ခန်းဆောင်နီအိပ်မက်

ဝီကီပီးဒီးယား မှ
Jump to navigation Jump to search
One page of the Jiaxu edition of Dream of the Red Chamber

'ခန်းဆောင်နီအိပ်မက်' သို့မဟုတ် မူလအခေါ် 'ကျောက်ခဲတစ်လုံး၏ ရာဇဝင်' သည် တရုတ်စာပေ၏ ဂုဏ်ယူဖွယ်ရာ တစ်ရပ်ဖြစ်ပြီး ကျော်ကြားလှသော ဂန္တဝင် စာပေ ၄ အုပ်ထဲ မှ တစ်အုပ်ဖြစ်သည်။ ၁၈ရာစု အလယ်ပိုင်း ကျင်းဘုရင်များ ခေတ်က ရေးသားခဲ့ခြင်း ဖြစ်သည်။ ရေးသားသူမှာ ဆောင်ရွှယ်ချင်း (Cao Xueqin - 曹雪芹) ဟု ထင်ရသည်။ ထိုစာရေးဆရာက ဝတ္ထုကို အပြီးသတ် မရေးနိုင်ခဲ့သဖြင့် ကောင်းအဲ့(Gao E - 高鹗) ဆိုသော စာရေးဆရာက ပြီးဆုံးအောင် ဆက်၍ ရေးရသည်။

ဝတ္ထုသွားမှာ ဆောင် မိသားစု ကို အခြေခံထား သည်။ သူ၏ငယ်စဉ်မှ စ၍ ကြုံတွေ့ရသော သူငယ်ချင်းများ၊ ဆွေမျိုးများ၊ အခိုင်းအစေများ စသည့် မြောက်များ လှစွာသော မိန်းမတို့ အကြောင်း ရုပ်ပုံလွှာအဖွဲ့ ဖြစ်သည်။ ထို့ကြောင့် ပထမဆုံးသော မိန်းမဦးစားပေး စာအုပ်ဟု ယူဆနိုင်သည်။ ထို့ပြင် ပထမဆုံးသော ထိုခေတ်နေ့စဉ်သုံး အရပ်စကားဖြင့် ရေးသော စာအုပ်ဟုလည်း ယူဆနိုင်သည်။

ဇာတ်လမ်းအကျဉ်း[ပြင်ဆင်ရန်]

ခန်းဆောင်နီအိပ်မက်မှာ တရုတ်နိုင်ငံ အထက်တန်းစား မိသားစု တစ်စုကို နောက်ခံပြုထားခြင်း ဖြစ်သည်။ ထိုမိသားစုမှ ပေါက်ယု အမည်ရှိ လူငယ်မှာ ထိုဇာတ်လမ်း၏ အဓိက ဇာတ်ဆောင် ဖြစ်သည်။ ပေါက်ယု၏ အမကြီး ဖြစ်သူမှာ ဘုရင့်မိဖုရား အဖြစ် တော်ကောက်ခြင်း ခံရသည်။ ဘုရင့်မိဖုရား အိမ်သို့ ပြန်လည် လည်ပတ်ချိန်တွင် အပန်းဖြေ အနားယူနိုင်ရန် အတွက် သူမ၏ မိသားစုမှ ပန်းခြံကြီး တစ်ခုကို တည်ဆောက်ပေးကြသည်။ မိဖုရား နန်းတော်သို့ ပြန်ကြွသွားချိန်တွင် ထိုပန်းခြံမှာ ပေါက်ယုနှင့် သူ၏ မောင်နှမဝမ်းကွဲများ အသုံးပြုရာ ဖြစ်လာသည်။ ပေါက်ယုတွင် သူ၏ မိဘများက သဘောတူထားသော ပေါက်ကြည်ဆိုသည့် အစ်မဝမ်းကွဲ တစ်ဦး ရှိပြီး ပေါက်ယု နှင့် ဖွင့်မပြောဘဲ ချစ်ကြိုက်နေသော ထိုက်ယု ဆိုသည့် အစ်မဝမ်းကွဲ တစ်ဦးလည်း ရှိသည်။ သူတို့ ၃ ဦးကြားမှ ၃ ပွင့်ဆိုင် အချစ်ဇာတ်လမ်းကို ထိုခေတ်ထိုအခါက ယဉ်ကျေးမှု များကို နောက်ခံပြုပြီး ချယ်မှုန်းပြထားခြင်း ဖြစ်သည်။ ကဗျာလင်္ကာများ အများအပြားပါဝင်ပြီး ဇာတ်လမ်း၏ အစိတ်အပိုင်း အတော်များများမှာ ထိုမိသားစု၏ နိစ္စဓူဝ ကိစ္စများသာလျှင် ဖြစ်သည်။

မြန်မာဘာသာပြန်[ပြင်ဆင်ရန်]

Dreams of Red Mansion ကို စာရေးဆရာ မြသန်းတင့်က ခန်းဆောင်နီ အိပ်မက် ဟူသော အမည်ဖြင့် ဘာသာပြန်ခဲ့ပြီး အားမာန်သစ် စာပေမှ ၉ အုပ်ခွဲ၍ ထုတ်ဝေခဲ့သည်။