President[၁၉] | သမ္မတကြီးထံ ပေးစာ | |
| Bride | သတို့သမီး' | |
| Naung Twin Au Htan Twin Say Ta Dee | နောင်တွင် ဥဒါန်းတွင်စေသတည်း | |
| ၂၀၁၉ | Pa Pa Wadi See Yin Khan | ပပဝတီ စီရင်ခန်း |
| Shae Twer Nout Lite | ရှေ့သွားနောက်လိုက် |
ရုပ်ရှင်ဇာတ်ကားများ
[ပြင်ဆင်ရန်]| ခုနှစ် (မြန်မာ) | အင်္ဂလိပ်အမည် |
|---|---|
| ၂၀၁၂ | Swel Ser Pyit Lite Tot |
| ၂၀၁၃ | A Thel Kyi Wittye |
| ၂၀၁၆ | Romeo & Shin Mway Non |
| ၂၀၁၇ | The Story of Thuyaungmal |
| Blue Bunch No (13) |
ရုပ်သံဇာတ်လမ်းတွဲများ
[ပြင်ဆင်ရန်]| ခုနှစ် (မြန်မာ) | အင်္ဂလိပ်အမည် | မြန်မာအမည် |
|---|---|---|
| ၂၀၁၈ | It was on Yesterday | မနေ့ကဖြစ်သည် |
| ၂၀၁၉ | The Traveler's Note | ခရီးသွားကောက်ကြောင်း |
| Thit Sar Shi Tal | သစ္စာချည်တိုင် | |
| ၂၀၂၃–၂၀၂၄ | Sparkle Hearts | ရင်ထဲကြွေတဲ့ကြယ် |
သီချင်းအယ်လ်ဘမ်များ
[ပြင်ဆင်ရန်]တစ်ကိုယ်တော်အယ်လ်ဘမ်များ
[ပြင်ဆင်ရန်]- Oh! My Crush (2016)
ဆုများနှင့်ဆန်ကာတင်စာရင်း
[ပြင်ဆင်ရန်]| ခုနှစ် (မြန်မာ) | ဆုပေးအဖွဲ့ (Award) | ဆုအမျိုးအစား (Category) | ပါဝင်သရုပ်ဆောင်သောဇာတ်ကား (Nominated work) | ရလဒ် (Result) |
|---|---|---|---|---|
| ၂၀၁၅ | မြန်မာ့ရုပ်ရှင်ထူးချွန်ဆု (Myanmar Academy Award) | အကောင်းဆုံးသရုပ်ဆောင် (Best Actor) | First Love | ဆန်ခါတင် |
| ၂၀၁၈ | မြန်မာ့ရုပ်ရှင်ထူးချွန်ဆု (Myanmar Academy Award) | အကောင်းဆုံးသရုပ်ဆောင် (Best Actor) | The Bride | ဆန်ခါတင် |
| ၂၀၁၈ | ASEAN International Film Festival & Awards | အကောင်းဆုံးအဖော်သရုပ်ဆောင် (Best Supporting Actor) | Shwe Kyar (Golden Lotus) | ဆန်ခါတင် |
ကိုးကား
[ပြင်ဆင်ရန်]- ↑ Myanmar TV stars to produce traveling programs in China – China – Chinadaily.com.cn။ 21 March 2019 တွင် ပြန်စစ်ပြီး။
- ↑ Fame၊ Asian (19 March 2019)။ ၂၀၁၈ ခုနှစ် အကယ်ဒမီထူးချွန်ဆုပေးပွဲအတွက် အလင်းရောင် ရဲ့ ရင်ခုန်သံစကားများ။ 17 May 2021 တွင် မူရင်းအား မော်ကွန်းတင်ပြီး။ 21 March 2019 တွင် ပြန်စစ်ပြီး။
- ↑ Fame၊ Asian (19 March 2019)။ ၂၀၁၈ ခုနှစ် အကယ်ဒမီထူးချွန်ဆုပေးပွဲအတွက် အလင်းရောင် ရဲ့ ရင်ခုန်သံစကားများ။ 17 May 2021 တွင် မူရင်းအား မော်ကွန်းတင်ပြီး။ 21 March 2019 တွင် ပြန်စစ်ပြီး။
- 1 2 "ရုပ်ရှင်နှင့် ဗီဒီယို သရုပ်ဆောင် အလင်းရောင်နှင့် တွေ့ဆုံခြင်း" (in my)၊ Eleven Media Group၊ 12 December 2017။
