သိန္နီဟော်နန်း

သိန္နီဟော်နန်း
အထွေထွေ အချက်အလက်များ
လိပ်စာ	သိန္နီမြို့၊ ရှမ်းပြည်နယ်၊ မြန်မာနိုင်ငံ
ကိုဩဒိနိတ်	23.299°N 97.963°E / 23.299; 97.963
ပြီးစီး	၁၉၁၁

သိန္နီဟော်နန်း သို့မဟုတ် သိန္နီဟော် (ရှမ်း: ႁေႃသႅၼ်ဝီ) သည် သိန္နီနယ်ကို အုပ်ချုပ်ခဲ့သော စော်ဘွားများ နေထိုင်ခဲ့သော အဆောက်အဦး ဖြစ်သည်။

သမိုင်းကြောင်း

သိန္နီဟော်နန်းကို ၁၉၁၀ ခုနှစ်တွင် သိန္နီနယ် စော်ဘွား ခွန်ဆန်တုန်ဟုန်း က စတင်ဆောက်လုပ်ခဲ့ပြီး မန္တလေးနန်းတော်၏ ဒီဇိုင်းကို အခြေခံ ဆောက်လုပ်ခဲ့သည်။ စောဝ်နန်းဟိန်ခမ်ကို ၁၉၁၆ ခုနှစ်တွင် သိန္နီဟော်၌ မွေးဖွားခဲ့သည်။ ဒုတိယကမ္ဘာစစ်ကာလ ၁၉၄၄ ခုနှစ် ဧပြီလတွင် လေကြောင်းဗုံးကြဲမှုများကြောင့် ဟော်နန်းမှာ ပျက်စီးခဲ့သည်။

၁၉၆၂ မြန်မာနိုင်ငံစစ်အာဏာသိမ်းခံရပြီးနောက်တွင် ဟော်နန်းနေရာအား စစ်အခြေစိုက်စခန်းအဖြစ် အသုံးပြုခဲ့သည်။ ၁၉၈၁ ခုနှစ်တွင် ဟော်နန်း၏ ပိုင်ဆိုင်မှုအား သိန္နီ ရှမ်းစာပေနှင့် ယဉ်ကျေးမှုကော်မတီသို့ လွှဲပြောင်းခဲ့သည်။

သိန္နီဟော်နန်း ပုံစံတူ ပြန်လည်ဆောက်လုပ်မည်ဟု မြန်မာအစိုးရက ၂၀၁၇ ခုနှစ် ဖေဖော်ဝါရီလတွင် ကြေညာခဲ့သည်။ ၂၀၁၉ ခုနှစ် ဒီဇင်ဘာလ ၅ ရက်နေ့တွင် ယခင်ဟော်နန်းဟောင်း၏ ဘယ်ဖက် ၆၃ ပေ (၁၉ မီတာ) အကွာတွင် ဆောက်လုပ်ရေးလုပ်ငန်းများ စတင်ခဲ့သည်။ ပန္နက်ရိုက်ခြင်းကို ၂၀၂၀ ပြည့်နှစ် ဒီဇင်ဘာလ ၅ ရက်နေ့တွင် ပြုလုပ်ခဲ့ပြီး ၂၀၂၃ ခုနှစ် ဧပြီလ ၁၁ ရက်နေ့တွင် ပြတိုက်အဖြစ် ဖွင့်လှစ်ခဲ့သည်။