အီစိုး

အီစိုး

ကိုယ်ရေးအချက်အလက်များ
အမည် အပြည့်အစုံ	အီစိုး
မွေးသက္ကရာဇ်	(1996-11-15) ၁၅ နိုဝင်ဘာ၊ ၁၉၉၆
မွေးရပ်ဇာတိ	မြစ်ကြီးနားမြို့, မြန်မာ
အရပ်အမြင့်	၁.၆၉ m (၅ ft ၆ ၁⁄၂ in)
ကစားသည့်နေရာ	တိုက်စစ်
ကလပ်နှင့်သက်ဆိုင်သောအချက်အလက်များ
လက်ရှိအသင်း	ရန်ကုန်ယူနိုက်တက်
အင်္ကျီနံပါတ်	27
လူငယ်ဘဝကလပ်များ
၂၀၁၅-၂၀၁၆	မနောမြေလူငယ်အသင်း
အကြီးတန်း ကစားသမား*
ခုနှစ်	အသင်း	ကစားပွဲ†	(သွင်းဂိုး)†
၂၀၁၇ -	ရန်ကုန်ယူနိုက်တက်	၂၀	(၉)
နိုင်ငံကိုယ်စားပြုအသင်း‡
၂၀၁၆-၂၀၁၇	မြန်မာယူ ၂၁	၅	(၂)
2018–	မြန်မာ	3	(0)
* ဂိုးအရေအတွက်ကို ကလပ်အသင်းကြီး ကစားခြင်းနှင့် ပြည်တွင်းလိဂ်အတွက်သာ ရေတွက်ပြီး 30 January 2018အထိ ဖြစ်သည်။ † ကစားသည့် ပွဲအရေအတွက် (သွင်းဂိုး) ‡ 30 January 2018 အထိ နိုင်ငံကိုယ်စားပြုပွဲနှင့် သွင်းဂိုးများ

အီစိုး (၁၉၉၆ ခုနှစ်၊ နိုဝင်ဘာလ ၁၅ ရက်နေ့ဖွား) သည် ဂေါ်ရခါးနွယ်ဖွား မြန်မာဘောလုံးကစားသမား ဖြစ်သည်။ မြန်မာယူ ၂၁ အသင်း၏ တိုက်စစ်မှူးဖြစ်ပြီး ရန်ကုန်ယူနိုက်တက်ကလပ်အသင်းတွင် ကစားခဲ့သည်။ အီစိုးသည် လက်ရှိတွင် လာအိုနိုင်ငံ၏ Young Elephant ကလပ်အသင်း၏တိုက်စစ်မှူးအဖြစ် လာအိုလိဂ်ဝမ်း (Lao League 1)တွင် ကစားလျက် ရှိသည်။ FOX Sports Asia က နေမာနှင့် တိုက်စစ်ကစားပုံခြင်းဆင်တူသည့်အတွက် "မြန်မာနိုင်ငံ၏ နေမာ" ဟု တင်စားခေါ်ဝေါ်ခဲ့သည်။

ကလပ်ကစားသမားဘဝ

အစောပိုင်းနှစ်များ

၂၀၁၅ ခုနှစ်တွင် မနောမြေလူငယ်အသင်းတွင် ကစားခဲ့ပြီး ကျွမ်းကျင်မှုကို ပြသနိုင်ခဲ့သည်။ ၂၀၁၆ ခုနှစ်တွင် မနောမြေအသင်းကြီးအတွက် ရွေးချယ်ခြင်း ခံရသည်။ သို့သော် မနောမြေအသင်းသည် 2016 MNL ရာသီတွင် ထွက်ခဲ့သည်။ ထို့နောက်တွင် ရန်ကုန်ယူနိုက်တက်အသင်း၏ နည်းပြများသည် ရန်ကုန်ယူနိုက်တက်အသင်းသို့ ခေါ်ခဲ့သည်။ ၂၀၁၇ ခုနှစ်တွင် 2017 International U-21 Thanh Niên Newspaper Cup အတွက် ကစားရန် မြန်မာယူ ၂၁ အသင်းအတွက် ခေါ်ခြင်းခံခဲ့ရသည်။ သူသည် အကောင်းဆုံးစွမ်းရည်ဖြင့် ကစားနိုင်ခဲ့ပြီး ၂ ဂိုးသွင်းယူနိုင်ခဲ့သည်။

ရန်ကုန်ယူနိုက်တက်

၂၀၁၈ ခုနှစ်တွင် ရန်ကုန်ယူနိုက်တက်အသင်းသည် ၂၀၁၈ ခုနှစ် မြန်မာနေရှင်နယ်လိဂ်ပွဲအတွက် ကစားသမားစာရင်းတွင် ထည့်သွင်းခဲ့သည်။ဇန်နဝါရီလ ၂၈ ရက်နေ့တွင် အီစိုးသည် သူ၏ ပထမဆုံးပရော်ဖက်ရှင်နယ်ကစားသမားဘဝ ပြိုင်ပွဲအဖြစ် စစ်ကိုင်းယူနိုက်တက် FC အသင်းနှင့် အဝေးကွင်းပွဲ ကစားခဲ့သည်။