သရောခိုင်းသည် မဆိုနိုင်

သရောခိုင်းသည် မဆိုနိုင် ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။

သရောခိုင်းသည် မဆိုနိုင်

နေမိတ္တကာဝိဇ္ဇာမယတို့၊ ကာသပြင်ကောင်းကင်ရပ်တွင်မှ၊ နက္ခတ်တွေစနေအင်္ဂါနှင့်၊ ဗေဒင်ဆရာနေမြင်လဘို့၊ ဟောပေကြလောကဉာဏ်။

အကြောင်းပြုခဲ့တဲ့၊ ကောင်းမှုကံ စေတနာကြောင့်၊ သတ္တဝါ အစာရှားမှ အသပြာများလေငွေရတတ်သူနှင့်၊ ရေငတ်သူမတည်ကြည်သို့၊ ရဟတ်မလည်မရပ် မတည်ပန်းသော်ကြောင့်၊ ဆီနှမ်းပါဂွမ်းဝါဆေးနှင့်၊ အစာရေးပင်တိုချေအုံးမထင့်၊ နှလုံးမှာတွေးယူဆလို့၊ ဆွေးပူကြပြန်။

ဂုရုဂြိုဟ်ဓနုကိုပြောင်းစေတော့၊ ဟိုကောင်းကင်ဟိုအနောက်က၊ ဂြိုဟ်သောကြာတောက်ကာထွန်းရက်မို့၊ ခြောက်စွန်းမှာ ကွန်းစံရာစုပါလိမ့်၊ ငါးခုနှစ်ပဉ္စမံ၊ လင်္ကာတံစီကုံး။

ရှေးပဝေသဏီ ကြေးငွေရှားလို့၊ လေးပြားတန် ဆန်တတင်းသာဖြင့်၊ ထမင်းဆာသူဆာလှပေါ့၊ လူရွာမှာခုအခါဖြင့် မသရောနိုင်ဘု၊ ဥရောပါ ဂေါရာရပ်ကယ်နှင့်၊ သေဠဿေ ပြေတကာက၊ ငွေသပြာ ပြေအညာဆန်ခဲ့၊ ပဒေသာအမှန် ကြွေကာထွန်းရက်မို့၊ ကမ္ဘာဝန်းကျင် လူခပ်သိမ်းတို့၊ ဓာတ်ကျိန်းမှာ တပုံစီတဲ့၊ ကောလီအဝင် စောတပသီ အမှတ်ကယ်က၊ မပေါမတို သရောမဆိုအပ်ပြီဘု၊ လောကဓာတ်လုံး။

ခက်ဆစ်

၁။ နေမိတ္တကာဝိဇ္ဇာမယ = နေမိတ္တကဝိဇ္ဇာကျမ်းကို ကျွမ်းကျင်သူ။ ဂြိုဟ်နက္ခတ်တို့၏ အကျိုးအပြစ်ကို သိသူ။

၂။ ကာသပြင် = အာကာသ ကောင်းကင်ပြင်။

၃။ သရောခိုင်း = ကပ်ကြီးသုံးပါးကျရောက်ခြင်း။

၄။ ဂေါရာရပ် = အနောက်အရပ်။

၅။ သေဠဿေ = သောဠဿတိုင်းကြီး ၁၆ တိုင်း။

၆။ ကောလီအဝင် = ကောလီဓာတ်သို့ဝင်သည်။

၇။ စေတပသီ = ရသေ့။

မှတ်ချက်

ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် နာမည်ပေးခဲ့ခြင်း မဟုတ်ပါ။ သင့်တော်မည်ထင်သော နာမည်ကို ပေးထားခြင်း ဖြစ်သည်။