သခင်ကိုကျွန်မလေး
သခင်ကိုကျွန်မလေး ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။
အကြောင်းအရာ
[ပြင်ဆင်ရန်]၁၂၅၉ ခုနှစ် ဂြိုဟ်အသွာအလာ နှင့် သိုက်စာ တို့အရ ဖွဲ့ဆိုထားသည့် သံချိုဖြစ်သည်။
သခင်ကိုကျွန်မလေး
[ပြင်ဆင်ရန်]မငြိမ်းချမ်းပြီဘု၊ ကိန်းခန်းရယ်ကခေတ်မကုန်။
ရှမ်းတရုပ်ရယ်တို့၊ ဂျွမ်းလုပ်ကာ၊ ဗျူဟာဆင်တတ်သတဲ့၊ တူရာသီခွင်ပြည့်စန်းရယ်က၊ စခန်းယာယီရွေ့မှာ၊ ဘေးတွေ့မယ့်ပုံ။
အနိစ္စကိုလ၊ စိတ်ချကာအမှန်ရှုနိုင်မှ၊ အကုသိုလ်အဖြစ်နည်းကြလိမ့်၊ ခေတ်ထဲက ကြက်ခြေကွင်းပါလို့၊ စာရင်းပါမည်စိုးသော်ကြောင့်၊ နောင်ကျိုးဆရာမျှော်၍၊ စာအသရော် အပူတိုက်ပြန်ရ၊ လူမိုက်တွေအနန္တာမို့၊ သံသရာနယ်အကန့်တွင်မှ၊ ကံကြမ္မာဘယ်မဆန့်ပြီဘု၊ ကိုးတန့်နဝင်ဂူနှင့်၊ ပဉ္စကူတစုနှိုးခဲ့၊ အရိုးတောင်လိုပုံတတ်သတဲ့၊ မယုံလျှင်တခါမှတ်ကြတော့၊ ကုန်အစင်တာပသတို့၊ ဝါဒအယူပြားသော်ကြောင့်၊ လူသားရှင်လိုလိုနှင့်၊ သခင်ကို ကျွန်မလေးပြီကွယ်၊ နောပဉ္စရေး။
ခက်ဆစ်
[ပြင်ဆင်ရန်]၁။ ဗျူဟာ = စစ်။
၂။ အဋဂြဟာ = ဂြို်ဟ်၏ထက်ဝက်။
၃။ အနန္တာ = အများအပြား။
၄။ နဝင်္ဂူ = နဝင်္ဂသီလ၊ ကိုးပါးသီလ။
၅။ ပဉ္စကူ = ပဉ္စသီလ၊ ငါးပါးသီလ။
မှတ်ချက်
[ပြင်ဆင်ရန်]ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် နာမည်ပေးခဲ့ခြင်း မဟုတ်ပါ။ သင့်တော်မည်ထင်သော နာမည်ကို ပေးထားခြင်း ဖြစ်သည်။
ကိုးကား
[ပြင်ဆင်ရန်]- ↑ မောင်းထောင်းဦးကျော်လှ၏ သံချိုကဗျာပေါင်းချုပ်။ ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန။ နိုဝင်ဘာ ၁၉၈၃။