ကီတုန်းဆက်စပ်အက်ဆစ်ဓာတ်များခြင်း

ဝီကီပီးဒီးယား မှ
Jump to navigation Jump to search

Ketoacidosis ကို ကီတုန်းဆက်စပ် အက်ဆ်ဓာတ်များခြင်းဟု ဘာသာပြန်ဆိုပါသည်။ ကီတုန်းဆက်စပ် အက်ဆစ်ဓာတ်များခြင်းသည် ဆီးချိုရောဂါကြောင့် နောက်ဆက်တွဲ ခံစားရခြင်း ဖြစ်သည်။ ကိုယ်ခန္ဓာအတွင်း အင်ဆူလင် မရှိသလောက် နည်းပါးသွားသော အခြေအနေနှင့် အင်ဆူလင်နှင့် ပြောင်းပြန်အစွမ်းသတ္တိရှိသော ဟိုမုန်းများ ထွက်လာသည့် အခြေအနေတွင် ကီတုန်းဆက်စပ် အက်ဆစ်ဓာတ်များခြင်း (ဒီကေအေ) ကို ဖြစ်စေသည်။ ဆီးချိုအမျိုးအစား-၁ တွင် ပိုမို အဖြစ်များသည်။ ဆီးချိုအမျိုးအစား-၂ တွင် အချို့အခြေအနေများတွင် ဖြစ်နိုင်သည်။

ကီတုန်းပစ္စည်းထုတ်လုပ်မှု[ပြင်ဆင်ရန်]

အင်ဆူလင်းနည်းသောအခါတွင် အသည်းမှ ကီတုန်းပစ္စည်း (ketone bodies) များကို ထုတ်လုပ်သည်။ ကီတုန်းပစ္စည်းသည် အဆီ၏ ဖြိုခွဲရာမှ ဖြစ်ပေါ်လာသော ဘေးထွက်ပစ္စည်းတစ်ခု ဖြစ်သည်။ အစပိုင်း၌ ကီတုန်းပစ္စည်းများ ထွက်ပေါ်လာခြင်း ကီတို့စစ် (ketosis) အဆင့်မျှသာ ရှိသေးရာ ဤအဆင့်မှာ အန္တရာယ် မရှိသေးပါ။ သို့သော် အများအပြား ထွက်လာသော အခါ သွေးအတွင်း အက်ဆစ်ဓာတ်ကို များစေသည်။ ဤအဆင့်ကိုမှ ကီတုန်းဆက်စပ် အက်ဆစ်ဓာတ်များခြင်းဟု ခေါ်သည်။


ရောဂါလက္ခဏာများ[ပြင်ဆင်ရန်]

  • ကယောင်ကတမ်းဖြစ်ခြင်း
  • ဗိုက်နာဗိုက်အောင့်ခြင်း
  • အစားအသောက်ပျက်ခြင်း
  • တုပ်ကွေးမိသကဲ့သို့ ဖြစ်ခြင်း
  • မလှုပ်ချင်မရှားချင်ခြင်း
  • အားကုန်ခမ်းခြင်း
  • လေငတ်သလို ရှိုက်ရှိုက်ပြီး ရှူခြင်း (အသက်ရှူမဝခြင်း)
  • သတိလစ် -ကိုမာဖြစ်ခြင်း
  • သေဆုံးခြင်း

ကုသမှု[ပြင်ဆင်ရန်]

ရေဓာတ်ပြန်လည် ဖြည့်တင်းပေးပြီး အင်ဆူလင်ပါ တွဲပေးရမည်။ လူနာသည် အရေးပေါ်ဌာနတွင် အင်ဆူလင်၊ ဂလူးကို့စ် နှင့် အရည်ဖြည့်သွင်းပေးခြင်း စသည့် ကုသမှုမျိုး ခံယူရန် လိုအပ်သည်။