နန်းခမ်းနောင့်

နန်းခမ်းနောင့်
မွေးဖွား	၁၉၉၁ တောင်ကြီးမြို့
အခြား အမည်များ	Marlene
အလုပ်အကိုင်	စီးပွားရေးလုပ်ငန်းရှင်
တက်ကြွလှုပ်ရှားနှစ်များ	၂၀၁၇−ယနေ့ထိ
အိမ်ထောင်ဖက်(များ)	Arno Willemink
မိဘ(များ)	အောင်ကိုဝင်း နန်းသန်းထွေး
ဆွေမျိုးသားချင်း	နန်းလိုင်းခမ်း (အမ) နန်းမိုဟွမ်(ညီမ)

နန်းခမ်းနောင့်(၁၉၉၁ဖွား) သည် စီးပွားရေးလုပ်ငန်းရှင်ကြီး ဦးအောင်ကိုဝင်း၏ သမီးလတ်ဖြစ်သည်။ နန်းသည် I-KBZ Insurance ၏ သဘာပတိဖြစ်ပြီး ကျန်းမာရေး၊ ပညာရေး၊ ဆင်းရဲမွဲတေမှု လျှော့ချရေးနှင့် လူငယ်စွမ်းရည်မြှင့်တင်ရေးတို့ကို ပံ့ပိုးပေးသည့် ကမ္ဘောဇ အနာဂတ် အလင်းတန်း မြန်မာဖောင်ဒေးရှင်း Brighter Future Myanmar Foundation ၏ ပူးတွဲတည်ထောင်သူလည်း ဖြစ်သည်။ သူမသည် ပရဟတိတစိတ်ရှိပြီး ကျားမတန်းတူညီမျှမှုအရေး နက်ရှိုင်းစွာဆောင်ရွက်သူဖြစ်သည်။ အမျိုးသမီးများကဏ္ဍကို မြှင့်တင်ပေးမှုကြောင့် အာဆီယံစီးပွားရေးစွမ်းဆောင်ရှင်ဆု ချီးမြှင့်ခံထားရသည်။

ငယ်ဘဝနှင့်ပညာရေး

သူမကို ရှမ်းပြည်နယ် တောင်ကြီးမြို့တွင် ဖခင်ဦးအောင်ကိုဝင်း၊မိခင် နန်းသန်းထွေးတို့က ၁၉၉၁တွင် မွေးဖွားသည်။မွေးချင်း (၃) ဦးအနက် ဒုတိယမြောက် သမီးဖြစ်သည်။ ငယ်စဉ်အခါက တောင်ကြီးမြို့တွင်ပင် ပညာသင်ကြားသည်။ယင်းနောက် စင်ကာပူ၊ လန်ဒန်နှင့် ကာတာတို့တွင် ဆက်လက် ပညာသင်ကြားခဲ့သည်။

စီးပွားရေးနယ်ပယ်ထဲရောက်ရှိလာပုံ

သူမအသက် ၂၄နှစ်အရွယ်မှာပင် ကမ္ဘောဇဘဏ်၏ လူငယ် အမှုဆောင် ဒါရိုက်တာ ဖြစ်လာခဲ့သည်။ ၂၀၁၇ ခုနှစ်တွင် သူမသည် ကမ္ဘောဇဘဏ်၏ Deputy CEO 3 အဖြစ် ရာထူးတိုးမြင့် ခံရသည်။ သူမသည် ၂၀၁၈ခုနှစ်တွင် မြန်မာနိုင်ငံ၏ ပထမဆုံး မိုဘိုင်းပိုက်ဆံအိတ် KBZ Pay ကို မိတ်ဆက်ခဲ့သည်။

ပရဟိတဆောင်ရွက်မှုများ

၂၀၀၈ဆိုင်ကလုန်းမုန်တိုင်း နာဂစ် မြန်မာနိုင်ငံသို့ ရိုက်ခတ်ပြီးနောက် ပြန်လည်ထူထောင်ရေးလုပ်ငန်းများဆောင်ရွက်ကြစဉ် သူမသည် အမဖြစ်သူ နန်းလိုင်းခမ်း နှင့်အတူ ကမ္ဘောဇ အနာဂတ် အလင်းတန်း မြန်မာဖောင်ဒေးရှင်း (BFM) တွင် ပြန်လည်ထူထောင်ရေးလုပ်ငန်းမျာအား ဆောင်ရွက်သည်။ ကယ်ဆယ်ရေး စခန်းများသို့ သွားရောက်ကာ အိုးအိမ်ဆုံးရှုံးခဲ့ရသူများနှင့် မိသားစုများနှင့် တွေ့ဆုံကာ အားပေးသည်။ယင်းအပြင် ဖောင်ဒေးရှင်းတွင် ပူးတွဲဥက္ကဋ္ဌအဖြစ် တာဝန်ထမ်းဆောင်ရင်း ပရဟိတကိစ္စများ အင်တိုက်အားတိုက်ဆောင်ရွက်သည်။

ရရှိခဲ့သော ဆုများ

အမေရိကန်အခြေစိုက် Forbesမဂ္ဂဇင်းက သူမကို မြန်မာနိုင်ငံရှိ လူငယ်စီးပွားရေးခေါင်းဆောင်များ၏ အတောက်ပဆုံးအလင်းတန်းများထဲမှ တစ်ခုဟု ဖော်ပြသတ်မှတ်သည်။သူမ၏ အောင်မြင်သော စီးပွားရေးလုပ်ကိုင်ပုံကိုလည်း ချီးကျူးသည်။ ၂၀၂၀ခုနှစ်တွင် အာဆီယံက ချီးမြှင့်သော အာဆီယံ၏ ထူးချွန်သော စီးပွားရေးသမားများဆု( 5th ASEAN Entrepreneur Award 2020 )အား သူမရရှိသည်။ ထိုဆုသည် အမျိုးသမီးများ စွမ်းဆောင်ရည်မြှင့်တင်ရေး အမျိုးအစားဆု ဖြစ်သည်။

မိသားစုဘဝ

သူသည် ခင်ပွန်းဖြစ်သူ နယ်သာလန်နိုင်ငံသား Arno Willemink နှင့် ၂၀၂၃ ခုနှစ် တွင် မင်္ဂလာဆောင်သည်။ကုန်ကျစရိတ်ကြီးမားသော ဧည့်ခံပွဲများ မပြုလုပ်ဘဲ လိုအပ်သည့်နေရာများသို့ သိန်းပေါင်း၉၀၀၀၀ ကျော် ရေစက်ချလှူသည်။