ကျော်ကိုကို

ဝီကီပီးဒီးယား မှ
Jump to navigation Jump to search
ကျော်ကိုကို
ကိုယ်ရေးအချက်အလက်များ
အရပ်အမြင့် ၁.၇၃ မီတာ (၅ ပေ ၈ လက်မ)
ကစားသည့်နေရာ ရှေ့တန်း တိုက်စစ်မှူး
ကလပ်နှင့်သက်ဆိုင်သောအချက်အလက်များ
လက်ရှိအသင်း
ဇေယျာရွှေမြေ
အင်္ကျီနံပါတ် ၁၀
လူငယ်ဘဝကလပ်များ
ဇေယျာရွှေမြေ
အကြီးတန်း ကစားသမား*
ခုနှစ် အသင်း ပွဲ (သွင်းဂိုး)
၂၀၀၉- ဇေယျာရွှေမြေ > ၃၀ (၂၃)
နိုင်ငံကိုယ်စားပြုအသင်း
၂၀၁၀ - မြန်မာလက်ရွေးစင် ၅၁ (၁၆)

* ဂိုးအရေအတွက်ကို ကလပ်အသင်းကြီး ကစားခြင်းနှင့် ပြည်တွင်းလိဂ်အတွက်သာ ရေတွက်သည်။

† ကစားသည့် ပွဲအရေအတွက် (သွင်းဂိုး)

ကျော်ကိုကို (၂၀ရက် ဒီဇင်ဘာလ၊ ၁၉၉၂ မွေးဖွား) သည် မြန်မာလက်ရွေးစင်ဘောလုံးအသင်းနှင့် ဇေယျာရွှေမြေ ဘောလုံးကလပ်တို့မှ ရှေ့တန်းတိုက်စစ်မှူးတစ်ဦးဖြစ်သည်။ မြန်မာနိုင်ငံ၏ အလားအလာအကောင်းဆုံး ဘောလုံးကစားသမားဖြစ်သည်။

အစောပိုင်းဘဝ[ပြင်ဆင်ရန်]

ကျော်ကိုကို ကို ဒီဇင်ဘာလ၊ ၁၉၉၂ ခုနှစ်တွင် အမရပူရမြို့မန္တလေးတိုင်းတွင် မွေးဖွားခဲ့သည်။ ကျော်ကိုကိုသည် အသက် ၁၃နှစ်အရွယ်တွင် မန္တလေး အားကစားနှင့် ကာယသိပ္ပံ တွင် သင်ကြားခဲ့ပြီး ၂၀၀၉ခုနှစ်တွင် ဇေယျာရွှေမြေအသင်းသို့ ပြောင်းရွှေ့ခဲ့သည်။ သူသည် ဇေယျာရွှေမြေ အသင်းတွင် ၂၀၀၉ခုနှစ် မြန်မာနေရှင်နယ်လိဂ်စတင်ချိန် အသက် ၁၇နှစ် အရွယ်ထဲမှ ကစားခဲ့သူဖြစ်သည်။

ကစားသမားဘဝ[ပြင်ဆင်ရန်]

