ဥတ္တိယ

အရှင်ဥတ္တိယထေရ် သည် မြတ်စွာဘုရား၏ သာသနာတော်ရှိ ရဟန်းတစ်ပါး ဖြစ်၏။

ဘဝဇာတ်ကြောင်း

သိဒ္ဓတ္ထမြတ်စွာဘုရားလက်ထက်

သိဒ္ဓတ္ထမြတ်စွာဘုရား ပွင့်တော်မူစဉ် အခါက ဖြစ်၏။ အရှင်ဥတ္တိယထေရ်သည် ထိုအချိန်တွင် စန္ဒဘာဂါမြစ်ကမ်းတွင် မိကျောင်းတစ်ကောင် ဖြစ်နေ၏။ တစ်နေ့သောအခါ မြတ်စွာဘုရားသည် တစ်ဖက်ကမ်းသို့ ကူးလိုသည်ကို မိကျောင်းသည် “မိမိအား စီးပါ၊ တစ်ဖက်ကမ်းသို့ ပို့ဆောင်ပေးပါမည်” ဟု ဆို၏။ ထို့နောက် မြတ်စွာဘုရားအား တစ်ဖက်ကမ်းသို့ ပို့ဆောင်ပေးခဲ့၏။

အကျိုးခံစားရခြင်း

ထို့နောက် မိကျောင်းသည် သေလွန်သောအခါ နတ်ပြည်သို့ရောက်ခဲ့၏။ ခုနစ်ကြိမ် သိကြားမင်းအဖြစ်ကို ရ၏။ သုံးကြိမ် စကြဝတေးမင်း ဖြစ်ခဲ့၏။

ဤသို့ ဘဒ္ဒကမ္ဘာမှ ရေတွက်ပါက ကိုးဆယ့်လေးကမ္ဘာထက်တွင် မြတ်စွာဘုရားကို တစ်ဖက်ကမ်းသို့ ပို့ပေးခဲ့သည့် အကျိုးကြောင့် အပါယ်လေးဘုံသို့ လုံးဝမကျရောက်ခဲ့ရပေ။

ဂေါတမမြတ်စွာဘုရားထက်ထက်

နောက်ဆုံးဘဝတွင် ဂေါတမမြတ်စွာဘုရား၏ သာသနာတော်တွင် အရှင်ဥတ္တိယထေရ် အဖြစ်ဖြင့် အာသဝေါကုန်ခမ်း ရဟန္တာ ဖြစ်တော်မူ၏။