သုခ ကုသိုလ်ဖြစ် ဆေးခန်း

ဝီကီပီးဒီးယား မှ
Jump to navigation Jump to search

သုခ ကုသိုလ်ဖြစ် ဆေးခန်းသည် နာရေးကူညီမှုအသင်း (ရန်ကုန်) က ဖွင့်လှစ်လိုက်သော ဆေးခန်းဖြစ်သည်။ ဆေးခန်းကို စေတနာရှင်များ၏ အကူအညီဖြင့် ၂၀၀၇-ခုနှစ်၊ မတ်လ (၂) ရက်၌ စတင်ဖွင့်လှစ်ပြီး စေတနာရှင် ဆရာဝန်နှင့် သူနာပြုများက တနေ့လျှင် လူနာ (၅၀) ခန့်ကို လူမျိုးဘာသာမရွေး ကုသိုလ်ဖြစ် အခမဲ့ကုသပေးလျက်ရှိသည်။ ဆင်းရဲနွမ်းပါးသူများ အတွက် ကျန်းမာရေးစောင့်ရှောက်မှု ပေးလျက်ရှိသည်။

ရည်ရွယ်ချက်[ပြင်ဆင်ရန်]

ဆင်းရဲနွမ်းပါးသော၊ ဆေးမကုနိုင်သော လူများအား ဆေးကုသပေးခြင်း ဖြစ်သည်။

လုပ်ဆောင်မှု[ပြင်ဆင်ရန်]

ဆေးခန်းတွင် အထွေထွေရောဂါအားလုံးအပြင် အသေးစားခွဲစိတ်ကုသမှုများပါ ဆောင်ရွက်ပေးလျက် ရှိပြီး ဆေးရုံတင်ရမည့် အရေးကြီးသည့်လူနာများကို ဆေးရုံသို့လွှဲပြောင်းပေးလျက်ရှိသည်။ မျက်စိခွဲ၊ အရိုးအကြော၊ ကလေးအထူးကု၊ အမျိုးသမီး အထူးကု၊ Ultra sound အခမဲ့ ရိုက်ပေးပါသည်။ သူနာပြု ဆရာမကြီး ၂ ယောက်နဲ့ နာ့စ် Nurse တွေ ၄ ယောက်လောက် ရှိသည်။ ဆရာဝန်တွေ အားလုံးသည် ကိုယ့်စရိတ်နှင့်ကိုယ် လာရောက်ကုပေးခြင်း ဖြစ်သည်။ ဆေးခန်းတွင် သားဖွားမီးယပ်အထူးကု၊ မျက်စိအထူးကု၊ အရိုးအကြောအထူးကုနှင့် အထွေထွေ ရောဂါကု ဆရာဝန် (၁၄) ဦးက အလှည့်ကျတာဝန်ယူကုသပေးနေပြီး ဆေးကုသခ အပါအဝင် ထိုးဆေး စားဆေးများကိုပါ အခမဲ့ပေးအပ်ခြင်း ဖြစ်သည်။

  • ဆေးခန်းဖွင့်ချိန်မှာ နံနက် (၉) နာရီမှ (၁၁) နာရီခွဲအထိနှင့် မွန်းလွဲ (၁၂) နာရီခွဲမှ (၃) နာရီခွဲအထိဖြစ်သည်။

လှူဒါန်းနိုင်[ပြင်ဆင်ရန်]

သုခဆေးခန်းအတွက် ဆေးဝါးနှင့် ငွေကြေးအကူအညီပေးလိုသူများ ပါဝင်လှူဒါန်းနိုင်ကြောင်း ဖိတ်ခေါ် ထားပြီး လူနာတစ်ဦးလျှင် ပျမ်းမျှ ကျပ် (၂,၀၀၀) နှုန်း၊ မျက်စိခွဲမည့်လူနာအတွက် မျက်စိတစ်လုံးလျှင် ဆေးပစ္စည်းဖိုး ကျပ် (၂) သောင်းခွဲ လှူဒါန်းနိုင်သည်။

ဆက်သွယ်ရန်လိပ်စာ(အသစ်)[ပြင်ဆင်ရန်]

  • သုခ ကုသိုလ်ဖြစ်ဆေးခန်း၊

နာရေးကူညီမှုအသင်း (ရန်ကုန်)၊

ဗိုလ်မှူးဗထူးလမ်း၊

ဒဂုံမြို့သစ်(မြောက်ပိုင်း)မြို့နယ်၊ ရန်ကုန်မြို့။

ဖုန်း ၅၆၀၃၃၃ နှင့် ၅၇၈၁၈၄