စန်းချုံခရိုင်

စန်းချုံ 三重區
District
စန်းချုံခရိုင်
Sanchong District in New Taipei City
Country	Republic of China (Taiwan)
Special municipality	New Taipei
Established	၁၉၄၇
ဧရိယာ
• စုစုပေါင်း	၁၆.၃၁၇၀ စတုရန်းကီလိုမီတာ (၆.၃၀၀၀ စတုရန်းမိုင်)
လူဦးရေ (၂၀၁၆ ဩဂုတ်လ)
• စုစုပေါင်း	၃၈၈၂၃၀
• သိပ်သည်းမှု	၂၄၀၀၀/km၂ (၆၂၀၀၀/sq mi)
Postal code	၂၄၁
ဧရိယာကုဒ်(များ)	၀၂
ဝက်ဘ်ဆိုဒ်	sanchong.ntpc.gov.tw

စန်းချုံခရိုင် (တရုတ်: 三重區; ပင်ယင်: Sānchóng Qū; ပေဝေဂျီ: Sam-tiông-khu) ထိုင်ဝမ်နိုင်ငံ နျူးထိုင်ပေမြို့ အနောက်ဘက်မှ လူနေထိုင်မှုများရာ ခရိုင်ဒေသဖြစ်သည်။ ၁၆.၃၂ ကီလိုမိတာကျယ်ဝန်းပြီး လူဦးရေ ၃၈၄၆၁၈ (၂၀၀၃) နေထိုင်သည်ဖြစ်ရာ စန်းချုံခရိုင်သည် ထိုင်ဝမ်နိုင်ငံ၏ ၄ ခုမြောက် နှင့် ကမ္ဘာပေါ်တွင် ၂၃ ခုမြောက် လူဦးရေအထူထပ်ဆုံးဖြစ်သည်။ တစ်ကီလိုမီတာလျှင် လူပေါင်း ၂၃၉၀၀ ကျော်နေထိုင်သည်။

ပထဝီအနေအထား

စန်းချုံခရိုင်၏ မြောက်ဘက်နှင့်အနောက်မြောက်ဘက်တွင် လူကျိုး ၊ ဝူကု ၊ အနောက်ဘက်တွင် ရှင်းကျွမ်းတို့နှင့် ထိစပ်နေပြီး ၊ ၎င်းနှင့် ထိုင်ပေမြို့အကြား တမ်စွေ့မြစ်ခြားထားသည်။

သမိုင်းကြောင်း

စန်းချုံကို စန်းထုံးဖူ (တရုတ်: 三重埔; ပေဝေဂျီ: Saⁿ-têng-po͘ / Sam-tiông-po͘), သုံးခုမြောက် မြေပြန့် အဖြစ် ရှေးဦးအခြေချသူများက ခေါ်ဆိုသည်။ ယနေ့ခေတ် ရှင်းကျွမ်းဒေသမှ အခြေချသူများက မြောက်အရပ်သို့ တက်လာကြပြီး ၎င်းတို့အခြေချရာ မြေပြန့်များကို

"ပထမမြေပြန့်" (頭前埔, ယနေ့ခေတ် ရှင်းကျွမ်းခရိုင်တွင် တည်ရှိ), "ဒုတိယမြေပြန့်" (二重埔, ယနေ့ခေတ် စန်းချုံတွင် တည်ရှိ) နှင့် တတိယမြေပြန့်များဟု အမည်ပေးသတ်မှတ်သည်။

တရုတ်သမ္မတနိုင်ငံ

ထိုင်ပေမြို့၏ အရေးပါသော တိုးချဲ့အရပ်ဖြစ်နေသည်။ ၁၉၆၂ ခုနှစ် ဧပြီလ ၁ ရက်နေ့တွင် စန်းချုံကို မြို့နယ်အဆင့်မှ နိုင်ငံမှ စီမံကွပ်ကဲသော မြို့တော်အဆင့်သို့ တိုးမြှင့်လိုက်သည်။ ၂၀၁၀ ခုနှစ် ဒီဇင်ဘာလ ၂၅ ရက်နေ့တွင် ယခင်ထိုင်ပေကောင်တီမှ နျူးထိုင်ပေမြို့တော်အဖြစ်ပြောင်းလဲခြင်းနှင့်အတူ စန်းချုံမြို့တော်ကို ခရိုင်အဖြစ် အဆင့်မြှင့်တင်လိုက်သည်။

