အေးဝတ်ရည်သောင်း

အေးဝတ်ရည်သောင်း
မွေးဖွား	(1984-05-27) ၂၇ မေ၊ ၁၉၈၄ ရန်ကုန်
အခြား အမည်များ	အေးသောင်း
အလုပ်အကိုင်	သရုပ်ဆောင်၊ သရုပ်ပြမယ်၊ အဆိုတော်
တက်ကြွလှုပ်ရှားနှစ်များ	၁၉၉၇–၂၀၁၁ ၂၀၁၆–လက်ရှိ
အရပ်	၅ ft ၆ in (၁.၆၈ m)

အေးဝတ်ရည်သောင်း (၁၉၈၄ ခု၊ မေလ ၂၇ ဖွား) သည် မြန်မာလူမျိုး သရုပ်ဆောင်၊ သရုပ်ပြမယ်နှင့် အဆိုတော် ဖြစ်သည်။ ၂၀၀၀ ပြည့်နှစ်များတွင် လူသိများခဲ့သူ ဖြစ်သည်။

ငယ်ဘဝ

၁၉၈၄ ခု၊ မေလ ၂၇ ရက်တွင် ရန်ကုန်၌ မွေးသည်။ ညီအစ်မ ၃ ယောက်အနက် အလတ်ဖြစ်သည်။ အကြီးဖြစ်သော နှင်းဝတ်ရည်သောင်းနှင့် အငယ်ဆုံးဖြစ်သော ဆွိဝတ်ရည်သောင်း တို့သည်လည်း အနုပညာလှုပ်ရှားမှုများ ပြုဖူးသည်။

အထက(၂) ရန်ကင်း၌ အထက်တန်းအောင်ကာ ဒဂုံတက္ကသိုလ်မှ ဓာတုဗေဒနှင့် ဘွဲ့ရသည်။

အနုပညာ လှုပ်ရှားမှု့

အေးဝတ်ရည်သောင်းသည် ၁၉၉၇ ခုနှစ်တွင် မော်ဒယ်အဖြစ် စတင်ခဲ့သည်။ ၁၉၉၈ ခုနှစ်တွင် ပြည်တွင်းအလှမယ် ခရစ္စမတ် ပြိုင်ပွဲတွင် ဝင်ရောက်ယှဉ်ပြိုင် ခဲ့ပြီး ဆုရရှိခဲ့သည်။ စင်္ကာပူ Management Development Instituteတွင် ပညာသင်ကြားနေစဉ် သုံးနှစ်ခန့် သရုပ်ဆောင်အလုပ်ကိုရပ်နားခဲ့သည်။

အသက် ၁၅ နှစ်အရွယ်တွင် စတင်ဝင်ရောက်ခဲ့ပြီး ကြော်ငြာ ၄၀ ခန့်၊ ဗီဒီယို ၁၀၀ ကျော်နှင့် ရုပ်ရှင်ဇာတ်ကား ၃ ကားတွင် ပါဝင်ခဲ့သည်။ မဂ္ဂဇင်းကာဗာဓာတ်ပုံများနှင့် နောက်ခံပုံများအတွက်လည်း သရုပ်ဆောင်ခဲ့ပြီး၊ တစ်ကိုယ်တော် တေးသီချင်းအယ်လ်ဘမ် "Lawe Lawe Lay" ကို ထွက်ရှိခဲ့သည်။

၂၀၁၄ ခုနှစ်တွင် ပိုးထည်၊ ချည်ထည်နှင့် ရိုးရာထည်များ ရောင်းချသည့် ရွှေလွှင်သန်း ဆိုင်ကို ဖွင့်လှစ်ခဲ့ပြီး၊ ၂၀၁၆ ခုနှစ်တွင် အောင်မြင်စွာ တိုးချဲ့နိုင်ခဲ့သည်။ ၂၀၁၆ ခုနှစ် ဖေဖော်ဝါရီတွင် ဘန်နီဖြိုး နှင့်အတူ ချာမ်း ရုပ်သံဇာတ်လမ်းတွဲတွင် ပါဝင်ခဲ့ပြီး. ၂၀၁၇ ခုနှစ်တွင် ရတနာပုံ ဇာတ်လမ်းတွဲ၌ ပါဝင်သရုပ်ဆောင်ခဲ့သည်။ ထို့နောက် ၂၀၁၈ ခုနှစ်တွင် မြင့်မြတ် နှင့် Kelvin Kate တို့နှင့်အတူ မင်္ဂလာရှိတဲ့အရပ် ဇာတ်လမ်းတွဲတွင် ပါဝင်ခဲ့သည်။ သူမသည် ရုပ်ရှင်ဇာတ်ကားကြီး ၈ ကားနှင့် ရုပ်ရှင်ဗီဒီယိုအခွေ ၁၀၀ ကျော်တွင် ပါဝင်သရုပ်ဆောင်ခဲ့ပြီး

၂၀၁၈ ခုနှစ် မြန်မာ အကယ်ဒမီဆု အတွက် “အကောင်းဆုံး ဇာတ်ပို့မင်းသမီးဆု” ဆန်ခါတင်စာရင်းတွင် ပါဝင်ခဲ့သည်။

ရိုက်ကူးထားသော ရုပ်ရှင်များ

ရုပ်ရှင်

• မုန်းစွဲ (၂၀၁၈)

ရုပ်သံဇာတ်လမ်းတွဲ

ခုနှစ်	ရုပ်ရှင်ဇာတ်ကား	မှတ်ချက်
၂၀၁၆	ချာမ်း	ဘန်နီဖြိုး
၂၀၁၇	ရတနာပံု	–
၂၀၁၉	မဂ်လာရှိသောအရပ်	မြင့်မြတ်၊ Kelvin Kate
၂၀၁၉	ရင်ခွင်ရှင်းတမ်း	–

အယ်လ်ဘမ်

• Lawe Lawe Lay (Easy) (၂၀၀၅)

ဆုများနှင့်ဆန်ကာတင်စာရင်း

ခုနစ်	ဆု	အမျိုးအစား	ဆန်ကာတင်ဇာတ်ကား	ရလဒ်
၂၀၁၈	မြန်မာ အကယ်ဒမီထူးချွန်ဆု	အကောင်းဆုံးအမျိုးသမီးဇာတ်ပို့ဆု	မုန်းစွဲ	ဆန်ခါတင်
၂၀၁၈	Star Award	အကောင်းဆုံးအမျိုးသမီးဇာတ်ပို့ဆု	မုန်းစွဲ	ဆန်ခါတင်

ပြင်ပလင့်ခ်များ

• ဖေ့စ်ဘွတ်ခ် ပေါ်ရှိ အေးဝတ်ရည်သောင်း
• အိုင်အမ်ဒီဘီပေါ်ရှိ အေးဝတ်ရည်သောင်း