နင်စေရင်

နင်စေရင်
Theatrical poster
အခြေခံအချက်အလက်
ဒါရိုက်တာ	ဝိုင်း (Own Creator)
ထုတ်လုပ်သူ	စိန်ဌေး ရုပ်ရှင်ထုတ်လုပ်ရေး
စာရေးသူ	နေနော်
သရုပ်ဆောင်	ပြေတီဦး မင်းဦး ဝတ်မှုန်ရွှေရည်
ကြာမြင့်ချိန်	၁၀၅ မိနစ်
နိုင်ငံ	မြန်မာနိုင်ငံ
ဘာသာစကား	မြန်မာဘာသာ
အမျိုးအစားခွဲခြင်းနှင့် ဖြန့်ဖြူးခြင်း
ဖြန့်ချိသည့်နေ့	ဩဂုတ် ၂၂၊ ၂၀၁၃ (၂၀၁၃-၀၈-၂၂)

နင်စေရင်ရုပ်ရှင်ဇာတ်ကားကြီးအား ဒါရိုက်တာ ဝိုင်း (Own Creator)မှ စာရေးဆရာနေနော်၏ ဝတ္ထုကို ရိုက်ကူးခဲ့ခြင်းဖြစ်ပြီး စိန်ဌေးရုပ်ရှင်ထုတ်လုပ်ရေးမှ ၂၀၁၃ ခုနှစ်တွင် ထုတ်လုပ်ဖြန့်ချိခဲ့သည်။ အဓိကသရုပ်ဆောင်များအဖြစ် ပြေတီဦး၊ မင်းဦး၊ ဝတ်မှုန်ရွှေရည် တို့မှ ပါဝင်သရုပ်ဆောင်ခဲ့သည်။

ဇာတ်ကြောင်း

တစ်ယောက်နှင့်တစ်ယောက် ချစ်ခင်စုံမက်ကြသော မိုးဆွေနှင့် ဝတ်ရည်ချိုတို့နှစ်ဦး အကြောင်းအမျိုးမျိုးကြောင့် ကွဲကွာခဲ့ကြသည်။ "မင်းသာသေစေချင်တယ်ဆိုရင် ငါသေဖို့အသင့်ပဲ"ဟု တိုင်တည်ရလောက်အောင်ပင် မိုးဆွေသည် ဝတ်ရည်ချိုအပေါ် ချစ်မြတ်နိုးခဲ့သည်။ တနေ့ မိုးဆွေ ပြောင်းလဲနေပြီဖြစ်သော သူ၏ချစ်သူ ဝတ်ရည်ချိုနှင့် ပြန်လည်ဆုံတွေ့ခဲ့ရသည်။ သူမသည် သူမ၏အမည်ကိုပင် ဂါးဂါးဟု ပြောင်းလဲထားခဲ့သည်။ ဝတ်ရည်ချိုက သူမ၏အခြေအနေတွေသည် သူမတို့နှစ်ယောက် ဘယ်တော့မှ နှစ်ကိုယ်တူမနေရတော့နိုင်ဟု ဆွေးမြေ့ဖွယ် အချစ်ဇာတ်လမ်းတစ်ပုဒ်ကို ရိုက်ကူးထားခြင်းဖြစ်သည်။

ဇာတ်ကောင်များ

• ပြေတီဦးမှ မိုးဆွေအဖြစ်
• မင်းဦးမှ သီဟစည်သူအဖြစ်
• ဝတ်မှုန်ရွှေရည်မှ ဝတ်ရည်ချို (ခ) ဂါးဂါးအဖြစ်

ဆုများ

၂၇ ဒီဇင်ဘာ ၂၀၁၄ ၌ ကျင်းပသော မြန်မာရုပ်ရှင် ထူးချွန်ဆု ချီးမြှင့်ပွဲအခမ်းအနား၌ ထိုရုပ်ရှင်ကားတွင် ပါဝင်သရုပ်ဆောင်ကြသော ပြေတီဦးနှင့် ဝတ်မှုန်ရွှေရည်တို့သည် ၂၀၁၃ နှစ်အတွက် အကောင်းဆုံး အမျိုးသား ဇာတ်ဆောင်ဆု၊ အကောင်းဆုံး အမျိုးသမီး ဇာတ်ဆောင်ဆုများ အသီးသီးရရှိခဲ့ကြပြီး ဇာတ်ပို့အဖြစ်ပါဝင်သရုပ်ဆောင်သူ မင်းဦးမှာလည်း အကောင်းဆုံး အမျိုးသား ဇာတ်ပို့ဆုကို ရရှိခဲ့သည်။