မဂ္ဂလန်တိမ်

အသေးနှင့် အကြီး မက်ဂျလစ်နစ် တိမ်တိုက်

မက်ဂျလစ်နစ် တိမ်တိုက်နှစ်ခု (သို့မဟုတ် နက်ဗျူလေး မက်ဂျလင်) သည် ပုံစံအတည်တကျမရှိသော ဂယ်လက်ဆီပု (သို့မဟုတ်) အရန်ဂယ်လက်ဆီ ဖြစ်သည်။ ယင်းသည် တောင်ဘက်ကောင်းကင်တွင်တည်ရှိပြီး Local Group ၏ အဖွဲ့ဝင်ဖြစ်ကာ နဂါးငွေ့တန်း ဂယ်လက်ဆီအား ဗဟိုပြုကာလှည့်ပတ်နေသည်။ သူတို့နှစ်ခုစလုံးသည် ဘားတန်းပုံစံဖြစ်သောကြောင့် တခါတရံ ယင်းတို့အား မက်ဂျစ်လစ်နစ် ခရုံပတ်ပုံစံ ဂယ်လက်ဆီများအဖြစ် ပြန်လည်းခွဲခြားသည်။ ဂယ်လက်ဆီနှစ်ခုမှာ

• ကြီးမားသော မက်ဂျလစ်နစ် တိမ်တိုက် (LMC)
• သေးငယ်သော မက်ဂျလစ်နစ် တိမ်တိုက် (SMC)

သမိုင်း

မက်ဂျလစ်နစ် တိမ်တိုက်များအား ပိုလီနီဆီယံဟု လူသိများကြပြီး လမ်းပြအမှတ်အသားများ ဖြစ်ကြသည်။ မက်ဂျလစ်နစ် တိမ်တိုက်အား အာရှ အနောက်ဘက်ခြမ်းတွင် ပထမရာစုနှစ်ကတည်းက သိထားကြသည်။ ကြီးမားသော မက်ဂျလစ်နစ် တိမ်တိုက်ကိုမူ ပါရှန်းလူမျိုး နက္ခတ္တပညာရှင် AI Sufi မှအမည်ပေးခဲ့သည်။ သူ၏ Book of Fixed Stars ဟူသောစာအုပ်တွင် မှတ်သားခဲ့သည်မှာ တိမ်တိုက်အား အာရေဘိယနှင့် ဘဂ္ဂဒတ်မြို့မှ မမြင်ရပေ။