သုတေသနနှင့် ဖွံ့ဖြိုးရေးဗဟိုဌာန
သုတေသနနှင့် ဖွံ့ဖြိုးရေးဗဟိုဌာနသည် ပြည်တွင်းစက်မှုလုပ်ငန်းများကို နည်းပညာဖွံ့ဖြိုးတိုးတက်စေမည့် စားသောက်ကုန်နှင့် ဆေးဝါးဆိုင်ရာ သုတေသနလုပ်ငန်းများ၊ ကုန်ကြမ်းပစ္စည်း သုတေသနလုပ်ငန်းများ၊ စက်ကိရိယာပစ္စည်း သုတေသနလုပ်ငန်းများနှင့် စက်အစိတ်အပိုင်းဆိုင်ရာ သုတေသနလုပ်ငန်းများကို ဆောင်ရွက်နိုင်ရေးအတွက် ရည်ရွယ်ဖွဲ့စည်းထားခြင်း ဖြစ်သည်။ စက်မှု ဝန်ကြီးဌာန အောက်ရှိ ဌာနတစ်ခုဖြစ်သည်။
ဖွဲ့စည်းပုံ[ပြင်ဆင်ရန်]
သုတေသနနှင့် ဖွံ့ဖြိုးရေးဗဟိုဌာန ကြီးကြပ်မှုအောက်တွင် အောက်ပါဌာနများ ပါဝင် ဖွဲ့စည်းထားသည်။
- ဆေးဝါးနှင့် စားသောက်ကုန် သုတေသနဌာန (ရန်ကုန်)
- စက်မှုသုတေသနဌာန (သာဂရ)
ဆောင်ရွက်ချက်များ[ပြင်ဆင်ရန်]
ဆေးဝါးနှင့်စားသောက်ကုန်သုတေသနဌာန
- စက်မှု ဝန်ကြီးဌာနရှိ ဆေးဝါးစက်ရုံများမှ ထုတ်လုပ်သည့် ဆေးဝါးများ နှင့်စားသောက်ကုန်များ၏ အရည်အသွေးစစ်ဆေးခြင်း။
- ဆေးဝါးအမယ်အသစ်များ စမ်းသပ်ခြင်း၊ လက်ရှိထုတ်လုပ်နေသော ဖော်စပ်မှုနည်းပညာအဟောင်းများကို တိုးတက်ပြုပြင်ခြင်း။
- စက်မှုဝန်ကြီးဌာနမှ ထုတ်လုပ်ထားသော ဆေးဝါးများအား ဈေးကွက်မှ နမူနာရယူစစ်ဆေးခြင်း။
- ဆေးဖက်ဝင်အပင်များ စမ်းသပ်စိုက်ပျိုးခြင်း။
စက်မှုသုတေသနဌာန
- စက်ယန္တရားဆိုင်ရာ သုတေသနလုပ်ငန်းများ။
- အဆင့်မြင့်လျှပ်စစ်ပစ္စည်း သုတေသနလုပ်ငန်းများ။
- လယ်ယာသုံးစက်ပစ္စည်း သုတေသနလုပ်ငန်းများ။
- ရာဘာသုတေသနလုပ်ငန်းများ။
- သတ္တုဗေဒ သုတေသနလုပ်ငန်းများ။
- အသုံးချဒီဇိုင်းသုတေသနလုပ်ငန်းများ။