ထမံသီရွာ

ဝီကီပီးဒီးယား မှ
Jump to navigation Jump to search
ထမံသီ
ထမံသီ
Htamanthi
ရွာ
ထမံသီ သည် မြန်မာနိုင်ငံ တွင် တည်ရှိသည်
ထမံသီ
ထမံသီ
ထမံသီရွာ တည်နေရာ
ကိုဩဒိနိတ်: 25°20′8″N 95°16′51″E / 25.33556°N 95.28083°E / 25.33556; 95.28083ကိုဩဒိနိတ်: 25°20′8″N 95°16′51″E / 25.33556°N 95.28083°E / 25.33556; 95.28083
နိုင်ငံ  မြန်မာ
တိုင်းဒေသကြီး စစ်ကိုင်းတိုင်းဒေသကြီး
ခရိုင် ခန္တီးခရိုင်
မြို့နယ် ဟုမ္မလင်းမြို့နယ်
အချိန်ဇုန် မြန်မာစံတော်ချိန် (UTC+6.30)

ထမံသီရွာသည် ချင်းတွင်းမြစ်ရိုးတွင်တည်ရှိပြီး နာမည်ကျော်ကြား လူသိများလှပေသည်။ ရှေးယခင် ကတည်းကပင် စာပေများတွင် မှတ်တမ်းတင်ခဲ့ကြသည်။ ထမံသီရွာကို ထမန်းလူမျိုးများက တည်ထောင်ခဲ့ကြသည်ဟု မှတ်သားရပါသည်။ ထမံသီနယ်မြေသည် ထူးခြားသည့် ဝိသေသ ရှိခဲ့သောကြောင့် ဖြစ်သည်။ ရှေးယခင်က ထိုနယ်မြေမှ လူအချို့သည် ကျားအဖြစ် ပြောင်းလဲအောင် လုပ်နိုင်သည်ဟု ဆိုကြသည်။ ဘိုးစဉ်ဘောင်ဆက် ကတည်းက အသိစွဲ၊ အကြားစွဲ၊ ယုံကြည်စွဲနှင့် ကျားမျိုးဟု မှတ်ယူနေသော ဆွေမျိုးနွယ်များလည်း ရှိခဲ့ဘူးသည်။ ထမန်းမျိုးနွယ်မှ ကျားဖြစ်တတ်သူကို မန်းကျားဟု ခေါ်ပြီး သမန်းကျား(သို့)ထမန်းကျား ဟု လူသိပိုများကြ၏။ ဤအထက်ချင်းတွင်း၌ ခရိုင်ဝန်ဖြစ်ခဲ့သူ မစ္စတာ ဂရန့်ဘရောင်းသည် ၁၉၀၈-ခုနှစ်တွင် စာအုပ်ရေးသား ထုတ်ဝေခဲ့ဘူးသည်။ သူ၏ စာအုပ်ထဲတွင် ထမန်းလူမျိုးတို့သည် လူစင်စစ်မှ ကျားအဖြစ်သို့ ပြောင်းနိုင်ပြီး မိမိပိုင် ပစ္စည်းများကို ခိုးယူသူတို့အား ဒုက္ခပေး လက်စားချေလေ့ ရှိသည်ဟု ဖော်ပြထားဘူးသည်။ ယခုအခါတွင် သမန်းကျား ဆွေမျိုးနွယ်ဆက်တို့လည်း မရှိတော့ပေ။ [၁]

ကိုးကား[ပြင်ဆင်ရန်]

  1. မြန်မာ့ဆိုရှယ်လစ် လမ်းစဉ်ပါတီ၊ ဗဟိုကော်မတီ ဌာနချုပ်မှ ထုတ်ဝေသော သိင်္ဂါနဒီ မြန်ပြည်မြောက်ဖျားသို့ စာအုပ်မှ