၂၀၀၉ - ၁၀ ဘောလုံးရာသီတွင် ကျော်ကိုကိုသည် မြန်မာနေရှင်နယ်လိဂ်၌ ခြေစွမ်းပြ၍ အသက် ၁၈နှစ်အရွယ်တွင် မြန်မာ့လက်ရွေးစင်နှင့် ကမ္ဘာ့ဖလားခြေစစ်ပွဲဝင်ကန်ခဲ့ရသည်။ ခြေစစ်ပွဲမအောင်မြင်ခဲ့ပေ။ ထို့နောက် ၂၀၁၁ ဆီးဂိမ်းပြိုင်ပွဲ၌ မြန်မာ ယူ-၂၃ အသင်းနှင့် အတူလိုက်ပါပြီး မြန်မာ အသင်းကို ကြေးတံဆိပ်(တတိယ) ရအောင် စွမ်းဆောင်ပေးနိုင်ခဲ့သည်။ သူသည် အဆိုပါ ပြိုင်ပွဲ၌ ၅ဂိုးသွင်းယူနိုင်ခဲ့သည်။ အဆိုပါဂိုးများမှာ လာအိုဘက်သို့ တစ်ဂိုး၊ ဘရူနိုင်း ဘက်သို့ တစ်ဂိုး၊ ဖိလစ်ပိုင်သို့ ၂ဂိုးတို့နှင့် ကြေးတံဆိပ်ဆုလုပွဲတွင် ဗီယက်နမ် အသင်းဘက်သို့ မြန်မာအသင်းအတွက် တတိယနေရာသေချာစေခဲ့သော တစ်ဂိုးတို့ ဖြစ်ကြသည်။ ထိုပြိုင်ပွဲအပြီးတွင် ကျော်ကိုကိုသည် Goal.com မှ ရွေးချယ်သော အရှေ့တောင် အာရှအကောင်းဆုံး လူငယ် ဘောလုံးသမား ၁၀ဦး စာရင်း၌ ပါဝင်လာခဲ့သည်။ ထို့အပြင် ဒီဇင်ဘာလ ၁၅ရက်နေ့၊ ၂၀၁၁ ခုနှစ်တွင် ကျော်ကိုကိုသည် မြန်မာဘောလုံးအဖွဲ့ချုပ်မှ ချီးမြှင့်သော မြန်မာနိုင်ငံ၏ တစ်နှစ်တာ အကောင်းဆုံး ဘောလုံးသမားဆုကို ဧရာဝတီ ဂိုးသမား သီဟစည်သူနှင့် ရန်ကုန်အလယ်တန်းလူ ရန်မျိုးအောင် တို့ကို ကျော်ဖြတ်၍ ဆွတ်ခူးခဲ့သည်။ ဖေဖေါ်ဝါရီ လ ၂၈ရက်၊ ၂၀၁၂ ခုနှစ်တွင် မြန်မာ ယူ-၂၁ အသင်းသည် အင်ဒိုနီးရှား အသင်းနှင့် ယှဉ်ပြိုင်ကစားရာ ပထမပိုင်းအပြီး တွင် မြန်မာအသင်း ၀-၁ ဖြင့် ရှုံးနေပြီး ဒုတိယပိုင်းတွင် ကျော်ကိုကိုအား ထည့်သွင်းကစားရာ ကျော်ကိုကို အထူးခြေစွမ်းပြ၍ အင်ဒိုနီးရှားအား ပွဲအပြီးတွင် ၃-၁ဖြင့်အနိုင်ရရှိခဲ့သည်။ ထိုပွဲတွင် ကျော်ကိုကိုသည် ကိုယ်တိုင် ၁၀မိနစ်အတွင်း နှစ်ဂိုးသွင်းယူခဲ့သည်။ လက်ရှိတွင် မြန်မာနိုင်ငံ၏ ကြောက်စရာ အကောင်းဆုံး တိုက်စစ်မှူး အဖြစ် အရှေ့တောင်အာရှမှ အိမ်နီးချင်းနိုင်ငံများက သတ်မှတ်ခြင်းခံထားရသည်။

အပြောင်းအရွေ့ ကောလဟာလများ[ပြင်ဆင်ရန်]

၂၀၁၂ ဇန်နဝါရီလ အတွင်းတွင် နုရင်ဘတ်အသင်းမှ ဒေါ်လာ ၀.၅ မီလီယံဖြင့် ကျော်ကိုကိုအား ခေါ်ယူမည်ဟု ဆိုသော ကောလာဟလ အသင်းအချို့ထွက်ခဲ့သေးသည်။ ထို့အပြင် ပရီးမီးယားလိဂ်ကလပ် ကွင်းပါ့ခ်ရိန်းဂျား အသင်းမှာလည်း ကျော်ကိုကို၏ ဂိုးသွင်းယူမှုများအား ယူကျူ့ပေါ်တွင် ကြည့်ရှုပြီး စိတ်ဝင်စားနေသေးသည်ဟု မြန်မာအွန်လိုင်း ဘောလုံးဂျာနယ် ဆော်ကာမြန်မာမှ ရေးသားခဲ့သည်။

နိုင်ငံအသင်းနှင့်ရရှိခဲ့သောဆုများ[ပြင်ဆင်ရန်]

  • ၂၀၁၁ ဆီးဂိမ်း (တတိယ)

တစ်ဦးချင်း ဆုများ[ပြင်ဆင်ရန်]

  • မြန်မာနိုင်ငံ၏ အကောင်းဆုံးဘောလုံးသမားဆု (၂၀၁၁)