ခင်စောတင့်

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
နာဂစ်ခံစားမှု ကဗျာဟောပြောပွဲ၌ တွေ့ရသော စာရေးဆရာမ ခင်စောတင့် (source:http://moemaka.blogspot.com/2010/03/flowers-of-nargis-burmese-poets-rasied.html)

၁၉၃၇ ခုနှစ် ဧပြီလ ၂၀ ရက် အင်္ဂါနေ့တွင် ရန်ကုန်မြို့၌ အဖ ဦးဘတင့် (ICS) နှင့် အမိ ဒေါ်ခင်စောမူ(ခေတ်စမ်းစာပေခေတ် စာဆို) တို့မှ မွေးဖွားခဲ့သည်။ အမည်ရင်းမှာလည်း ဒေါ်ခင်စောတင့် ပင်ဖြစ်သည်။ မွေးချင်း နှစ်ဦးသာရှိပြီး မောင်ဖြစ်သူမှာ ဦးနေအုပ်တင့် (နေအုပ်-စိန်ပေါလ်) ဖြစ်သည်။


ထမ်းဆောင်ခဲ့သည့်တာဝန်များ[ပြင်ဆင်ရန်]

ရန်ကုန်မြို့တွင်ပင် အခြေခံပညာများ သင်ယူကာ ၁၉၆၀ ခုနှစ်တွင် ရန်ကုန်တက္ကသိုလ်မှ မြန်မာ အနုပညာစာပေ၊ အင်္ဂလိပ်စာပေ၊ မနုဿဗေဒ ဘာသာရပ်တွဲများဖြင့် ဝိဇ္ဇာဘွဲ့ ရရှိခဲ့ သည်။ ၁၉၆၄ ခုနှစ်မှ ၁၉၇၆ ခုနှစ်အထိ ရန်ကုန်စက်မှုတက္ကသိုလ် အင်္ဂလိပ်စာဌာနတွင် တာဝန်ထမ်းဆောင်ခဲ့သည်။ ၁၉၇၇ ခုနှစ်မှ ၁၉၈၁ ခုနှစ်အထိ တက္ကသိုလ် စာပေးစာယူ သင်တန်းဌာန၊ အင်္ဂလိပ်စာဌာနတွင် အမှုထမ်းခဲ့သည်။ ၁၉၈၂ ခုနှစ်မှ ၁၉၉၅ ခုနှစ်အထိ ရန်ကုန် ဆေးတက္ကသိုလ် (၁) တွင် အင်္ဂလိပ်စာ ဌာနတွင် တာဝန်ထမ်းဆောင်ခဲ့ကာ ၁၉၉၅ ခုနှစ်တွင် အစိုးရဝန်ထမ်းဘဝမှ အငြိမ်းစားယူခဲ့သည်။

အိမ်ထောင်ရေး[ပြင်ဆင်ရန်]

ခင်ပွန်းဖြစ်သူမှာ စစ်ကိုင်းတိုင်း မြင်းမူ ဇာတိ အင်ဂျင်နီယာ ဦးမြစိန် ဖြစ်ပြီး သားသမီး လေးဦး ထွန်းကားခဲ့သည်။

ဆရာမကြီး ရေးသားခဲ့သည့် ကျော်ကြားသော စာအုပ်များ အနက်မှ “အမေဆောက်ခဲ့သော ရဲတိုက်ကြီးများ” အမည်ရှိ ဆောင်းပါးများ စုစည်းမှု စာအုပ်

ရေးသားခဲ့သည့်ဆောင်းပါးများ[ပြင်ဆင်ရန်]

ယနေ့ထွက်ရှိနေသော ဂျာနယ် မဂ္ဂဇင်း စာစောင်များတွင် ဘာသာရေး လူမှုရေးဆိုင်ရာ ဆောင်းပါးများကို ပင်ကိုယ်ရေးရော ဘာသာပြန်များပါ ရေးသားနေဆဲဖြစ်သည်။

ဆရာမ ဒေါ်ခင်စောတင့်[၁]သည် ကိုယ်မှာပင် နာသော်လည်း စိတ်မှာ မနာရအောင် (ဘာသာရေး ဆောင်းပါးများ၊ ယူနတီစာပေတိုက်ထုတ် ၂၀၀၀ ပြည့်နှစ်)၊ မိခင်ဖြစ်သူ ဒေါ်ခင်စောမူနှင့် တွဲဖက်၍ အမေ့ခေတ်စမ်းစာနှင့် သမီး၏အလွမ်းစာ (ယူနတီ စာပေတိုက်ထုတ်၊ ၂၀၀၀ ပြည့်နှစ်)၊ အမေဆောက်ခဲ့သော ရဲတိုက်ကြီးများ (ဘာသာပြန် ဆောင်းပါးများ၊ အိပ်မက်ရိပ် စာပေတိုက်ထုတ်၊ ၂၀၀၁ ခုနှစ်)၊ လမင်းပမာ အေးမြစွာ (ယူနတီ စာပေတိုက်ထုတ်၊ ၂၀၀၂ ခုနှစ်)၊ သာသနာ့ အာဇာနည် ရွှေပါရမီ စိတ်၏ အေးငြိမ်းရာ (အိပ်မက်ရိပ်စာအုပ်တိုက်ထုတ်၊ ၂၀၀၄ ခုနှစ်)၊ စွန့်စားမှုဆီသို့ ခြေတစ်လှမ်းနှင့် အတွေးအမြင် စာစုများ (ဖူးပွင့်ဝေဝေ စာအုပ်တိုက်ထုတ်၊ ၂၀၀၅ ခုနှစ်)၊ ပျော်ရွွှင်ချမ်းမြေ့သော ဘဝနှင့် အချိန်ကပေးသော လက်ဆောင် (အိပ်မက်ရိပ် စာပေ၊ ၂၀၀၃ ခုနှစ်)၊ စိတ်ကွန်းခိုရာ (မျိုးဆက်သစ်စာပေ၊ ဒုတိယအကြိမ်ထုတ်။ ၂၀၁၀ ပြည့်နှစ်) စာအုပ်များ ရေးသားခဲ့သည်။

လက်ရှိနေထိုင်ရာနေရပ်[ပြင်ဆင်ရန်]

ဆရာမ ဒေါ်ခင်စောတင့်သည် ယခုအခါ ရန်ကုန်တိုင်း ဗဟန်းမြို့နယ်၊ အမှတ် ၉၁ H 1၊ သံလွင်လမ်းတွင် နေထိုင်လျှက် ရှိသည်။

ရည်ညွှန်းကိုးကား[ပြင်ဆင်ရန်]

  1. The Flowers of Nargis - Burmese Poets rasied fund to help Nargis Victims with their Poems