ဂျယ်ရီစီ

JerryC
မွေးဖွား	(1981-08-31) ၃၁ ဩဂုတ်၊ ၁၉၈၁ Taipei, Taiwan
အလုပ်အကိုင်	Musician, composer
တက်ကြွလှုပ်ရှားနှစ်များ	2005–present
ဝက်ဘ်ဆိုဒ်	www.jerryc.tw
တရုတ်အမည်
ရိုးရာ တရုတ်	張逸帆
ရိုးရှင်းသော တရုတ်	张逸帆
Transcriptions Standard Mandarin Hanyu Pinyin Zhāng Yìfān
ဂီတခရီးလမ်း
အခြားအမည်များ	Jerry Chang
ဂီတဟန်	C-rock Neo-classical metal Alternative rock
တူရိယာ	Guitar, Piano
တေးသံသွင်း ကုမ္ပဏီ	HIM International Music (2006–present)

ဂျယ်ရီစီ (JerryC) (Chinese: 張逸帆; pinyin: Zhāng Yìfān; born 31 August 1981) သို့မဟုတ် အင်္ဂလိပ်အမည် Jerry Chang သည် ထိုင်ဝမ် ဂီတာတီးသမားနှင့် တေးရေး တစ်ယောက်ဖြစ်သည်။ သူ၏ ကနွန်းရော့ခ် (Canon Rock) ဟုခေါ်သည့် ဂျွန်အန် ပက်ချယ်ဘယ်လ်' ကနွန်း အင် ဒီ အား ရော့ခ်တေးသွားအဖြစ် ပြောင်းလဲဖန်တီးထားခဲ့သောတေးသွားကြောင့် လူသိများကျော်ကြားလေသည်။ သူ၏အသက် ၁၅ နှစ်အရွယ်မတိုင်မီက ပီယာနိုင် နှင့် အသက် ၁၇ နှစ်အရွယ်တွင် ဂီတာကို စတင်တီးခတ်ခဲ့သည်။ သူ့အား ခေတ်ဟောင်းတေးဂီတ၊ နိုယိုကလက်စစ် ဂီတာပညာရှင်များနှင့် အခြား မယ်တယ် ဂီတဝိုင်းများဖြစ်သည့် ‌ဟော်လိုဝင် နှင့် မယ်တယ်လီက၊ ဂျပန်ရော့ခ်တီးဝိုင်းများဖြစ်သည့် ဘီဇ် နှင့် အယ်အာ့ခ် အန် ဇီရာယ် တို့က တီးခတ်မှုစတိုင်များက လွမ်းမိုးချုပ်ကိုင်ထားနိုင်ခဲ့သည်။

ကနွန်းရောခ့်

သူ၏ နာမည်အကြီးဆုံးနှင့် လူကြိုက်အများဆုံးဖြစ်သည့် ကနွန်းရော့ခ် သည် ကိုရီးယားဂီတာပညာရှင် လင်ဂျုံဟွန်း၏ ၂၀၀၅ ခုနှစ်တွင် ပြုလုပ်ခဲ့သည့် ကာဗာတီးခတ်မှုပြီးမှ လူကြိုက်များလာခြင်းဖြစ်သည်။ ယင်းတေးသွားသည် မီဒီယာများအား အာရုံဖမ်းစားနိုင်ခဲ့ပြီး နယူးယော့ခ်တိုင်း သတင်းစာကဲ့သို့သော နာမည်ကြီးသတင်းစာများ၏ ခေါင်းကြီးသတင်းများအဖြစ်ဖော်ပြခံရပြီး ဘလော့ဂ်များ ရုပ်မြင်သံကြားပြပွဲများနှင့် ကမ္ဘာတဝှမ်းရှိ ရေဒီယိုအစီအစဉ်များတွင် ဖော်ပြခြင်းခံရလေသည်။ 2007 ဇန်နဝါရီလထုတ် ဂီတာကမ္ဘာ မဂ္ဂဇင်းတွင် ချမ်း ၏ ကိုယ်ရေးအထုပ္ပတ္တိအားနှင့် သူ၏ ကနွန်းရော့ခ် ဂီတသင်္ကေတများနှင့် တေးသွားအား ဖော်ပြခဲ့ကြသည်။

အောင်မြင်မှု အထွတ်အထိပ်ဖြစ်ချိန်တွင် ကနွန်‌းရော့ခ် တေးဂီတနုတ်သည် Ultimate Guitar Archive တွင် ဒေါင်းလုပ်ပြုလုပ်သည့် ထိပ်ဆုံး နံပါတ် ၁၀ စာရင်းတွင် ပါဝင်ခဲ့ပြီး ယူကျုဘ်တွင် လူကြည့်အများဆုံး ဗီဒီယိုတစ်ခုဖြစ်ခဲ့သည်။ လက်ရှိအချိန် ယူကျုဘ်ပေါ်တွင် ကနွန်းရော့ ကာဗာပြန်လည်တီးခတ်ထားသည့် ဗီဒီယို ထောင်သောင်းမက ရှိသည်။

တေးသံသွင်းစာချုပ်

နောက်ပိုင်းတွင် ချမ်းသည် ထိုင်ဝမ် တေးဂီတထုတ်လုပ်ရေးကုမ္ပဏီတစ်ခုဖြစ်သည့် HIM International Music နှင့် တေးသံသွင်းရေး စာချုပ် ချုပ်ဆိုခဲ့သည်။ ကုမ္ပဏီဘက်မှ တရားဝင် ကြေညာခြင်းမပြုလုပ်ခဲ့သော်လည်း ၂၀၀၇ ခုနှစ်တွင် ချမ်းအတွက် ဝက်ဘ်ဆိုဒ်တစ် စတင်လွင့်တင်ပေးခဲ့သည်။ လပေါင်းများစွာကြာပြီးနောက် ဂျယ်ရီ၏ ပရိသတ်များထံပေးပို့သောစာ၌ သူသည်စာချုပ်အမှန်ချုပ်ဆိုထားပြီး အခြားဂီတပညာရှင်တယောက်ဖြစ်သည့် Tank နှင့်အတူအလုပ်လုပ်နေကြောင်းလူသိရှင်ကြားကြေညာခဲ့သည်။

Canon Rock single

Canon Rock single တွင် "Canon Rock", "Canon Rock backing track", "Dear Mozart" နှင့် "Dear Mozart နောက်ခံတီးလုံး" တို့ပါဝင်သည်။ JerryCတွင် ဖြန့်ဖြူးရေး ကန်ထရိုက်ရရှိမရှိသေးသဖြင့် ယင်း single ကို ထိုင်ဝမ်တွင်သာရရှိနိုင်သည်။