သရက်ထောင်ဖောက်ခဲ့စဉ်က (စာအုပ်)

ဝီကီပီးဒီးယား မှ
အ​ညွှန်း​သို့ ခုန်ကူးရန် ရှာဖွေရန် ခုန်ကူးမည်
သရက်ထောင်ဖောက်ခဲ့စဉ်က
Breaking Thayet Prison book front cover.jpg
စာအုပ်မျက်နှာဖုံး
စာရေးသူအောင်သင်း
မျက်နှာဖုံး သရုပ်ဖော်ဇော်မောင်
နိုင်ငံ မြန်မာ
ဘာသာစကားမြန်မာဘာသာ
ထုတ်ဝေသူဇွန်ပွင့်စာအုပ်တိုက်
ထုတ်ဝေသည့်ရက်
စက်တင်ဘာ၊ ၂၀၁၃
မီဒီယာ အမျိုးအစားပုံနှိပ်စာအုပ်
စာမျက်နှာ၁၂၉

သရက်ထောင်ဖောက်ခဲ့စဉ်က စာအုပ်သည် မြန်မာစာရေးဆရာ အောင်သင်း၏ ဖြစ်ရပ်မှန် စွန့်စားခန်းစာအုပ် ဖြစ်သည်။ ၂၀၁၃ ခုနှစ် စက်တင်ဘာလတွင် ဇွန်ပွင့်စာအုပ်တိုက် မှ ပထမအကြိမ်အဖြစ် ထုတ်ဝေခဲ့သည်။

ဆရာအောင်သင်းသည် ၁၉၄၉ ခုနှစ် ရောင်စုံသူပုန်များ ပေါ်ပေါက်လာချိန်တွင် ရဲဘော်ဖြူများ၏ ဖမ်းဆီးခြင်းခံရကာ မကွေးထောင်၊ တောင်တွင်းကြီးထောင်၊ ပြည်ထောင်၊ သရက်ထောင်များတွင် နေထိုင်ခဲ့ရပြီး ၁၉၄၉ ခုနှစ် နိုဝင်ဘာလတွင် သရက်ထောင်ကို ဖောက်၍ ထွက်ပြေးလွတ်မြောက်ခဲ့သည်။ သရက်ထောင်မှ ထွက်ပြေးလွတ်မြောက်ရန် ကိုတိုင်းမောင်၊ ကိုအောင်ကြည်တို့နှင့်အတူ ကြိုးပမ်းခဲ့သည့်အကြောင်းများကို ရေးသားထားခြင်းဖြစ်သည်။

ပါဝင်သည့်အကြောင်းအရာများ[ပြင်ဆင်ရန်]

အကြောင်းအရာများကို အပိုင်းသုံးပိုင်းခွဲ၍ တင်ဆက်ထားသည်။ အပိုင်းတစ်တွင် သရက်ထောင်သို့ ရောက်ရှိလာပုံ၊ ထောင်တွင်းတွင် နေထိုင်စားသောက်ရပုံများ၊ ထောင်ဖောက်ရန် ကြံစည်ကြိုးပမ်းပုံမှ ထောင်အပြင်ဖက်သို့ လွတ်မြောက်သွားပုံတို့ကို ရေးသားထားသည်။ အပိုင်းနှစ်တွင် တောင်တွင်းကြီးမြို့သို့ သွားရန်ကြိုးပမ်းပုံများ၊ အပိုင်းသုံးတွင် တောင်တွင်းကြီးမြို့မှ ရေနံချောင်းမြို့သို့ ခရီးဆက်ရပုံများကို ရေးသားဖော်ပြထားသည်။