ကိမတ္ထိယသုတ်
ပိဋကတ် သုံးပုံ |
---|
ဝိနယပိဋက |
သုတ္တန်ပိဋကတ် |
အဘိဓမ္မာပိဋကတ် |
(၄)သုတ် ရှိပါသည်။
[၁] အရှင်သာရိပုတ္တရာ မဂဓဇနပုဒ် နာဠကရွာ၌ သီတင်းသုံးနေတော်မူစဉ် ဇမ္ဗုခါဒကပရိဗိုဇ်၏ မေးလျှောက်ချက်အရ -မြတ်စွာဘုရား၏ အထံတော်၌ ဒုက္ခကို ပိုင်းခြား၍ သိနိုင်ရန် ဗြဟ္မစရိယကို ကျင့်နေကြောင်း၊ ဒုက္ခကို ပိုင်းခြား၍ သိနိုင်သောမဂ္ဂနှင့် ပဋိပဒါသည် အဋ္ဌင်္ဂိက အရိယမဂ်ဖြစ်ကြောင်း ဖြေကြားသောအားဖြင့် ဟောတော်မူသည့်သုတ်။
[၂] အထက်သုတ်ဒေသနာတော်အတိုင်း ဘုရားရှင်က ရဟန်းတို့၏ မေးလျှောက် ချက်ကို ဖြေကြားသောအားဖြင့် ဟောတော်မူသည့်သုတ်။
[၃] ဘုရားရှင် ကောသလနိုင်ငံ သာဝတ္ထိမြို့ ဇေတဝန်ကျောင်းတော်၌ သီတင်းသုံး နေတော်မူစဉ် အရှင်အာနန္ဒာ၏ မေးလျှောက်ချက်အရ -
“ကုသိုလ်သီလ၏ အကျိုးအာနိသင်သည် အဝိပ္ပဋိသာရဖြစ်ပုံ၊ အဝိပ္ပဋိသာရ၏ အကျိုးအာနိသင်သည် ပါမောဇ္ဇဖြစ်ပုံ၊ ပါမောဇ္ဇ၏ အကျိုးအာနိသင်သည် ပီတိဖြစ်ပုံ၊ ပီတိ၏ အကျိုးအာနိသင်သည် ပဿဒ္ဓိဖြစ်ပုံ၊ ပဿဒ္ဓိ၏ အကျိုးအာနိသင်သည် သုခ ဖြစ်ပုံ၊ သုခ၏ အကျိုးအာနိသင်သည် သမာဓိဖြစ်ပုံ၊ သမာဓိ၏ အကျိုးအာနိသင်သည် ယထာဘူတဉာဏဒဿနဖြစ်ပုံ၊ ယထာဘူတဉာဏဒဿန၏ အကျိုးအာနိသင်သည် နိဗ္ဗိဒါဝိရာဂဖြစ်ပုံ၊ နိဗ္ဗိဒါဝိရာဂ၏ အကျိုးအာနိသင်သည် ဝိမုတ္တိဉာဏဒဿနဖြစ်ပုံတို့ကို ဖြေကြားတော်မူပြီး ကုသိုလ်သီလတို့သည် အစဉ်အားဖြင့် အရဟတ္တဖိုလ်အကျိုးငှာ ဖြစ်ကုန်၏-ဟု ဟောတော်မူသည့်သုတ်။
[၄] အထက်ပါ သုတ်ဒေသနာတော်အတိုင်း အရှင်အာနန္ဒာ၏ မေးလျှောက်မှုကို ဖြေကြားတော်မူသည့်သုတ်။
အထက်သုတ်၌ “နိဗ္ဗိဒါနှင့် “ဝိရာဂတို့ကို ပေါင်း၍ ဟောတော်မူသည်၊ ဤသုတ်၌ “နိဗ္ဗိဒါနှင့် “ဝိရာဂ”တို့ကို တစ်ပါးစီ ခွဲ၍ ဟောတော်မူ သည်သာထူးသည်။ [၅]
ကိုးကား[ပြင်ဆင်ရန်]
- ↑ -သံ၊၂၊၄၄၉။ သံ၊မြန်၊၂၊၄၄၄-၅။ -သံယုတ္တနိကာယ၊ သဠာယတနဝဂ္ဂသံယုတ္တ၊ ၄-ဇမ္ဗုခါဒကသံယုတ္တ၊ စတုတ္ထသုတ်။
- ↑ -သံ၊၃၊၆။ သံ၊မြန်၊၃၊၆-၇။ -သံယုတ္တနိကာယ၊ မဟာဝဂ္ဂသံယုတ္တ၊ ၁-မဂ္ဂသံယုတ္တ၊ ၁-အဝိဇ္ဇာဝဂ္ဂ၊ ပဉ္စမသုတ်။
- ↑ -အံ၊၃၊၂၅၇။ အံ၊မြန်၊၃၊၂၅၇-၉။ အံ၊ဋ္ဌ၊၃၊၂၈၇။ အံ၊ဋီ၊၃၊၃၀၅။ -အင်္ဂုတ္တရနိကာယ၊ ဒသကနိပါတ၊ ပဌမပဏ္ဏာသက၊ ၁-အာနိသံသဝဂ္ဂ၊ ပဌမသုတ်။
- ↑ -အံ၊၃၊၅၁၅-၆။ အံ၊မြန်၊၃၊၅၀၃-၅။ -အင်္ဂုတ္တရနိကာယ၊ ဧကာဒသကနိပါတ၊ ၁-နိဿဂ္ဂိယဝဂ္ဂ၊ ပဌမသုတ်။
- ↑ ပခုက္ကူမြို့ မဟာဝိသုတာရာမတိုက်၊ သာသနဓဇ သိရီပဝရ ဓမ္မာစရိယ၊ B.A (ဝိဇ္ဇာဂုဏ်ထူး-သီရိလင်္ကာ)၊ အဂ္ဂမဟာပဏ္ဍိတ ဘဒ္ဒန္တ ကေလာသမဟာထေရ် တိပိဋကသူစိကျမ်း နှင့် နိုင်ငံတော်ပရိယတ္တိသာသနာ့ တက္ကသိုလ် (ရန်ကုန်) ဒုတိယပါမောက္ခချုပ်၊ အဂ္ဂမဟာပဏ္ဍိတ ဘဒ္ဒန္တကုမာရထေရ် တိပိဋက သုတ္တသူစိ ဝိဘာဝိနီ