- ↑ "ရည်းစားဦး ရုပ်ရှင် ဇာတ်ကား ဒီဇင်ဘာ ၁၈ရက်မှ စတင်ကာ ရန်ကုန်မြို့ရှိ ရုပ်ရှင်ရုံများတွင် ပြသမည်" (in my)၊ Mizzima၊ 1 December 2015။
- ↑ "ရည်းစားဦး…" (in my)၊ Yangon Life၊ 21 November 2014။ 29 May 2025 တွင် ပြန်စစ်ပြီး။ Archived from the original on 26 January 2020။
- ↑ "ရည်းစားဦးနဲ့ သရုပ်ဆောင်ဖြစ်ချင်တဲ့ အလင်းရောင်" (in my)၊ 7Day News၊ 20 December 2015။ 29 May 2025 တွင် ပြန်စစ်ပြီး။ Archived from the original on 26 January 2020။
- ↑ "အလင်းရောင် ရဲ့ Oh My Crush" (in my)၊ Yangon Life၊ 21 May 2016။ 29 May 2025 တွင် ပြန်စစ်ပြီး။ Archived from the original on 26 January 2020။
- ↑ "အလင်းရောင် ရဲ့ Oh My Crush" (in my)၊ Yangon Life၊ 26 May 2016။ 29 May 2025 တွင် ပြန်စစ်ပြီး။ Archived from the original on 26 January 2020။
- ↑ "ထိတ်လန့်မှုအပြည့်နဲ့ မြန်မာသရဲကားကြည့်ချင်သူများအတွက် ကာဗွန်ဒိုင်အောက်ဆိုဒ် (CO2) ရုပ်ရှင်"၊ The Irrawaddy၊ 1 August 2018။
- ↑ "အကယ်ဒမီ "အမျိုးသား ဇာတ်ဆောင်ဆု" ရေပန်းစားနေတဲ့ မင်းသားတွေရဲ့ စကားသံများ" (in my)၊ The Irrawaddy၊ 19 March 2019။
- ↑ "MOVIE TIME: Screenings from January 4 to 10"၊ The Myanmar Times၊ 3 January 2019။
- ↑ "Asean International Film Festival & Awards ၏ ဆန်ခါတင်ဆုများ စာရင်းတွင် ဒါရိုက်တာဏကြီး၊ အကယ်ဒမီပိုင်ဖြိုးသု၊ အလင်းရောင်နှင့် Best Film အတွက် 'မီ' ဇာတ်ကားများပါဝင်" (in my)၊ Eleven Media Group၊ 27 April 2019။
- ↑ "တော်လှန်ရေးကို အဆုံးထိ ပါဝင်သွားဖို့ ဆုံးဖြတ်ထားတဲ့ အလင်းရောင်" (in my)၊ The Irrawaddy၊ 11 March 2021။
- ↑ "လူမှုကွန်ရက်အား အသုံးပြု၍ CDM လှုပ်ရှားမှုတွင် ပါဝင်စေရန် လှုံ့ဆော်သည်ဟုဆိုကာ အနုပညာရှင်များ အပါအဝင် ၂၀ ဦးအား ပုဒ်မ၅၀၅(က) ဖြင့် ထပ်မံအမှုဖွင့်ကြောင်း သတင်းထုတ်ပြန်" (in my)၊ Eleven Media Group၊ 4 April 2021။
- ↑ "အာဏာသိမ်းရက်ပေါင်း ၆၀ ကျော်အတွင်း နိုင်ငံတဝန်း ပစ်ခတ် ဖြိုခွဲမှုတွေကြောင့် သေဆုံးသူ ၅၇၀ ထိရှိလာ" (in my)၊ BBC News၊ 6 April 2021။
- ↑ Fame၊ Asian (31 January 2017)။ ဇာတ်သိမ်းခန်းကို နှစ်ခါပြန် ရိုက်ကူးရတဲ့ ရုပ်ရှင်ဇာတ်ကား။ 21 March 2019 တွင် ပြန်စစ်ပြီး။[လင့်ခ်သေ]
- ↑ Kyaw၊ Phyo Thu (6 April 2018)။ Cinema: Movies now showing in Yangon from 6th to 12th April 2018။ 21 March 2019 တွင် ပြန်စစ်ပြီး။
- ↑ Movie Time: Screenings from November 9 to 14။ 21 March 2019 တွင် မူရင်းအား မော်ကွန်းတင်ပြီး။ 21 March 2019 တွင် ပြန်စစ်ပြီး။
ပြင်ပလင့်ခ်များ
[ပြင်ဆင်ရန်]
ဖေ့စ်ဘွတ်ခ် ပေါ်ရှိ အလင်းရောင်