လူဦးရေအခြေအနေလေ့လာဆန်းစစ်ရေးဗေဒ

၂၀၁၅ ခုနှစ် အောက်တိုဘာလတွင် ခရိုင်၌ လူပေါင်း ၃၈၈၅၅၀ နေထိုင်သည်။

၂၀၁၀ လူဦးရေ သန်းခေါင်စာရင်းအရ စန်းချုံ၌ လူဦးရေ ၃၉၀၉၀၄ နေထိုင်သည်။ လူဦးရေသိပ်သည်းနှုန်းမှာ တစ်စတုရန်းကီလိုမီတာတွင် ၂၄၁၇၂.၆ ဖြစ်သည်။

ပညာရေး

• အမျိုးသား စန်းချွန် စီနီယာ အထက်တန်းကျောင်း
• နျူးထိုင်ပေ မြို့တော်စည်ပင် နျူးထိုင်ပေ စီနီယာအထက်တန်းကျောင်း
• နျူးထိုင်ပေမြို့တော်စည်ပင် စန်းချုံအထက်တန်းကျောင်း
• နျူးထိုင်ပေမြို့တော်စည်ပင် စန်းချွင် စက်မှုကူးသန်း သက်မွေးအတတ်သင် အထက်တန်းကျောင်း

ခရီးသွားများအား ဆွဲဆောင်နိုင်သည့်နေရာများ

ထိုင်ပေတံတားပေါ်မှ တွေ့မြင်ရသည့် မြစ်အလှရှုခင်း

• နျူးထိုင်ပေတံတား
• ရှင်းဆဲ့ဘုရားကျောင်း
• အားချုံကမ်းနားဥယျာဉ်
• အားချုံကြာပွင့်ဥယျာဉ်
• ချုံးယန်တံတား — ကေဘယ်လ်တံတားနှင့် ညအလှရှုခင်း အထင်ကရနေရာ

ဈေးဝယ်ထွက်ရန်နှင့် စားသောက်ရန်နေရာများ

• စန်းဟယ်ညဈေး
• Carrefour ချုံရှင်းဈေးဝယ်စင်တာ
• B&Q သယ်ယူပို့ဆောင်ရေး၊ အိမ်ဆောက်ပစ္စည်း
• IKEAအိမ်တွင်း ပရိဘောဂ အလှဆင်

သယ်ယူပို့ဆောင်ရေး

စန်းချုံအခြေခံပညာကျောင်း ဘူတာ

စန်းချုံ အခြေခံပညာကျောင်းနှင့် စန်းဟယ် ဂျူနီယာအထက်တန်းကျောင်းဘူတာတို့တွင် ထိုင်ပေ မက်ထရို လူကျိုးလိုင်း (လိုင်းအမှတ် ၄) ၊ ထိုင်ပေတံတား၊ ချိုင်လျောင် ၊ စန်းချုံနှင့် ရှန်းဆဲ့ဘုရားကျောင်းဘူတာများတွင် ရှင်းကျွမ်းလိုင်းတို့ ပြေးဆွဲသည်။ စန်းချုံဘူတာအနီးတွင် ထောင်ယွမ် လေဆိပ် အမ်အာတီကို အနာဂတ်တွင် ပြေးဆွဲမည်ဖြစ်သည်။

နေရှင်နယ်အဝေးပြေး အမှတ် ၁ ၊ စီရင်စုအဝေးပြေး အမှတ် ၁ နှင့် အမှတ် ၁ အေ ၊ နှင့် စီရင်စုအဝေးပြေး အမှတ် ၆၄ တို့က ကုန်းကြောင်းပြေးဆွဲလျက်ရှိသည်။ ချုံယန်းတံတား ၊ ထိုင်ပေတံတား ၊ ကျုံးရှောက် တံတား ၊ ကျုံးရှင်းတံတားတို့ဖြင့် ထိုင်ပေမြို့ကို ချိတ်ဆက်ထားသည်။ ရှင်းကျွမ်း ၊ လူကျိုး ၊ ဝူကု နှင့် ပန်းချောင်တို့နှင့်လည်း ဆက်သွယ်ထားသည်။

အောက်ပါကိုလည်း ဖတ်ရှုပါ။

• နျူးထိုင်ပေမြို့

အကိုးအကားများ

• ထိုင်ဝမ်အစိုးရဆေးဝါးကုသဝန်ဆောင်မှုဌာနများ စာရင်း Archived 20 August 2007 at the Wayback Machine.

ပြင်ပချိတ်ဆက်မှုများ

• အစိုးရပင့်ကူအိမ်စာမျက်နှာ (တရုတ်)