ထီးခီး

ထီးခီး Htee Kee
ထီးခီး Htee Kee တည်နေရာပြမြေပုံ
Elevation	၃၂၀ m (၁၀၅၀ ft)
Location	မြန်မာ–ထိုင်း နယ်စပ်
Range	တနင်္သာရီတောင်တန်း
Coordinates	13°53′17″N 99°4′47″E

ထီးခီးသည် မြန်မာနိုင်ငံနှင့် ထိုင်းနိုင်ငံနယ်စပ်တွင်ရှိသော တနင်္သာရီတိုင်းတွင်ရှိသည့် အပြည်ပြည်ဆိုင်ရာဝင်/ထွက်ပေါက်တစ်ခု၏ မြန်မာနိုင်ငံဘက်ခြမ်းဒေသအမည် ဖြစ်သည်။ အဆိုပါ "ထီးခီး-ဖူနာရွန်"နယ်စပ်ဝင်/ထွက်ပေါက်ကို ၂၀၁၃-ခုနှစ် ဩဂုတ်လ ၂၈-ရက်နေ့တွင် စတင်ဖွင့်လှစ်ခဲ့သည်။ ထီးခီးနယ်စပ်ဂိတ်ဟုလည်းခေါ်သည်။ ဤဒေသတွင် ထီးခီးကုန်သွယ်ရေးစခန်းကိုလည်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ လာရောက်ဖွင့်လင့်ထားသည်။

တည်နေရာ

ဤဒေသသည် တနင်္သာရီတိုင်းဒေသကြီး၊ ထားဝယ်မြို့နယ်၊ ထီးခီးကျေးရွာအုပ်စုတွင် တည်ရှိသည်။

သမိုင်းကြောင်း

ထီးခီးနယ်စပ်ဂိတ်သည် ယခင်က ကရင် အမျိုးသား အစည်းအရုံး(KNU သို့မဟုတ် ကေအဲန်ယူ) တပ်မဟာ(၄)၏ ဌာနချုပ် အခြေစိုက်ရာနေရာဖြစ်သည်။ ၂၀၁၃ ခုနှစ် မေလတွင် တရားဝင် ဖွင့်လှစ်ခဲ့ပြီး ကေအဲန်ယူနှင့် မြန်မာအစိုးရတပ်တို့ နှစ်ဘက်လုံး ထိန်းချုပ်မှုရှိနေသည့် နေရာဖြစ်သည်။

ထီးခီးကုန်သွယ်ရေးစခန်း

စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနမှ ထီးခီးကုန်သွယ်ရေးစခန်းကို ၂၀၁၃-ခုနှစ်၊ မေလ ၁၁-ရက်တွင် စတင်ဖွင့်လှစ်ခဲ့သည်။ ကျပ်ငွေ၊ ထိုင်းဘတ်ငွေနှင့် အမေရိကန်ဒေါ်လာများကို အသုံးပြု၍ ကုန်သွယ်မှုပြုလုပ်နိုင်သည်။

ကုန်သွယ်မှု လမ်းကြောင်းအကွာအဝေးများ

လမ်းကြောင်းအမည်	အကွာအဝေး
ထားဝယ် - မေတ္တာမြို့	၃၄-မိုင်
မေတ္တာမြို့ - ထီးခီး	၆၃-မိုင်
ထားဝယ် - ထီးခီး	၉၇-မိုင်
ထီးခီး - ကမ်ချနပူရီ	၄၃-မိုင်
ထီးခီး- ဘန်ကောက်	၈၇-မိုင်

ခရီးသွားလုပ်ငန်း

၂၀၁၆-ခုနှစ် မတ်လတွင် မြန်မာနိုင်ငံရင်းနှီးမြှုပ်နှံမှုကော်မရှင်က ပွန်ပီပက်ကုမ္ပဏီ(Myanmar Pongpipat Co. Ltd.)အား ဤဒေသတွင် နိုင်ငံတကာအဆင့်မီ ဟိုတယ်ဝန်ဆောင်မှု လုပ်ငန်းကို မြေဧရိယာ ဧက ၅၀ ပေါ်တွင်လုပ်ကိုင်ခွင့်ပေးခဲ့သည်။

ဆက်စပ်စာမျက်နှာ

• ဖူနမ်ရွန်