ကြွေကျောက်
ကြွေကျောက် (Feldspar) သည် ကမ္ဘာ့နေရာ အတော်များများတွင် တွေ့ရှိရသည့် တွင်းထွက်အမျိုးအစား ဖြစ်သည်။ အလှဆင်ပစ္စည်းများအဖြစ် အသုံများပါသည်။
ဓါတုဖွဲ့စည်းမှု
ကြွေကျောက်သည် ပိုတက်စီယံ၊ ဆိုဒီယံ၊ ကယ်လ်စီယံ၊ ဗေရီယံ၊ အလူမီနီယံ များဖြင့် ပေါင်းစပ်ဖွဲ့သည့် ဆီလီကိတ်ဒြပ်ပေါင်းစုကြီး ဖြစ်သည်။ ပုံဆောင်စနစ်မှာ တစ်ရိုးစောင်းပုံဆောင်စနစ်ဖြစ်ပြီး သိပ်သည်းဆ ၂.၅၆ မှ ၂.၇ဝ ထိရှိတတ်သည်။ မာဆင့် ၆ ရှိကာ ရောင်လက်မှာ ဖန်ရောင်လက်မှ ပုလဲရောင်လက်ထိ ရှိတတ်သည်။
ကြွေကျောက်အမျိုးအစားများ
ကြွေကျောက်များသည် မတူညီသည့် ဓါတုဖွဲ့စည်းမှုရှိသည် အလျောက် အရောင်များလည်းကွဲပြားကြသည်။ ထင်ရှားသည့် ကြွေကျော် အမျိုးအစားများမှာ-
- ပန်းရောင်= ဩသိုကလေ့စ် (Orthoclase)
- အဖြူရောင်= ပလေဂျီယိုကလေ့စ် (Plagioclase)
- အစိမ်းဖျော့= မိုက်ခရိုကလိုင်း (Microcline)
- အဝါ= အိုလီဂိုကလေ့စ် (Oligoclase) သို့ Sun Stone
- အရောင်မဲ့= ကြောင်ကျောက် "Moon Stone"
တို့ဖြစ်ကြပါသည်။
မွှာပူးအသွင် ပုံမျိုးကို အတွေ့ရများပြီး ထင်ရှားသည့် ကွဲအင် နှစ်စုံရှိသည်။
ထွက်ရှိရာ ဒေသများ
မြန်မာ၊ သီရိလင်္ကာ၊ အိန္ဒိယ၊ မာဒါဂါစကား၊ ကနေဒါ၊ အမေရိကန်ပြည်ထောင်စု၊ ရုရှား၊ တန်ဇေးနီးယား