အဘူစင်ဘယ်

ဝီကီပီးဒီးယား မှ
Jump to navigation Jump to search
အဘူဆင်းမ်ဘဲလ်မှ ဖီလေး အထိရှိသော နျူဘီယမ် အမှတ်တရ အဆောက်အဦးများ*
UNESCO ကမ္ဘာ့အမွေအနှစ်နေရာများ

Panorama Abu Simbel crop.jpg
တည်ရှိသည့် နိုင်ငံ  အီဂျစ်
အမျိုးအစား ယဉ်ကျေးမှု
ရွေးချယ်သည့်စံနှုန်း i,iii,vi
ကိုးကား ၈၈
ဒေသ** အာရပ်နိုင်ငံများ
သတ်မှတ်ခြင်း မှတ်တမ်း
စတင်သတ်မှတ်ခြင်း ၁၉၇၉  (တတိယအကြိမ်)
* ယူနက်စကိုကမ္ဘာ့အမွေခံစာရင်းတွင် ရေးထိုးထားသောအမည်
** ယူနက်စကိုမှ ခွဲခြားသတ်မှတ်ထားသောဒေသ

အဘူဆင်းမ်ဘဲလ် ဘုရားကျောင်းတော်များ သည် အီဂျစ်နိုင်ငံ တောင်ပိုင်း နျူဘီယာရှိ ဆူဒန်နိုင်ငံ နယ်စပ်နှင့် နီးစပ်သော အဘူဆင်းမ်ဘဲလ်ရွာတွင် တည်ရှိသော ဧရာမ ကျောက်တုံး ဘုရားကျောင်းတော်ကြီး နှစ်ခု ဖြစ်သည်။ နပ်ဆာကန်၏ အနောက်ဘက်ကမ်းတွင် တည်ရှိပြီး အီဂျစ်နိုင်ငံ အက်ဆဝမ်မြို့၏ အနောက်တောင်ဘက် ၂၃၀ ကီလိုမီတာ အကွာ (ကားလမ်းဖြင့် ၃၀၀ ကီလိုမီတာ) တွင် တည်ရှိသည်။ ထိုအဆောက်အဦးများသည် ယူနက်စကို ကမ္ဘာ့အမွေအနှစ်နေရာ တစ်ခု ဖြစ်သော "နျူဘီယမ် အမှတ်တရ အဆောက်အဦးများ" ၏ တစိတ်တဒေသ ဖြစ်ပြီး အဘူဆင်းဘဲလ်မှ အက်ဆဝမ်မြို့ အနီးရှိ ဖီလေး အထိ တည်ရှိသည်။ ထိုဘုရားကျောင်းတော် အမြွှာ အဆောက်အဦး နှစ်ခုမှာ မူလပထမက တောင်နံရံကို ထွင်းထု ဆောက်လုပ်ထားခဲ့ခြင်း ဖြစ်ပြီး အီဂျစ်နိုင်ငံ၏ ၁၉ ခုမြောက် မင်းဆက်၏ ဖာရိုဘုရင် ရမ်ဆီ ၃ ၏ လက်ထက် ဘီစီ ၁၃ ရာစု တွင် တွင် တည်ဆောက်ခဲ့ခြင်း ဖြစ်သည်။ ကာဒက်ရှ်စစ်ပွဲကို အောင်နိုင်ခြင်းကို အောင်ပွဲခံဆင်နွှဲသည့် အနေနှင့် ဖာရိုဘုရင်မှ ၎င်းနှင့် ၎င်း၏ မိဘုရား နက်ဖာတာရီ တို့ အတွက် ရေရှည် ကျန်ရစ်စေမည့် အမှတ်တရ အဆောက်အဦး အဖြစ် တည်ဆောက်ခဲ့ခြင်း ဖြစ်သည်။ ၎င်းတို့၏ ကျောက်သားကို ထွင်းထုထားသည့် လက်ရာမှာ အလွန်ထင်ရှားကျော်ကြားသည်။


သဲကျောက်များကို ကြီးမားသော အတုံးကြီးများဖြစ်အောင် ဖြတ်တောက်ပြီး မြင့်မားသောဘုရားကျောင်း ကြီးများအဖြစ် တည်ခဲ့ခြင်းဖြစ်သည်။ ယင်းတို့အနက် ကျောင်းဆောင်ကြီးတခုမှာ ၁၈၀-ပေခန့် ကျယ်ဝန်းပြီး အတွင်းပိုင်းတွင် အခန်းပေါင်းများစွာ ပါဝင်သည်။ အဆောက်အအုံ၏ မျက်နှာစာတွင် ၆၅-ပေခန့်အမြင့်ရှိသော ရှေးဟောင်းအီဂျစ်စစ်သည်တဦး ထိုင်နေဟန်ပုံ ရုပ်တု၄-ခုကို ထုလုပ်ထားသည်။ ထိုရုပ်တုကြီးများအပေါ်တွင် ရှေးဟောင်းဂရိကြေးစား စစ်သည်ရုပ်တုပုံများကို ထုလုပ်ပြီး ကမ္ပည်းထိုးထားသည်။

၁၉၆၀-ခန့်တွင် နိုင်းမြစ်ကိုပိတ်၍ ရေကာတာ ပြုလုပ်လိုက်သဖြင့် ထိုရုပ်တုကြီးများတည်ရှိရာ နက်ဆာရေကန်၏ ရေမျက်နှာပြင် မြင့်တက်လာသည်။ ရုပ်တုကြီးများ ရေလွှမ်းမိုးမှုဘေးကို ရင်ဆိုင်လာရသည်။ ထို့ကြောင့် ပိုမိုမြင့်မားသော ရေလွတ်ရာအရပ်သို့ ရုပ်တုကြီးများကို ဖြတ်တောက် သယ်ဆောင်ပြီး ပြန်လည်ထိန်းသိမ်းထားရသည်ဟု သိရှိရသည်။