ရိုက်တာ

Reuters

လန်ဒန်မြို့၊ ကနေရီဝါ့ဖ်နယ်မြေရှိ ရိုက်တာအဆောက်အဦ
အမျိုးအစား	တစ်သီးပုဂ္ဂလစီးပွားရေး
လုပ်ငန်း	သတင်းဌာန
တည်ထောင်သည့်နှစ်	အောက်တိုဘာ ၁၈၅၁ (၁၈၅၁-၁၀)
တည်ထောင်သူများ	ပေါလ် ဂျူးလိယပ်စ် ရွိုက်တာ
ဌာနချုပ်	ယူနိုက်တက်ကင်းဒမ်း၊ လန်ဒန်မြို့၊ ကနေရီဝါ့ဖ်
ဝန်ဆောင်မှု ဧရိယာ	ကမ္ဘာအနှံ့
အရေးပါ ပုဂ္ဂိုလ်များ	Michael Friedenberg(ဥက္ကဋ္ဌ) Stephen J. Adler (အယ်ဒီတာချုပ်)
မိခင်ကုမ္ပဏီ	တောမ်ဆန် ရွိုက်တာဇ်
ဝက်ဘ်ဆိုက်	reuters.com

ရိုက်တာသတင်းဌာနကို စတင်တည်ထောင်သူ ပေါလ် ရွိုက်တာ (၁၈၆၅ ခန့်က ရိုက်ကူးထားသောပုံ)

ရိုက်တာ (အင်္ဂလိပ်: Reuters; (/ˈrɔɪtərz/ ( ); /ရွိုက်တာဇ်/) သည် ကနေဒါအခြေစိုက် တောမ်ဆန် ရွိုက်တာဇ် ကော်ပိုရေးရှင်းက (Thomson Reuters) ပိုင်ဆိုင်သော သတင်းဌာနတစ်ခုဖြစ်သည်။ သတင်းဌာနတွင် သတင်းထောက် ၂,၅၀၀ ခန့်နှင့် ဓာတ်ပုံသတင်းထောက် ၆၀၀ ခန့်ရှိ၍ ကမ္ဘာအနှံ့ နေရာဒေသပေါင်း ၂၀၀ ကျော်၌ သတင်းရယူနေသော အဖွဲ့အစည်းတစ်ခုဖြစ်၏ ။ ရိုက်တာသတင်းဌာနသည် ကမ္ဘာပေါ်၌ အကြီးဆုံးသောသတင်းဌာနများအနက်တစ်ခုလည်းဖြစ်ပေသည်။

၁၈၅၁ ခုနှစ် လန်ဒန်မြို့တွင် ဂျာမန်ဖွား ပေါလ် ရွိုက်တာက သတင်တည်ထောင်ခဲ့ကာ ထို့နောက် တောမ်ဆန် ကော်ပိုရေးရှင်းက ၂၀၀၈ တွင် ရယူခဲ့ပြီး ယခု၌မူ တောမ်ဆန် ရွိုက်တာ၏ မီဒီယာအခွဲတစ်ခုလည်းဖြစ်သည်။

မြန်မာသတင်းထောက်များ

၂၀၁၈ ခုနှစ်တွင် ရိုဟင်ဂျာရွာတစ်ရွာ၌ ဖြစ်ပွားခဲ့သော လူသတ်ပွဲအား စုံစမ်းစစ်ဆေးနေစဉ် နိုင်ငံတော်လျှို့ဝှက်ချက်များကို ရယူခဲ့သည်ဟုဆိုကာ ရိုက်တာသတင်းထောက်နှစ်ဦး ကိုဝလုံးနှင့် ကိုကျော်စိုးဦးကို ထောင်ဒဏ် (၇) နှစ်စီ ပြစ်ဒဏ်ချမှတ်ခဲ့သည်။ ၎င်းတို့၏ ဖမ်းဆီးခံရမှုနှင့် ပြစ်ဒဏ်ချမှတ်ခံရမှုတို့ကို သတင်းလွတ်လပ်ခွင့်အပေါ် တိုက်ခိုက်မှုအဖြစ် ကျယ်ကျယ်ပြန့်ပြန့် ရှုတ်ချခဲ့ကြသည်။ သတင်းထောက်များဖြစ်သည့် ဝလုံးနှင့် ကျော်စိုးဦးတို့သည် Foreign Press Association Media Award နှင့် Pulitzer Prize for International Reporting အပါအဝင် ဆုများစွာကို ရရှိခဲ့ကြပြီး ၂၀၁၈ ခုနှစ်အတွက် Time Person of the Year အဖြစ် အခြားသော ဖိနှိပ်ခံသတင်းထောက်များနှင့်အတူ ရွေးချယ်ခံခဲ့ရသည်။ . ထောင်ထဲတွင် ၅၁၁ ရက်ကြာနေထိုင်ပြီးနောက် ကိုဝလုံးနှင့် ကိုကျော်စိုးဦးတို့သည် နိုင်ငံတော်သမ္မတ ဦးဝင်းမြင့်၏ လွတ်ငြိမ်းချမ်းသာခွင့်ဖြင့် ၂၀၁၉ ခုနှစ် မေလ ၇ ရက်နေ့တွင် ပြန်လည်လွတ်မြောက်လာခဲ့သည်။