Unicode

Personal Computer Magazine မှ ကူးယူဖော်ပြသည်။

Unicode ဆိုသည်မှာ နိုင်ငံနှင့် လူမျိုးတိုင်းတွင် အသုံးပြုလျက် ရှိသော အက္ခရာ စာလုံးများအတွက်ဖြစ်သည်။ မည်သည့် paltform တွင်ဖြစ် ၊ မည်သည့် program တွင်ဖြစ်စေ ၊ မည်သည့် ဘာသာစကားတွင်ဖြစ်စေ သီးခြားသတ်မှတ်ပေးထားသည့် နံပါတ်များဖြစ်သည်။

Unicode ဆိုသည်မှာ ကမ္ဘာ သုံး ဘာသာစကားအားလုံးမှ အက္ခရာစာလုံး တစ်လုံးတိုင်းအတွက် တိကျသော နံပါတ်တစ်လုံးတည်းသာ သတ်မှတ်ပေးသော ဘုံသုံးစနစ် ဟူ၍လည်း ဆိုကြသည်။ Unicode ဖြင့် ဘာသာစကားပေါင်း များစွာကို Font တစ်ခုတည်းတွင် ထည့်သွင်းနိုင်ပြီး မည်သည့် Computer စနစ်တွင်မဆို အသုံးပြုနိုင်ရမည် ဖြစ်ပေသည်။

Computer သည် ကိန်းဂဏန်းများကိုသာ သိသည်ဟု ယေဘုယျအားဖြင့် ပြောနိုင်သည်။ Computer တွင် ဖတ်မှတ်ခြင်း ၊ သိမ်းဆည်းခြင်းများကို ကိန်းဂဏန်းများဖြင့်သာ ပြုလုပ်နိုင်သည်။ Unicode ကို မတီထွင်မီက ကိန်းဂဏန်းတစ်ခုကို သိရှိနိုင်ရန် အတွက် လျှို့ဝှက်ကိန်းစနစ်များစွာကို အသုံးပြုကြရသည်။ ဘာသာစကားတစ်ခုအတွက် ပြည့်စုံလုံလောက်သည့် encoding စနစ်မှား မရှိပေ။

Unicode ဆိုသည်မှာ Universal Character Encoding ဖြစ်သည်။ Unicode Consortium ခေါ် NGO အဖွဲ့အစည်းမှ တစ်ကဘ္မာလုံးရှိ ဘာသာစကားများကို သိမ်းဆည်းနိုင်ရန် ၊ စာသားများ ဖလှယ်ရန် တီထွင်ထားသော 16-bit character codte set standard ဖြစ်သည်။ ISO (International Organization for Standardization) က ယင်းကို ISO-10646 ဟုသတ်မှတ်ပေးထားသည်။

ယခင်က ASCII code ပေါ်တွင် မြန်မာစာကို encode လုပ်၍ အသုံးပြုခဲ့ကြသည်။ English Character set ကိုယာယီ ငှားသုံးခဲ့ကြခြင်း ဖြစ်သည်။ ဥပမာ မြန်မာစာ 'က' သည် English အက္ခရာ (ASCII code point 117) ပေါ်တွင် encode လုပ်ထားခြင်း ဖြစ်သည်။ သို့သော် Unicode တွင် က နှင့် u သည် အက္ခရာ တစ်ခုစီကွဲခြားနေသည်။ Computer က စံတစ်ခုကို သိလာမှသာ တစ်ကမ္ဘာလုံး မည်သည့် Computer ကမဆို မြန်မာစာကို နားလည်လာပါမည်။ Computer က လက်ခံနိုင်သည့် စံဆိုသည်မှာ ကကြီးကို U+1000 နှင့် ခခွေးကို U+1001 အဖြစ် code အနေဖြင့် ပုံသေသတ်မှတ်ပေးရပါလိမ့်မည်။ သတ်မှတ်ရုံသာမက တစ်ကမ္ဘာ လုံးရှိ software developer များသိစေရန်နှင့် တစ်ပြေးညီ အသုံးပြုနိုင်စေရန် သတ်မှတ်ပြီး ကြေညာထားကြရပါလိမ့်မည်။ ထိုသို့ သတ်မှတ်ကြေညာမှုကို ISO က စံထားပြီး သတ်မှတ်ပေးသည်။