ဂရမ်မီဆု

ဝီကီပီးဒီးယား မှ
ဤနေရာသို့သွားရန် - အ​ညွှန်း​, ရှာဖွေရန်
Grammy Awards
58th Annual Grammy Awards
ဆုပေးအပ်ခြင်းအကြောင်း ဂီတနယ်ပယ်တွင် အမြင့်ဆုံးသော အောင်မြင်မှုပန်းတိုင်
ဆုတံဆိပ်ပေးအပ်သူ National Academy of Recording Arts and Sciences
နိုင်ငံ  အမေရိကန်
ပထမဆုံးဆုတံဆိပ် ၁၉၅၉ ခုနှစ်
ဝက်ဘ်ဆိုဒ် grammy.com
ရိုက်မြင်သံကြား ဖုံးလွှမ်းမှု
ရုပ်သံလိုင်း NBC (၁၉၅၉–၁၉၇၀)
American Broadcasting Company (၁၉၇၁–၁၉၇၂)
CBS (၁၉၇၃–လက်ရှိ)

ဂရမ်မီဆုသည် အမေရိကန် အမျိုးသား တေးသံသွင်း အကယ်ဒမီအဖွဲ့အစည်းမှ တေးဂီတလောကအတွင်း ထူးချွန်ပြောင်မြောက်သူများအား နှစ်စဉ် ချီးမြှင့်ပေးအပ်သည့် ဆုဖြစ်သည်။ ဂရမ်မီဆုကို ၁၉၅၈ ခုနှစ်တွင် စတင်ချီးမြှင့်ခဲ့ပြီး ဆုပေးပွဲ အခမ်းအနားကို ၁၉၅၉ ခုနှစ်မှစ၍ ရုပ်မြင်သံကြားမှ ထုတ်လွှင့်ခဲ့ပြီး ၁၉၇၁ ခုနှစ်မှစကာ အစီအစဉ်ကို တိုက်ရိုက် ထုတ်လွှင့်လာသည်။ ဂရမ်မီဆုသည် ရုပ်ရှင်နယ်ပယ်တွင်ထူးချွန်သော အသိပညာရှင်အတတ်ပညာရှင်များကို ချီးမြှင့်သော အကယ်ဒမီဆု (အော်စကာဆု ဟုလည်းခေါ်ကြသည်)၊ ရုပ်မြင်သံကြားတွင်ထုတ်လွှင့်သော ဇာတ်လမ်းတွဲနှင့် အစီအစဥ်များတွင် ထူးချွန်သူများကို ချီးမြှင့်သော အမ်မီဆု နှင့် ပြဇာတ်၊ သဘင်နှင့် စင်မြင့်ထက်တွင် ထူးချွန်သော ပညာရှင်များကိုချီးမြှင့်သည့် တိုနီဆု များကဲ့သို့ပင် ဂီတလောကတွင်လည်း အမြင့်ဆုံးသော ထူးချွန်ဆုပင်ဖြစ်သည်။

ပထမဦးဆုံးသော ဂရမ်မီဆုချီးမြှင့်ပွဲကို ၁၉၅၉ခုနှစ် မေလ ၄ရက်နေ့တွင် ကျင်းပခဲ့ပြီး ၁၉၅၈ခုနှစ်အတွင်း ထွက်ရှိခဲ့သော သီချင်းနှင့်အယ်လ်ဘမ်များကို ဂုဏ်ပြုချီးမြှင့်ခဲ့သည်။ ဂရမ်မီဆုကိုချီးမြှင့်ပေးအပ်သော NARAS အဖွဲ့ကြီးက ဂရမ်မီဆု၏ဆုစာရင်းများကို ၂၀၁၂ခုနှစ်တွင် အကြီးစားပြင်ဆင်မှုများပြုလုပ်ခဲ့သည်။ ဂရမ်မီဆုချီးမြှင့်ပွဲအခမ်းအနားများတွင် ထိုဆုပေးပွဲတွင် ဆန်ကာတင်ဆုစာရင်းဝင်သောအနုပညာရှင်များ၊ ထိုနှစ်အတွင်း တေးသီချင်းထွက်ရှိထားသော လူကြိုက်များသည့်အဆိုတော်များက တေးသီချင်းများဖြင့် ဖျော်ဖြေလေ့ရှိကြသည်။ ၅၈ကြိမ်မြောက်ဂရမ်မီဆုချီးမြှင့်ပွဲကို ၂၀၁၆ခုနှစ် ဖေဖော်ဝါရီလ ၁၅ရက်နေ့တွင် လော့စ်အိန်ဂျယ်လ်လိစ်မြို့ စတေပယ်လ်ခန်းမ၌ ကျင်းပပြုလုပ်ခဲ့သည်။

ဂရမ်မီဆုသည် NARAS အဖွဲ့ကြီး၏ ဂရမ်မီဆုချီးမြှင့်ရေးအဖွဲ့ဝင်များက မဲပေးရွေးချယ်ထားခြင်းဖြစ်ပြီး တေးသီချင်းနှင့်အယ်လ်ဘမ်များ၏ ရောင်းအားနှင့်မသက်ဆိုင်ပေ။ ဂရမ်မီဆု၏ ၅၈နှစ်တာသမိုင်းကြောင်းတလျှောက်တွင် ဆုအများဆုံးရရှိထားသူမှာ ဆာဂျော့ချ်ဆောလ်တီဖြစ်ပြီး ဂရမ်မီဆု ၃၁ ဆုရရှိထားသည်။ အမျိုးသမီးများတွင် တေးသံရှင် အယ်လ်လီဆန်ကရော့စ်က ၂၇ ဆုဖြင့် အများဆုံးရရှိထားကာ ဂီတအဖွဲ့များတွင် U2 အဖွဲ့က ၂၂ ဆုဖြင့် အများဆုံးရရှိထားသည်။

Wikiletterk.png ဆောင်းပါးအတိုအား ပိုမိုပြီးပြည့်စုံစေရန် ဆက်လက်ရေးသား ဖြည့်စွက်နိုင်ပါသည်။ သင်က ထပ်မံဖြည့်စွက် ရေးသားပြီး ဝီကီပီးဒီးယားကို ကူညီပေးပါ။ ကျေးဇူးတင်ပါသည်။