ငါးဝဲရောင်

ငါးဝဲရောင်
ထိန်းသိမ်းစောင့်ရှောက်ရေး အဆင့်အတန်း
မသတ်မှတ်ရသေး (IUCN 3.1)
မျိုးရိုးခွဲခြားခြင်း
လောက:	Animalia
မျိုးပေါင်းစု:	Chordata
မျိုးပေါင်း:	Actinopterygii
မျိုးစဉ်:	Perciformes
မျိုးရင်း:	Sciaenidae
မျိုးစု:	Protonibea
မျိုးစိတ်:	P. diacanthus
ဒွိနာမ
Protonibea diacanthus (Lacepède, 1802)

ငါးဝဲရောင် (Protonibea diacanthus) သည် နှာတံပွသော ငါးတမျိုးဖြစ်၍ နှာတံရင်းတွင် အပေါက်ငယ် သုံးခုရှိသည်။ အောက်မေးရိုး အောက်ဘက်တွင် အပေါက်ငယ် ငါးခုရှိသည်။ အမြီး၊ ဆူးတောင်မှာ သပ်နှင့် တူသည်။ ငါးအရောင်မှာ ညိုမှိုင်း၍ ကျောဖက်တွင် ငွေရောင်သန်းကာ ဆူးတောင်များ၌ ရွှေရောင်ရှိသည်။ ရခိုင်နှင့် တနင်္သာရီ ကမ်းရိုးတန်းတွင် တွေ့ရှိရတတ်သည်။

အင်ဒို-ပစိဖိတ်ဒေသ၏ မျိုးရင်းဖြစ်သည်။ တန်ဖိုးကြီး ရေငန်ငါးမျိုးတွင် ပါသည်။ ဆေးဖက်ဝင်သော သူ့အသည်းကို ပင်လယ်ရွှေ ဟုပင် တင်စားကြသည်။ အရှေ့အာရှတွင် တိုင်းရင်းဆေးဖော်ရာတွင် သုံးသည်။ ငါးမျိုးကောင်းထွက်သော နိုင်ငံများမှာ စင်္ကာပူ၊ မလေးရှား၊ အင်ဒိုနီးရှား၊ ဟောင်ကောင်နှင့် ဂျပန်တို့ဖြစ်သည်။

အကြီးဆုံး ဖမ်းမိသည့်အရွယ်မှာ အိန္ဒိယငါးဖမ်းသမားနှစ်ယောက် ဖမ်းမိသည့် အလေးချိန် ကီလို (၃၀) ရှိ ငါးပင် ဖြစ်သည်။ ထိုအရွယ်ငါးထီးမှာ ရူပီး (၄-၅) သိန်း ရနိုင်သည်။ အမဖြစ်လျှင်မူ (၁-၂) သိန်း တန်သည်။ အရွယ်နှင့် အလေးချိန်အပြင် ငါးအသည်းကိုလည်း တကီလိုလျှင် ၅ သိန်းမှ ၆ သိန်းအထိ ရသည်။