နှမ်းစစ်ဆီကောင်း
နှမ်းစစ်ဆီကောင်း ကဗျာကို မောင်းထောင်းဦးကျော်လှ ရေးသားခဲ့သည်။ သံချို ကဗျာအမျိုးအစားဖြစ်သည်။
အကြောင်းအရာ[ပြင်ဆင်ရန်]
နှမ်းစစ်ဆီကောင်း[ပြင်ဆင်ရန်]
ဝါးကြခတ်တွင်မှ၊ များမြတ်စွာ စန္တေယျံတို့၊ ထိန်ဝေလျှံရွှေညာဏ်ပွင့်တော့၊ မာရ်မင့်ရန်ငါးဖြာရှိသတဲ့၊ ယတ္တိညာဏ်ရဠီရှာလို့၊ ဤရွာကို ကလီကမာ စပ်ရတော့၊ ဝါရွှေခတ်စည်တဲ့ရွာ။
ပတ်ကုံးနယ်လူခိုဝင်တဲ့၊ မြတ်ဘုန်းခင်ထေရ်ဆရာတို့၊ သည်ဒကာရွာရွှေ့မောင်က၊ စံကျောင်းတော်ဝိဟာဦးသို့၊ ပန်ဖူးမြော်နှစ်စဉ်ဆိုက်လို့၊ ဦးခိုက်ရလှာ။
မြေပဲပါတွဲကာထည့်တဲ့ပြင်၊ ဝါစိဆီတတန်နှင့်၊ အပလီညာဏ်ဆီဗန္ဓတ်တွေတို့၊ နံစပ်ခါပါးစပ်မှာခါးတဲ့ပြင်၊ လျှာဖျားတွင်ငုံမိအုံးနရုံနှင့်၊ နှလုံးကအလွန်နာ၊ ရွံစရာပွေတောင်း။
အနောက်ရည်၊ မကြည်လင်တဲ့၊ ခြောက်ပြည်ဝင်ဆုံကလေးကို၊ ရေနွေးတွေ၊ အပုံနှောနိုင်တဲ့၊ ဥရဏှောဒကာရည်ကြောင့်၊ အခါလည်တာရှည်သု့:သူတို့၊ စည်ပုံးကို ဖောက်ကာစမ်းလိုက်ရင်၊ အောက်ချမ်းတွင်ရေနယ်ပါလိမ့်၊ ဝယ်စရာဖယ်ကာမငြင်းလိုက်ပါနှင့်၊ တတင်းဝင်ဆုံတွင်ပွတ်လို့၊ ဖုံလွတ်စွာရေမှာကျင်းတဲ့ပြင်၊ ဖျာခင်းကာတဖန်လှန်းရ၊ ညာဏ်ဆန်းကာ ပွေလီဘိရင်ဖြင့်၊ ဝီစိတိုင်ကျွန်တော်ဆင်းပါ့၊ ခံတွင်းမှာ အလွန်မြက်သည့်၊ ဂျင်းကြက်သွန်မပါလှာတဲ့၊ လဖက်ဝါ ရွက်ညှာ ဇရမ်းတွင်မှ၊ အပေါ်မှာ ဖျော်ကာဆမ်းလို့၊ အကြော်မပါ ပနော်လို့ စမ်းပါတော့၊ နှမ်းစစ် ဆီကောင်း။
ခက်ဆစ်[ပြင်ဆင်ရန်]
၁။ စိန္တေယျ = အစိန္တေယျ (ပါ)၊ မနှိုင်းယှဉ်အပ်သောဘုရား။
၂။ ယုတ္တိညာဏ် = အထောက်အထားညာဏ်။
၃။ ရုဠီ = တင်စားသည်။
၄။ ကလီကမာ = ကြံဖန်၍ (ဘန်း)။
၅။ ဆီဗန္ဓတ် = ဗန္ဓတ် (ပါ)၊ ဖွဲ့နှောင်၍ ထားအပ်သော။
၆။ ဥဏှောဒကာ = ရေနွေး။
မှတ်ချက်[ပြင်ဆင်ရန်]
ဤကဗျာခေါင်းစဉ်သည် မောင်းထောင်းဦးကျော်လှ ကိုယ်တိုင် နာမည်ပေးခဲ့ခြင်း မဟုတ်ပါ။ သင့်တော်မည်ထင်သော နာမည်ကို ပေးထားခြင်း ဖြစ်သည်။
ကိုးကား[ပြင်ဆင်ရန်]
- ↑ မောင်းထောင်းဦးကျော်လှ၏ သံချိုကဗျာပေါင်းချုပ်။ ယဉ်ကျေးမှုဝန်ကြီးဌာန၊ ယဉ်ကျေးမှုဗိမာန်ဌာန။ နိုဝင်ဘာ ၁၉၈၃။