ဖေဖော်ဝါရီ ၂၀၁၉

(၁၂)ရက်

(ပြည်ထောင်စုနေ့)

• ကယားပြည်နယ်၊ လွိုင်ကော်မြို့တွင် ဗိုလ်ချုပ်အောင်ဆန်း ကြေးရုပ်တု ဖယ်ရှားပေးရေး ကရင်နီလူငယ်များမှ တောင်းဆိုဆန္ဒပြမှုပြုလုပ်နေစဉ် ရဲတပ်ဖွဲ့မှ ရာဘာကျည်များဖြင့် ပစ်ခတ်မှုကြောင့် လူ ၂၁ ဦး ဒဏ်ရာရရှိခဲ့သည်။ ဗိုလ်ချုပ်ကြေးရုပ်ထားရှိရာ လွိုင်ကော်မြို့ ကန္ဒဟေဝန်ပန်းခြံသို့ ဆန္ဒပြကရင်နီလူငယ်များချီတက်လာစဉ် ရဲတပ်ဖွဲ့မှ အတားအဆီးများချထားကာ ရာဘာကျည်များဖြင့်ပစ်ခတ်ခဲ့ခြင်းဖြစ်သည်။ ကရင်နီလူငယ်များကလည်း ရဲများ၊ရာဘာကျည်များနှင့်အတားအဆီးများကို မရမကဖယ်ရှားကာ ချီတက်ဆန္ဒပြခဲ့ကြသည်။ ဗိုလ်ချုပ်၏ ကတိကဝတ်များကို အကောင်အထည်မဖော်ဘဲ ရုပ်တုကိုသာအတင်းစိုက်ထူခဲ့၍ဟုဆိုကာ ယခုကဲ့သို့ကန့်ကွက်ဆန္ဒပြခဲ့ကြခြင်းဖြစ်သည်။
• ထိုနေ့ ညနေပိုင်းတွင် လွိုင်ကော်မြို့ ဆန္ဒပြမှုဖြစ်စဉ်၌ ရဲတပ်ဖွဲ့၏လုပ်ဆောင်မှုများကို ကန့်ကွက်ရှုတ်ချသည့်အနေဖြင့် ရန်ကုန်မြို့၊ကျောက်တံတားမြို့နယ်၊ဆူးလေဘုရားလမ်းရှိ မဟာဗန္ဓုလပန်းခြံတွင် ဆန္ဒဖော်ထုတ်မှုပြုလုပ်ခဲ့ကြသည်။